लूका 2:51 - ह्योल्‍मो

⁵¹ ओ़ह तिङले येशू आबा-आमा ङ्याम्‍बु नासरतला लो़ह फेप्‍सीन, ओहले फामागी लोप्‍तामया़ सेन्‍दी ज़्‍य़ू नाङसीन। मरियमगीदी दि तामया़ टेहम्‍बा माहच्‍येहप्‍पा पेहती सेमला ज़्‍या़सीन।

लूका 2:51 Referans Kwoze

लूका 2:19

यिहॱनाङ मरियमगी दि केच्‍याया़ साम्‍लु ताङदे सेम नाहङलाराङ ज़्‍या़सीन।

मर्कूस 6:3

दि खो ओ़ह मरियमगी पुह स्‍यिङसो ख़ेबा मिहम्‍बा ले? च्‍यि दि याकूब, योसेफ, यहूदा दाङ सिमोनगी आदा मिहन ले? खोगी नोहमोॱया़ङ ओहराङ ङ्याम्‍बु देलाराङ येहबा!” दि ल़ेहमु म़ेदी खुङया़गी येशूला यिह मा़हछ्ये।

१ पत्रुस 2:21

च्‍यिबेमाना दिगी तेहन्‍दालाराङ ख्‍याया़ला क़े क्‍याहप नाङग्‍यो यिहम्‍बा। मास्‍यीकागीॱआङ ख्‍याया़गी तेहन्‍दाला तुहक्‍पु खुर नाङसीन, ओहले ख्‍याया़गी तेहन्‍दाला पे च्‍यी़ तेन नाङसीन, ओ़ह सोङबे ख्‍याया़ मिहरोगी फेप-लाहमलाॱराङ डोएँ कोहएँ।

मत्ती 3:15

यिहॱनाङ येशूगी खोला सुङ नाङसीन, “ताहन्‍दागी ती़हजीला दि रोहवाॱराङ डोज्‍यु, किन्‍ज्‍योगी थुला ठुङग्‍यो ल़ेहमुराङ तेहन्‍दा डुप च्‍य़ूज्‍येला ओहराङगी नाहरे दि ल़ेहमुराङ पेह कोहकें।” ओहले येशूगी दि स्‍याहल ङ्यिहन्‍दी यूहन्‍नागी येशूला बप्‍तिस्‍मा तेर्सीन।

एफिसी 5:21

मास्‍यीकाकी ज्‍यिक्‍पा खुर्ती च्‍यी़गी लेहमेनगी ओङ चो़ला तेहतोङ।

लूका 2:39

चो़वो छ्येवागी छ्य़े-ठिमला पेह कोहएँ म़ेदी प्रुहक्‍योगी ल़ेह थाम्‍ज्‍यीराङ पेह सिहन फान्‍ज्‍यो योसेफ दाङ मरियम स़ेबुला ख्‍येर्ती गालील साने़की राहङगी युहल नासरतला लो़ह फेप्‍सीन।

मत्ती 12:46

येशूगी मिह मिह-माहङला दि स्‍याहल सुङगे सुङगेमुराङ येशूगी आमा दाङ नो़हया़ लेप्‍सीन। खुङया़ येशू ङ्याम्‍बु ताम मा कोहच्‍ये येह म़ेदी फिलाॱराङ कू़हदे तेहसीन।

मर्कूस 1:9

ओहजे काहङला येशू गालीलगी नासरतले फेप नाङसीन, ओहले यूहन्‍नालेगी यर्दन चाङबुला बप्‍तिस्‍मा नोम नाङसीन।

लूका 4:16

ओहले येशू राहङ छारक्‍यो युहल नासरतला फेप नाङसीन। ओहले तोहङमा ल़ेहमुराङ जेती थाङ सोएँ ङ्यिहमाला छो़खाङला फेप नाङसीन। ओहले येशू छ्य़े टा़हज्‍येला ज़्‍याङ नाङसीन।

लूका 4:23

ओहले येशूगी सुङ नाङसीन, “ङाहला क्‍यी़ह येह, ता़हनी ख्‍यागी ङाहला दि पे ज़्‍या़दी माज्‍ये येह– ‘ए आम्‍ज्‍यी, तोहङले राहङगी राहङला टा़ह च्‍य़ूदोङ! राहङगी कफर्नहुम ठोमला छ्या़ले छ्यिम्‍बु जेक्‍योदी ङ्यिहगी थ़ेसीन। तेहम्‍बाराङ यिहन्‍सीमानानी राहङगी फायुला आङ ओ़ह ल़ेहमुराङ याहम्‍जेन छ्यिम्‍बु छ्या़ले जे नाङदोङ!’”

लूका 18:37

ओहले मिहया़गी, “नासरतकी येशू फेप्‍कु दु” म़ेदी मासीन।