लूका 2:37 - ह्योल्‍मो

³⁷ यिहॱनाङ मोह राहङसा ख्‍योवाला माहकाहल्‍बा पेहती किन्‍ज्‍योगी छ्योखाङलाॱराङ तेहको येहकें। ओहजेला मोहगी लोह के़ह-ज़्‍यि काहल सिहन्‍दी येहकें। ओहले मोह छ्योखाङ क्‍युर मा़हज्‍याबा पेहती ङ्युङने तेहते ङ्यिहन-नुहप किन्‍ज्‍योला सोल्‍वाङ ताप्‍ते स्‍याहप्‍तो स्‍युहउ येहकें।

लूका 2:37 Referans Kwoze

१ तिमोथी 5:5

ओहले राहङदी सुॱआङ म़ेहबाकी ह्‍युग्‍मोगी राहङगी रेहवा किन्‍ज्‍यो थो़ला च्‍यी़राङ ज़्‍या़क्‍यो ओहङगे। ओहले मोहगी ङ्यिहन-नुहपराङ स्‍यिहवा पेहती किन्‍ज्‍यो ङ्याम्‍बु सोल्‍वाङ ताप्‍ती तेहकें।

ल़ेह-पेन 14:23

ओहले खुङ ङ्यी़गी छेन्‍छोक टाहङमाराङ एल्‍डरया़ला दाम्‍सीन, ओहले खुङ ङ्यी़गी सोल्‍वाङ ताप्‍ती, ङ्युङने तेहती खुङया़ला चो़वो छ्येवागी कुम्‍देनला छेन्‍छोकला चि क्‍याहप्‍सीन।

ल़ेह-पेन 13:3

ओहले खुङ फे़बेया़गी येहपाराङॱआङ ङ्युङने तेहती खुङ ङ्यी़गी थो़ला लाहक्‍पा ज़्‍या़दी सोल्‍वाङ ताप्‍ती ताङ चाहङसीन।

ल़ेह-पेन 26:7

ङ्यिहगी क्‍यिहपा च्‍यिङ्यी़गीॱराङ दि रेहवा पेहक्‍योगी से़हया़ ज्‍योर ख़ूज्‍यु म़ेदी ङ्यिहन-नुहपराङ सेम च्‍यी़ पेहती छ्येपा फुल्‍गो येहकें, ओहले दि रेहवागी तेहन्‍दालाराङ ए क्‍याहल्‍बु लाह, यहूदीया़गी ङाहला फातुर च़ूक्‍यो यिहम्‍बा म़ेदी मासीन।

ज्‍याल्‍गा 7:15

ओ़ह सोङबे खुङ किन्‍ज्‍योकी कुम्‍देनला येह ओहले खुङगी ङ्यिहन-नुहप किन्‍ज्‍योकी नाम्‍पार-ताहक्‍पा छ्योखाङला मिहरोला स्‍याहप्‍तो स्‍युहएँ। ओहले ज़्‍य़ू-ठिला ज़्‍य़ू नाङगेन्‍दी खुङया़गी पाहरक्‍यीला ज्‍यू़दे खुङया़ला जेम्‍बु जेती ज़्‍या़ नाङज्‍ये येह।

ज्‍याल्‍गा 3:12

सुगी क्‍याहल्‍गे, ओ़हदीला ङाह किन्‍ज्‍योकी छ्योखाङला काप्‍स्‍यी ज़ोज्‍ये येह, ओहले खो ओ़ह छ्योखाङ नाहङले फिला नाहमॱआङ थेन्‍ज्‍ये म़ेह। ओ़ह काप्‍स्‍यीला ङाहती किन्‍ज्‍योकी छेन ओहले स्‍यिहङगामलेगी फेप नाङगेन मिहरोगी क्‍याहसा साम्‍बा यरूशलेमकी छेन प्रुहज्‍ये येह ओहले ओ़ह काप्‍स्‍यीलाॱराङ ङाहती मिहन साम्‍बा प्रुहज्‍ये येह।

लूका 5:33

ओ़ह तिङले लाहला मिहया़गी ङ्युङने तेहकेन्‍गी ताम तेन्‍दी येशूला टी़हसीन, “यूहन्‍नागी स्‍याहप्‍च्‍यीया़नी माहङ-छ्येवा ङ्युङने तेहती सोल्‍वाङ ताप्‍ती तेहकु दु, फरिसी बा़लगी स्‍याहप्‍च्‍यीया़गीॱआङ दि रोहवाॱराङ पेहकु दु, यिहॱनाङ राहङगी स्‍याहप्‍च्‍यीया़नी से़हदी थुङदी च्‍यी़राङ तेहकु दु।”