लूका 21:17 - ह्योल्‍मो

¹⁷ ङाहगी मिहनगी पेहती थाम्‍ज्‍यीगीराङ ख्‍याला ङेन्‍ज्‍येन पेहच्‍ये येह।

लूका 21:17 Referans Kwoze

यूहन्‍ना 15:19

ख्‍या दि जाम्‍बुलीङदी यिहन्‍गे यिहनानी खुङगी ख्‍याला राहङदीराङ ने़दी चेवा पेहच्‍ये येहकें। यिहॱनाङ ख्‍या दि जाम्‍बुलीङदी मिहन। ख्‍याला ङाहगी जाम्‍बुलीङ यिहन्‍ज्‍यु दाम्‍सीन ओ़ह सोङबे जाम्‍बुलीङगी ख्‍याला ङ्येन्‍ज्‍येन पेहकें।

लूका 6:22

“ख्‍या काहजे सोनाम-साक्‍पु, मिहगी स़ेबुगी तेहन्‍दाला मिहया़गी ख्‍याया़ला नाम्‍दो पेहच्‍ये येह, ओहले छ्यु च्‍येच्‍ये येह, ओहले स्‍ये़हन्‍डील पेहच्‍ये येह, ओहले ङ्येहन्‍दा ने़दी ख्‍याया़दी मिहनला स्‍याहम्‍डेन तेन्‍ज्‍ये येह।

२ कोरिन्‍थी 12:10

ओ़ह सोङबे मास्‍यीकागी तेहन्‍दाला ङाह मा-फाम्‍बु डोॱनाङ, मिहया़गी ङाहला स्‍ये़हन्‍डील पेहॱनाङ, तुहक्‍पु तेरॱनाङ, खेन्‍दा-का़हबु डोॱनाङ, फसात पार तीॱनाङ ङाह सेम काहसो पेहकें च्‍यिबेमाना ङाह मा-फाम्‍बु येहना च्‍यी़राङ, ङाह स्‍युक छ्यिम्‍बु डो ख़ूएँ।

यूहन्‍ना 15:21

यिहॱनाङ खुङगी दि थाम्‍ज्‍यी ङाहती मिहनगी तेहन्‍दाला ख्‍याया़ला पेहच्‍ये येह, च्‍यिबेमाना खुङगी ङाहला ताङ नाङगेन्‍दीला ङोह मे़हस्‍येएँ।

ज्‍याल्‍गा 2:3

ख्‍यागी ना़स्‍यीङ छ्यिम्‍बु पेहती ङाहगी तेहन्‍दाला तुहक्‍पु खुर्सीन ओहले तोहरोङॱआङ ख्‍यागी सेम स्‍यिदी म़ेह म़ेदी ङाहला क्‍यी़ह येहबा।

फिलिप्‍पी 1:29

च्‍यिबेमाना मास्‍यीकाला ख्‍याया़ला दि तामॱआङ नाङदी येह, ख्‍यागी मास्‍यीकाला यिह छ्य़ेगे च्‍यी़राङ मिहम्‍बा, यिहॱनाङ मिहरोगी तेहन्‍दाला तुहक्‍पुॱआङ खुर कोहएँ।

२ कोरिन्‍थी 4:11

येशूगी मिहजी दि ओहराङदी स्‍यिदी डोएँगी ज़ुबुला थोङ ख़ूज्‍यु म़ेदीराङ ङ्यिह ताहन्‍दा सोम्‍बो येहकेमुॱआङ येशूगी तेहन्‍दाला नाहम्‍माॱनाङ स्‍यिवाकी खाला छ्यितीॱराङ तेहकें।

यूहन्‍ना 17:14

ङाहगी खुङया़ला राहङती सुङदेन तेर्सीन, यिहॱनाङ जाम्‍बुलीङगी खुङया़ला ङ्येन्‍ज्‍येन पेहसीन, च्‍यिबेमाना ङाह ल़ेहमुराङ खुङॱआङ दि जाम्‍बुलीङदी मिहन।

मर्कूस 13:13

ङाहगी पेहती ख्‍याला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु तेहपा मा़हलोहबा पेहती तेहकेनया़दी थार्च्‍ये येह” म़ेदी येशूगी सुङ नाङसीन।

मत्ती 24:9

“ओहजेला मिहया़गी ख्‍याया़ला ज़ुङज्‍ये येह ओहले ङ्य़ेहबा काल्‍ज्‍येला ख्‍येर्च्‍ये येह, ख्‍याया़ला सेच्‍ये येह। ङाहगी पेहती थाम्‍ज्‍यी क्‍यिहपागी मिहया़गी ख्‍याया़ला ङेन्‍ज्‍येन पेहच्‍ये येह।”

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

१ पत्रुस 4:14

का़हलेॱआङ मास्‍यीकाकी छेनला ख्‍याला मिहया़गी स्‍ये़हन्‍डील पेहसीनमाना ख्‍या काहजे सोनाम-साक्‍पु यिहम्‍बा। च्‍यिबेमाना ज़िज्‍यिद दाङ किन्‍ज्‍योकी नाम्‍पार-ताहक्‍पा थु ख्‍याया़ ङ्याम्‍बु ज़्‍य़ू नाङदी येह।

ल़ेह-पेन 9:16

ओहले ङाहगी मिहनगी तेहन्‍दाला खोगी काहजे तुहक्‍पु ना़ कोहच्‍ये येह, ओ़ह ङाहगी खोला तेन्‍ज्‍ये येह” म़ेदी चो़वो छ्येवागी सुङ नाङसीन।

यूहन्‍ना 7:7

जाम्‍बुलीङगी मिहया़गी ख्‍याला ङेन्‍ज्‍येन पेह मी़हखुएँ, यिहॱनाङ ङाहलादी ङेन्‍ज्‍येन पेहकें, च्‍यिबेमाना ङाहगी जाम्‍बुलीङगी मिहया़ती डोलु-तेहलुया़ चोक्‍पा येह म़ेदी पाङबु तेर्के।

मत्ती 5:11

“ङाहला यिह-छ्य़े पेहक्‍यो सोङबे मिहया़गी ख्‍याया़ला तुहक्‍पु तेर्च्‍ये येह, ख्‍याया़ला स्‍ये़हन्‍डील पेहच्‍ये येह ओहले स्‍योप क्‍याहप्‍ती ख्‍याया़ला टाह पेहती यिहन्‍जेराङ ताम चोक्‍पाया़ केन्‍ज्‍ये येह ख्‍याया़ काहजे सोनाम-साक्‍पु!

२ कोरिन्‍थी 4:5

ङ्यिह राहङगी तेहन्‍दाला मिहया़ला स्‍येकें मिहम्‍बा यिहॱनाङ येशूगी तेहन्‍दाला ङ्यिह ख्‍याया़गी लाबु काहल्‍दी येशू मास्‍यीकाॱराङ चो़वो यिहम्‍बा म़ेदी मिहया़ला प्रा साल्‍गे।

लूका 21:16

राहङगी आबा-आमा, आदा-नो़ह, ङ्येन्‍जेन-ङ्येहवाया़गीॱआङ ख्‍याला ज़ुङ च्‍य़ूज्‍ये येह। ओहले ख्‍या पाहरक्‍यीला रे़हरेलानी खुङया़गी सेॱआङ सेच्‍ये येह।

लूका 21:18

यिहॱनाङ, ख्‍यागी टा क्‍युहङबाज्‍यीॱआङ साला जार्च्‍ये म़ेह।