लूका 21:19 - ह्योल्‍मो

¹⁹ सेम माहङग्‍युर्पा पेहती तेहतोङ, ओहले ख्‍यागी तेहन्‍दामगी मिहली ज्‍योर्च्‍ये येह” म़ेदी येशूगी सुङ नाङसीन।

लूका 21:19 Referans Kwoze

हिब्रू 10:36

किन्‍ज्‍योकी थु-सेम छाङबु पेहच्‍येला ओहले मिहरोगी ताहम्‍ज्‍या ज़्‍या़ नाङग्‍योकी केच्‍याया़ ज्‍योर्च्‍येला ख्‍या थिक-चि पेहती कू़हदी तेहतोङ।

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

याकूब 1:3

च्‍यिबेमाना ख्‍याया़ला क्‍यी़ह येहबा ख्‍याती तेहपाला ङ्याहम च्‍येकेमु ख्‍यागी ना ख़ूएँगी स्‍युक छ्यिम्‍बु पेहती डोएँ।

ज्‍याल्‍गा 3:10

ख्‍येगी ना़स्‍यीङ छ्यिम्‍बु पेहती ङाहगी काया़ ची़क्‍यो सोङबे, ता़ह थाम्‍ज्‍यी क्‍यिहपाया़ला ङ्याहम च्‍येच्‍येला दि जाम्‍बुलीङ थो़ला बाप ओहङज्‍ये पेहक्‍यो तुहक्‍पुलेगी ङाह ख्‍येला थार च्‍य़ूज्‍ये येह।

रोमी 5:3

ओहजे च्‍यी़राङ मिहम्‍बा, तुहक्‍पुकी ती़हजीॱलाङ ओहराङ क़ेहनाङ पेहकें च्‍यिबेमाना तुहक्‍पुगी ओहराङला ना़ ख़ूएँकी ओङ तेर्के,

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

ज्‍याल्‍गा 13:10

चोन-खाङला डो कोहएँदी चोन-खाङलाराङ डोज्‍ये येह, पादाङगी तुप्‍ती स्‍यि कोहएँया़ पादाङगीॱराङ तुप्‍ती स्‍यिज्‍ये येह। ओ़ह सोङबे किन्‍ज्‍योकी मिहया़ ङ्याम्‍बु ना़स्‍यीङ छ्यिम्‍बु दाङ तेहपा ओहङ कोहएँ।

ज्‍याल्‍गा 14:12

ओ़ह सोङबे किन्‍ज्‍योकी का ची़गे दाङ येशूला तेहपा पेहकें किन्‍ज्‍योकी नाम्‍पार-ताहक्‍पा मिहया़ ना़स्‍यीङ छ्यिम्‍बु पेहती तेह कोहएँ।

हिब्रू 6:11

दि ल़ेहमु सेम्‍बा ख्‍याया़दी तिङ थुराङ ओहङज्‍यु ओहले ख्‍याया़गी रेहवा तेहन्‍दा डुप्‍च्‍ये येह दिराङ ङ्यिहती सेम्‍बा यिहम्‍बा।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

मत्ती 24:13

यिहॱनाङ तिङ थु थिर पेहती तेहकेनया़दी थार्च्‍ये येह।

ज्‍याल्‍गा 1:9

ङाह ख्‍याया़गी आदा यूहन्‍ना यिहम्‍बा। ओहले येशूकी तुहक्‍पु, क्‍याहल्‍सी दाङ ना़स्‍यीङला ङाहॱआङ ख्‍या ङ्याम्‍बु-ङ्याम्‍बुराङ येहकें। किन्‍ज्‍योकी सुङ दाङ येशू मास्‍यीकाती पाङबु तेहक्‍यो सोङबे ङाह पत्‍मोस माएँ छोलिङला येहकें।

हिब्रू 6:15

अब्राहामगी ना़स्‍यीङ छ्यिम्‍बु पेहती कू़हदी तेहसीन ओहले किन्‍ज्‍योगी ताहम्‍ज्‍या ज़्‍या़ नाङग्‍योकी मेलामया़ खोगी ज्‍योर्सीन।

२ थेसलोनिकी 3:5

चो़वोगी ख्‍या फ़ेबे-म़ेहमेया़गी सेमला किन्‍ज्‍योगी चेवा दाङ मास्‍यीकाकी ना ख़ूएँगी ओङ ङो़ले ठि-नाङज्‍यु।

रोमी 8:25

यिहॱनाङ का़हलेॱआङ ओहराङगी माहथोङबाकी से़हला रेहवा पेहकें माना, ओहराङ ओ़हगी तेहन्‍दाला ना़स्‍यीङ छ्यिम्‍बु पेहती कू़हदी तेहकें।

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

रोमी 15:4

सुङरापला प्रुहक्‍योकी सुङदेनया़ ओहराङला लोप्‍ताम क्‍याहप्‍च्‍येकी तेहन्‍दाला प्रुहक्‍यो यिहम्‍बा। ओहराङगी रेहवाला स्‍यि मी़हच्‍य़ूज्‍येगी तेहन्‍दाला छ्य़ेगी ओहराङला ना़ ख़ूएँकी ओङ दाङ स्‍युक क्‍ये च्‍य़ूगे।

रोमी 5:4

तुहक्‍पु ना़ ख़ूएँ ओङगी ओहराङगी पेहताङया़ला या़हबु ज़ोएँ, ओहले या़हबु पेहताङगी ओहराङला रेहवा क्‍ये च्‍य़ूगे।

याकूब 1:4

ख्‍याला च्‍यि से़हदीॱआङ कोम्‍बु माहयोहङज्‍यु ओहले ख्‍या याहङ-ताहक्‍पा दाङ छाङबु डो ख़ूज्‍यु म़ेदी ना़स्‍यीङला खोती ल़ेह थाम्‍ज्‍यीराङ पेह च्‍य़ूदोङ।

२ पत्रुस 1:6

येहन्‍देनला सेम टिहला ज़्‍या़गेन्‍दी पा़हदोङ, सेम टिहला ज़्‍या़गेन्‍दीला ना़स्‍यीङ छ्यिम्‍बु पेहकेन्‍दी पा़हदोङ, ना़स्‍यीङ छ्यिम्‍बु पेहकेन्‍दीला छ्य़ेसेम पा़हदोङ