लूका 2:39 - ह्योल्‍मो

³⁹ चो़वो छ्येवागी छ्य़े-ठिमला पेह कोहएँ म़ेदी प्रुहक्‍योगी ल़ेह थाम्‍ज्‍यीराङ पेह सिहन फान्‍ज्‍यो योसेफ दाङ मरियम स़ेबुला ख्‍येर्ती गालील साने़की राहङगी युहल नासरतला लो़ह फेप्‍सीन।

लूका 2:39 Referans Kwoze

लूका 2:4

ओ़ह ती़हजीला योसेफ गालील साने़की नासरत माएँ क्‍याहसाला तेहको येहकें यिहॱनाङ खोगी फायुदी क्‍याहल्‍बु दाऊदगी क्‍येसा फायु यहूदीया लुहङबागी बेथलेहेम क्‍याहसा यिहन्‍गे। ओ़ह सोङगोराङ खो राहङगी मिहन प्रुह च्‍य़ूज्‍येला बेथलेहेमला काहल्‍सीन, च्‍यिबे मासीमाना खो क्‍याहल्‍बु दाऊदकी क्‍यिह दाङ छार्क्‍यीन यिहन्‍गे।

मत्ती 3:15

यिहॱनाङ येशूगी खोला सुङ नाङसीन, “ताहन्‍दागी ती़हजीला दि रोहवाॱराङ डोज्‍यु, किन्‍ज्‍योगी थुला ठुङग्‍यो ल़ेहमुराङ तेहन्‍दा डुप च्‍य़ूज्‍येला ओहराङगी नाहरे दि ल़ेहमुराङ पेह कोहकें।” ओहले येशूगी दि स्‍याहल ङ्यिहन्‍दी यूहन्‍नागी येशूला बप्‍तिस्‍मा तेर्सीन।

लूका 2:51

ओ़ह तिङले येशू आबा-आमा ङ्याम्‍बु नासरतला लो़ह फेप्‍सीन, ओहले फामागी लोप्‍तामया़ सेन्‍दी ज़्‍य़ू नाङसीन। मरियमगीदी दि तामया़ टेहम्‍बा माहच्‍येहप्‍पा पेहती सेमला ज़्‍या़सीन।

लूका 1:6

खुङ ङ्यिकागीराङ किन्‍ज्‍योगी ज़ी़दाङला डोलु-तेहलुया़ टाहङबु पेहको येहकें। खुङगी चो़वो छ्येवा किन्‍ज्‍योगी थाम्‍ज्‍यीराङ का दाङ ठिमया़ या़हबु पेहती ची़उ येहकें।

लूका 1:26

एलीशिबा ज़ुबु ङ्यिपा काहल्‍ग्‍यो दावा टू़हला चो़वो छ्येवागी गब्रिएल माएँ स्‍यिहङगामगी स्‍याहप्‍च्‍यीला गालील लुहङबाकी नासरत माएँ क्‍याहसाला ताङ चाहङ नाङसीन।

लूका 4:16

ओहले येशू राहङ छारक्‍यो युहल नासरतला फेप नाङसीन। ओहले तोहङमा ल़ेहमुराङ जेती थाङ सोएँ ङ्यिहमाला छो़खाङला फेप नाङसीन। ओहले येशू छ्य़े टा़हज्‍येला ज़्‍याङ नाङसीन।

लूका 4:23

ओहले येशूगी सुङ नाङसीन, “ङाहला क्‍यी़ह येह, ता़हनी ख्‍यागी ङाहला दि पे ज़्‍या़दी माज्‍ये येह– ‘ए आम्‍ज्‍यी, तोहङले राहङगी राहङला टा़ह च्‍य़ूदोङ! राहङगी कफर्नहुम ठोमला छ्या़ले छ्यिम्‍बु जेक्‍योदी ङ्यिहगी थ़ेसीन। तेहम्‍बाराङ यिहन्‍सीमानानी राहङगी फायुला आङ ओ़ह ल़ेहमुराङ याहम्‍जेन छ्यिम्‍बु छ्या़ले जे नाङदोङ!’”