लूका 2:14 - ह्योल्‍मो

¹⁴ “स्‍यिहङगामला ज़्‍य़ू नाङगेन्‍गी किन्‍ज्‍योला ज़िज्‍यिद ओहङज्‍यु, ओहले जाम्‍बुलीङला किन्‍ज्‍योगी थु-सेम जे नाङग्‍योकी मिहया़ला स्‍य़िहदे ओहङज्‍यु!”

लूका 2:14 Referans Kwoze

रोमी 5:1

ओ़ह सोङबे ओहराङ यिह-छ्य़े लाहमले किन्‍ज्‍योकी दिनला टाहङबु सी़ह ख़ूसीन। ओहले ओहराङकी चो़वो येशू मास्‍यीका लाहमले ओहराङ किन्‍ज्‍यो ङ्याम्‍बु थिन ख़ूसीन।

लूका 19:38

“चो़वो किन्‍ज्‍योगी छेनला फेप नाङगेन क्‍याहल्‍बु सोनाम-साक्‍पु यिहम्‍बा! स्‍यिहङगामला स्‍य़िहदे ओहङज्‍यु, किन्‍ज्‍योला ज़िज्‍यिद ओहङज्‍यु!”

कलस्‍सी 1:20

ओहले किन्‍ज्‍योगी स़ेबु लाहमले थाम्‍ज्‍यीराङ से़हया़ला येहपाराङ राहङदी ज़ो नाङसीन, ओहले क्‍याहङस्‍यीङला टोहङ नाङग्‍यो राहङ स़ेबुगी ठा़गी पेहती स्‍यिहङगाम दाङ जाम्‍बुलीङला येहकें ना थाम्‍ज्‍यीराङ से़हया़ला राहङ ङ्याम्‍बु थिन च्‍य़ू नाङसीन।

लूका 1:79

ओहले ना़-जुबेला तेहकेन दाङ स्‍यिवागी टिहप्‍साला तेहकेया़गी क्‍या-साङे ज्‍योर्च्‍ये येह, ओहले ओ़ह क्‍या-साङेगी ओहराङला स्‍य़िहदेगी लाहमला ठिती ख्‍येर्च्‍ये येह।”

ज्‍याल्‍गा 5:13

स्‍यिहङगाम, जाम्‍बुलीङ, साप्‍स्‍यी तिहङ दाङ छो-क्‍याहम्‍जोला येहकेन रेबेॱराङ सेम्‍ज्‍येनया़गी दि छ्ये़-लु लेहन्‍गेनॱराङ पेहक्‍यो ङाहगी थ़ेसीन, “ज़्‍य़ू-ठिला ज़्‍य़ू नाङगेन दाङ ल़ूह स्‍ये़बुला नाहम्‍स्‍यी किन्‍दु क्‍याहल्‍स्‍यो-क्‍याहल्‍स्‍यो, ची़नाङ, चा दाङ वाङज्‍या ओहङज्‍यु!”

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

यूहन्‍ना 17:4

राहङगी ङाहला चि क्‍याहप नाङग्‍योकी छ्या़लेन तेहन्‍दा डुप च्‍य़ूदी ङाहगी राहङगी छेन दि जाम्‍बुलीङला छ्यिम्‍बु जे़दी येह।

२ थेसलोनिकी 2:16

ता़ह ओहराङला चेवा जे नाङगे दाङ काटीन लाहमले था़ म़ेहबाकी सेम-स्‍युक दाङ ज्‍यिबुराङ या़हबु रेहवा नाङगेन ओहराङ चो़वो येशू मास्‍यीका दाङ किन्‍ज्‍यो याहप राहङगीराङ,

फिलिप्‍पी 2:11

किन्‍ज्‍योकी ज़िज्‍यिदगी तेहन्‍दाला थाम्‍ज्‍यीगी येशू मास्‍यीकाॱराङ चो़वो यिहन म़ेदी खागी माज्‍ये येह।

लूका 3:22

ओहले नाम्‍पार-ताहक्‍पा थु दुङगुकुरगी ङ्य़ेहरीला येशू थो़ला फेप नाङसीन ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ सेम काहसो येह।”

मत्ती 21:9

येशूगी तोहङ तिङ ओहङगे मिह मिह-माहङया़गी दि ल़ेहमु म़ेदी क़े तेन्‍सीन, “दाऊदगी स़ेबुला होसन्‍ना ओहङज्‍यु! चो़वो किन्‍ज्‍योगी छेनला फेप नाङगेन्‍दी काहजे सोनाम-साक्‍पु! थाम्‍ज्‍यी म़ेदी थो़ला स्‍यिहङगामला ज़्‍य़ू नाङगेन किन्‍ज्‍योला होसन्‍ना ओहङज्‍यु!”

एफिसी 1:9

ता़ह किन्‍ज्‍योकी तिहङ-रिहङबुगी राहङगी ज़ोक्‍योकी च्‍याहम्‍दाया़ मिहरोगी ओहराङला मास्‍यीका लाहमले तेन नाङसीन। दि किन्‍ज्‍योकी राहङगी ज़ोक्‍योकी च्‍याहम्‍दा मिहरोगी थुला तोहङ यिहन्‍ज्‍युराङ ठुङग्‍यो येहकें ओहले दि राहङगी ज़ोक्‍योकी च्‍याहम्‍दा तेहन्‍दा डुप च्‍य़ू नाङज्‍येला मिहरोला या़हबु ऩेसीन।

एफिसी 1:6

ओहजे छ्यिम्‍बु काटीनगी तेहन्‍दाला ओहराङ किन्‍ज्‍योला थुज्‍यी-छ्ये़ फुल्‍दोङ। मिहरोगी राहङगी चेवा जे नाङग्‍योकी स़ेबु ओहराङला आहन्‍डाराङ फुल नाङसीन।

फिलिप्‍पी 2:13

च्‍यिबेमाना किन्‍ज्‍योगी ख्‍यागी पाहरक्‍यीला नाहम-माना छ्या़ले जे-नाङदी येह। मिहरोगी थु-सेम जे नाङग्‍योकी छ्या़लेया़ तेहन्‍दा डुप च्‍य़ूज्‍येला मिहरोगीॱराङ ख्‍याया़ला सेम्‍बा दाङ ओङ नाङगे।

एफिसी 2:7

किन्‍ज्‍योगी दि थाम्‍ज्‍यी जे नाङग्‍योकी तेहन्‍दादी ओहराङ मास्‍यीकाला यिह-छ्य़े पेहक्‍यो मिहया़ला थुज्‍यी ज़ी़ नाङदी मिहरोगी था़ म़ेहबा काटीनकी क्‍युह ओहङगेन ङ्यिहमाया़ला नाहम-मानागी तेहन्‍दाला तेन नाङज्‍येला यिहम्‍बा।

एफिसी 2:4

यिहॱनाङ थुज्‍यी ज़ी़ नाङज्‍येला छ्युक्‍पु ज़्‍य़ू नाङगे किन्‍ज्‍योगी राहङगी चेवा छ्यिम्‍बु लाहमले ओहराङला माहङबुराङ चेवा जे नाङसीन।

यूहन्‍ना 14:27

ङाह ख्‍या ङ्याम्‍बुराङ स्‍य़िहदे क्‍युर ज़्‍या़एँ, ङाह राहङगी स्‍य़िहदे ख्‍याया़ला तेर्के। दि स्‍य़िहदेती जाम्‍बुलीङगी तेरक्‍यो ल़ेहमु मिहम्‍बा, ख्‍या सेम छाबा-छुबे माहबे ओहले मा़हन्‍ज्‍यी।

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

लूका 2:13

ओहले याहङमे-याहङराङ ओ़ह स्‍यिहङगामकी स्‍याहप्‍च्‍यी ङ्याम्‍बु राहङसा क्‍याहक्‍चेराङ स्‍यिहङगामकी स्‍याहप्‍च्‍यीया़ थोङसीन ओहले किन्‍ज्‍योला दि ल़ेहमु पेहती त़ेरा फुल्‍सीन,

लूका 2:15

ओहले स्‍यिहङगामकी स्‍याहप्‍च्‍यीया़ स्‍यिहङगामला लो़ह फेप फान्‍ज्‍यो कोहरोवाया़गी राहङ नाहङला मासीन, “लो डो, चो़वो छ्येवा किन्‍ज्‍योगी ओहराङला सुङ नाङग्‍योकी स्‍याहल बेथलेहेमला ता डोएँ।”