लूका 2:46 - ह्योल्‍मो

⁴⁶ छोल-छोल्‍बा काहङला आबा-आमागी ङ्यिहमा सुम तिङले येशूला छ्योखाङला च्‍य़ेह सिहन्‍सीन। येशूनी छ्य़े-ठिमकी लोबेनया़गी पाहरक्‍यीला ज़्‍य़ूदी खुङया़गी ताम सेन्‍गेनॱराङ टी़हबा टी़हदी ज़्‍य़ू नाङग्‍यो च्‍य़ेह सिहन्‍सीन।

लूका 2:46 Referans Kwoze

लूका 5:17

ङ्यिहमा च्‍यी़ येशूगी मिहया़ला सुङदेन नाङगेराङ येहकें। ओहजेला फरिसीया़ दाङ छ्य़े-ठिमकी लोबेनया़ येशूगी पोहला तेहती येहकें। ओहले खुङया़ गालील दाङ यहूदीयागी युहलया़ले, ओहले यरूशलेम क्‍याहसालेगीॱआङ ओहङदी येहकें। ओहले येशू ङ्याम्‍बु नेहपाया़ला टा़ह च्‍य़ूगेन चो़वो छ्येवागी ओङ येहकें।

ल़ेह-पेन 5:34

ओहजे ती़हजीला गमलिएल माएँ मिहन थो़क्‍यो फरिसी छो़बागी दिनला लाहङसीन। खो छ्य़े-ठिम ताङगेन्‍गी गोबा यिहन्‍गे सोङबे मिह थाम्‍ज्‍यीगी चा़ पेहको येहकें। खोगी ल़ेह-पेनया़ला याहम्‍बीज्‍यीगी तेहन्‍दाला फिला ताङ चाहङदोङ म़ेदी का नाङसीन।

मत्ती 12:40

च्‍यिबेमाना काहन्‍डुमु पेहती योना ङ्याह छ्युम्‍बुगी फोवा नाहङला ङ्यिहमा सुम दाङ कुहङमु सुम येहकें, ओ़ह ल़ेहमुराङ पेहती मिहगी स़ेबुॱआङ सा नाहङला ङ्यिहमा सुम दाङ कुहङमु सुम तेहच्‍ये येह।

मत्ती 16:21

ओ़ह ती़हजी यिहन्‍ज्‍यु येशूगी राहङगी स्‍याहप्‍च्‍यीया़ला राहङगी खुर कोहकेन्‍गी तेहन्‍दाला थेका सिरेराङ सुङ नाङज्‍ये छ़ूसीन। येशूगी सुङ नाङसीन, “ङाहगी यरूशलेमला काहल्‍दी एल्‍डरया़, पूजाहारी छ्यिम्‍बुया़ दाङ छ्य़े-ठिमकी लोबेनया़लेगी तुहक्‍पु खुर कोहच्‍ये येह, ओहले तिङले स्‍यि कोहच्‍ये येह, यिहॱनाङ स्‍याहक्‍पु सुमलादी ङाह येहपाराङ स्‍यिक्‍योलेगी सोम्‍बो लाहङज्‍ये येह।”

लूका 2:47

ओहले येशूगी रिहक्‍पा-रिहक्‍स्‍यी दाङ येशूगी ल़ेहन क्‍याहप्‍के थे़गे मिह थाम्‍ज्‍यीराङ ह्‍अ ल़ेहसीन।

यूहन्‍ना 3:10

येशूगी खोला सुङ नाङसीन, “ख्‍येनी इस्राएलीया़गी लोबेन यिहन, यिहॱनाङ दि केच्‍याया़ ङोह मे़हस्‍ये दु?

१ तिमोथी 1:7

खुङ छ्य़े-ठिम लोप्‍केन्‍गी लोबेन डोज्‍ये छोल्‍गे, यिहॱनाङ खुङ राहङगी दिराङ तेहन्‍दाम यिहम्‍बा म़ेदी माक्‍योगी ताम खुङ राहङगीराङ ह्‍अ मेहकोहएँ।