लूका 20:23 - ह्योल्‍मो

²³ ओहले खुङया़गी टिहम्‍बु पेहक्‍यो येशूगी ङोह ख्‍येन्‍दी खुङया़ला सुङ नाङसीन,

लूका 20:23 Referans Kwoze

१ कोरिन्‍थी 3:19

च्‍यिबेमाना जाम्‍बुलीङकी रिहक्‍स्‍यी किन्‍ज्‍योकी दिनला उल्‍दुम्‍बा यिहम्‍बा। छ्य़ेला दि ल़ेहमु प्री़हदी येहबा, “ख्‍येम्‍बा ताहक्‍पुया़गी राहङगी रिहक्‍स्‍यीकी पेहक्‍योकी टिहम्‍दाङकी ल़ेहया़ लाहमलेॱराङ किन्‍ज्‍योगी खुङया़ला मिताला छ्यि च्‍य़ू नाङगे।”

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

१ कोरिन्‍थी 10:9

खुङया़ नाहङला लाहलागी मास्‍यीकाला खोक्‍पा ताक्‍यो ल़ेहमुराङ ओहराङगी मास्‍यीकाला खोक्‍पा ताज्‍ये मेहयोहङगे। खुङया़गी मास्‍यीकाला खोक्‍पा ताक्‍यो सोङबेॱराङ खुङ प्रुहलगी काहप्‍ती स्‍यिसीन।

लूका 20:20

ओहले खुङगी येशूला काहन्‍डुमु पेहती ज़ुङज्‍ये म़ेदी लाहम छोल्‍सीन। ओहले खुङगी टाहङबु तेन्‍ज्‍येनज्‍यी ज़ोएँ मिहया़ला टाङगा तेर्ती ओहम्‍दी येशूगी सुङदेन नाङगेमु च्‍यिॱआङ ताम क़ू ज्‍योर्कें नि म़ेदी ओ़ह मिहया़ला येशूगी तिङदा तिङ ताङसीन। “च्‍यिॱआङ ताम क़ू ज्‍योर्सीमाना येशूला ज़ुङदी रोमी पोम्‍बोगी लाहक्‍पाला छ्यि च्‍य़ूज्‍ये” म़ेदी खुङगी सेमला क्‍ये़दी येहकें।

लूका 6:8

येशूगी खुङगी सेमगी ताम ङोह ख्‍येन्‍सीन, ओहले लाहक्‍पा काम्‍ग्‍योगी मिहला, “ख्‍ये लाहङदी दि दिनला तेह स्‍यो ले!” म़ेदी सुङ नाङसीन। ओहले ओ़ह मिह लाहङदी येशूगी कुम्‍देनला काहल्‍सीन।

लूका 5:22

ओहले येशूगी खुङगी सेमगी ताम ङोह ख्‍येन्‍दी सुङ नाङसीन, “ख्‍यागी च्‍यिबे दि रोहवा साम्‍लु ताङगे?

मत्ती 22:18

खुङगी सेम चोक्‍पा च्‍याङग्‍योदी ङोह ख्‍येन्‍दी येशूगी सुङ नाङसीन, “ए यिहन्‍दो तेन्‍गेनया़, ङाहला च्‍यिबे ङ्याहम च्‍येकें?

मत्ती 16:1

लाहला फरिसी दाङ सदुकीया़ डी़दी येशूदी छेता पेहच्‍ये म़ेदी येशूसाला ओहङदी मासीन, “का़हलेॱआङ राहङ किन्‍ज्‍यो ङो़लेराङ फेप नाङग्‍यो यिहन्‍सीमाना स्‍यिहङगामलेगी ताक्‍छेन च्‍यी़ तेन नाङदोङ।”

लूका 20:22

ङ्यिहगी कैसरला ठाल च्‍याल्‍ज्‍ये ओहङगे नि मेहयोहङगे?”

लूका 20:24

“केरे, ङाहला ठाल च्‍याल्‍गेन्‍गी ङुलगी डापाल तेन्‍दोङ! देला सुगी छेन दाङ पार क्‍याहप्‍क्‍यो दुबा?” खुङया़गी मासीन, “कैसरदी।”

ल़ेह-पेन 13:10

“ख्‍ये थाम्‍ज्‍यी टाहङदेनकी टाह यिहम्‍बा। ख्‍ये चिहन क्‍याहप्‍केन दाङ ल़ेह ङ्येहम्‍बा पेहकें ती़ह गो-छ्येवागी पेहजा यिहम्‍बा। ख्‍ये चो़वोगी थेक्‍का लाहमया़ला ख्‍योक्‍तोङ ज़ोज्‍ये छोल्‍गे?

एफिसी 4:14

ओ़ह सोङबे ओहराङ पेहजाया़ ल़ेहमु ओहङज्‍ये मेहयोहङगे। चिहन क्‍याहप्‍के मिहया़की लोप्‍च्‍युङ दाङ छलगी ओहराङ छ्यु पाहलाप दाङ ल्‍हा़बागी फार छुर याप्‍क्‍योकी छ्यु-टुह ल़ेहमु ओहङज्‍ये म़ेह।