लूका 21:22 - ह्योल्‍मो

²² च्‍यिबेमाना, ओ़हदीॱराङ ङ्य़ेहबा फो़एँगी ती़हजी यिहम्‍बा, ओहले सुङरापला प्रुहक्‍योगी केच्‍या थाम्‍ज्‍यीराङ तेहन्‍दा डुप्‍च्‍ये येह।

लूका 21:22 Referans Kwoze

२ पत्रुस 2:9

दि ल़ेहमु जेती टाहङबु मिहला ङ्याहम्‍छेलेगी थार च्‍य़ूज्‍ये दाङ तिहक्‍च्‍येम्‍बा मिहया़ला ठिम ताङ नाङगे ङ्यिहमा थु सी़दे ज़्‍या़ नाङज्‍येला चो़वोगी ङोह ख्‍येन्‍गे।

२ पत्रुस 3:7

यिहॱनाङ ओ़ह सुङगीॱराङ किन्‍ज्‍योला मे़हक्‍याप्‍के मिहया़ला ठिम ताङ नाङज्‍येला तोङ च्‍य़ू नाङगेन्‍गी ङ्यिहमा थु ताहन्‍दाकी नाम दाङ जाम्‍बुलीङगी मेहकी तेहन्‍दाला सी़दे ज़्‍या़ नाङदी येह।

रोमी 2:5

यिहॱनाङ ख्‍याया़गी राहङगी सेम सान्‍दी पेहती स्‍या़बा माहन्‍डुपा सोङबे किन्‍ज्‍योकी थुयालकी ङ्यिहमाला ख्‍याया़ला जेन छ्यिम्‍बु ङ्य़ेहबा फो़ज्‍ये येह, ओहजेला किन्‍ज्‍योगी ठिम टाहङबु जेती ताङ नाङग्‍योदी मिह थाम्‍ज्‍यीगी थोङज्‍ये येह।

मत्ती 1:22

लुहङतेम्‍बा लाहमले चो़वोगी सुङ नाङग्‍योकी स्‍याहल तेहन्‍दा डुप्‍च्‍येला दि थाम्‍ज्‍यी काहल्‍ग्‍यो यिहम्‍बा: