लूका 20:14 - ह्योल्‍मो

¹⁴ यिहॱनाङ स्‍यिहङ क्‍याहप्‍के मिहया़गी खोला थोङदी राहङ नाहङदुङ ताम मासीन, ‘खोनी ओहराङ स्‍यिहङ ताहक्‍पुगी पुह यिहन। लो ओहराङ खोला सेच्‍ये ओहले खोगी क्‍युह थाम्‍ज्‍यीराङ ओहराङदीराङ ओहङज्‍ये येह।’

लूका 20:14 Referans Kwoze

रोमी 8:17

ओहराङ किन्‍ज्‍योकी पुह-पोहमो काहल फान्‍ज्‍योनी थोप-थाङकी मिहॱआङ ओहङगे, किन्‍ज्‍योकी फास्‍यी ज्‍योर्केन्‍गी मिह ओहले मास्‍यीका ङ्याम्‍बुदी पी़माला फास्‍यी ज्‍योर्केन्‍गी मिह। ओहराङ मास्‍यीका ङ्याम्‍बुराङ तुहक्‍पु खुर्सीमाना मिहरो ङ्याम्‍बुराङ ज़िज्‍यिद ज्‍योर्च्‍ये येह।

हिब्रू 1:2

यिहॱनाङ ता़ह दि तिङस्‍यो ङ्यिहमाया़ला मिहरो राहङगी स़ेबु लाहमले ओहराङ ङ्याम्‍बु स्‍याहल सुङ नाङदी येह। स़ेबुलाॱराङ मिहरोकी रेबेॱराङ से़हया़दी ताहक्‍पु ओहङज्‍येला दाम नाङसीन, ओहले स़ेबु लाहमलेॱराङ मिहरोगी रेबेॱराङ से़हया़ छ्या़ च्‍य़ू नाङसीन।

ल़ेह-पेन 3:15

मिहली नाङगेन्‍दीला गा ख्‍या फे़बेया़गी से नाङसीन। यिहॱनाङ किन्‍ज्‍योगी येशूला टोहङग्‍योलेगी ज़्‍याङ च्‍यु नाङसीन। दि तामदी ङ्यिहया़ पाङबु येह।

ल़ेह-पेन 2:23

किन्‍ज्‍योगी राहङगी रिहक्‍स्‍यी दाङ राहङगी ज़ोक्‍योकी च्‍याहम्‍दा ल़ेहमु जेते येशूला ख्‍या फे़बेया़गी लाहक्‍पाला च्‍योल नाङसीन, ओहले ख्‍या फे़बेया़गी येशूला मिह चोक्‍पाया़गी लाहक्‍पाला च्‍योल्‍दीमाराङ क्‍याहङस्‍यीङला च्‍याङदी से च्‍य़ू नाङसीन।”

लूका 22:2

पूजाहारी छ्यिम्‍बु दाङ छ्य़े-ठिमकी लोबेनया़गी येशूला सेच्‍ये छोल्‍गो येहकें, यिहॱनाङ खुङ मिह मिह-माहङया़गी ज्‍यी़सुगी येशूला खाजुम पेहती सेच्‍येला लाहम छोल्‍सीन।

लूका 20:19

छ्य़े-ठिमकी लोबेन दाङ पूजाहारी छ्यिम्‍बुया़गी येशूगी ओ़ह पे खुङया़गी तेहन्‍दालाराङ सुङ नाङग्‍यो यिहन म़ेदी ह्‍अ के़हदी येशूला ओ़हजेलाराङ ज़ुङज्‍ये म़ेदी साम्‍लु ताङसीन। यिहॱनाङ, खुङया़ मिह मिह-माहङया़ला थोङदी ज्‍यी़सीन।

लूका 20:5

दि थे़दी खुङया़ राहङ नाहङदोङराङ लोहङटी पेहसीन, “स्‍यिहङगामलेगी माज्‍ये माना, ख्‍याया़गी खोला च्‍यिबे यिह मा़हछ्येबा? म़ेदी येशूगी सुङ नाङज्‍ये येह।

लूका 19:47

ओहले येशूगी ङ्यिहमा-टाहङमाराङ छ्योखाङला सुङदेन नाङगो येहकें। पूजाहारी छ्यिम्‍बु, छ्य़े-ठिमकी लोबेन दाङ यहूदी गोबाया़ थुल्‍दी येशूला सेच्‍ये छोल्‍गो येहकें,

मत्ती 21:25

लो म़ेदोङ ले, बप्‍तिस्‍मा तेर्केन यूहन्‍नागी का़हलेगी ओङ ज्‍योर्पा? मिहलेगी नि किन्‍ज्‍योलेगी?” म़ेदी येशूगी टी़ह नाङसीन। दि थे़दी खुङ राहङ नाहङदोङराङ दि ल़ेहमु म़ेदी ताम माज्‍ये छ़ूसीन, “ता़ह ओहराङगी च्‍यि ल़ेहन क्‍याहप्‍च्‍ये? किन्‍ज्‍योलेगी माज्‍ये माना, ‘च्‍यिबे ख्‍याया़गी यूहन्‍नाला यिह मा़हछ्येबा?’ म़ेदी मिहरोगी टी़ह नाङज्‍ये येह।

मत्ती 16:7

ओहले स्‍याहप्‍च्‍यीया़गी “ओहराङगी खुरा माहख्‍योङबा सोङबे येशूगी दि ल़ेहमु सुङ नाङग्‍यो यिहम्‍बा,” म़ेदी राहङ नाहङदुङ ताम माज्‍ये छ़ूसीन।

मत्ती 21:34

ओहले कुहन्‍डुम छे़गेन ती़हजी काहल फान्‍ज्‍यो खोगी राहङगी योक्‍पुया़ला राहङगी बोला थोप्‍केन्‍गी कुहन्‍डुम लेहन्‍ज्‍येला स्‍यिहङ फेताप क्‍याहप्‍कें मिहया़साला ताङ चाहङसीन।

लूका 20:13

“ओहले कुहन्‍डुम स्‍यिहङ ताहक्‍पुगी, ‘ता़ह ङाह च्‍यि पेहच्‍ये? ङाह राहङगी च्‍याहम्‍बु पेहक्‍योगी पुहला ताङगे, ङाहगी पुहलानी खुङया़गी चा़ पेहटो ले।’

लूका 20:15

ओहले खुङया़गी खोला कुहन्‍डुम स्‍यिहङ नाहङले फिला ख्‍येर्ती सेसीन।” “‘ता़ह कुहन्‍डुम स्‍यिहङ ताहक्‍पुगी खुङया़ला च्‍यि पेहटो’?” म़ेदी येशूगी टी़ह नाङसीन।