लूका 19:9 - ह्योल्‍मो

⁹ ओहले येशूगी खोला सुङ नाङसीन, “तिहरीङ दि खाङबा मे़हमेया़गी थार्पा ज्‍योर्ती येह। च्‍यिबेमाना जखायस अब्राहामगी छार्क्‍यीन यिहम्‍बा।

लूका 19:9 Referans Kwoze

गलाती 3:7

ओ़ह सोङबे ख्‍यागी दि ताम ह्‍अ के़हदोङ, सु सुगी किन्‍ज्‍योला तेहपा पेहकें, खुङया़ॱराङ अब्राहामकी छार्क्‍यीनया़ यिहम्‍बा।

लूका 13:16

दि अब्राहामगी पोहमोला ती़ह गो-छ्येवागी ताहम ज़्‍या़दी लोह च्‍याप्‍क्‍ये काहल सिहन्‍दी येहकें, ओहले मोहला थाङ सोएँ ङ्यिहमाला स्‍यी़दी ताङ तेर्च्‍ये मेहयोहङगे ले?” म़ेदी सुङ नाङसीन।

रोमी 4:16

ओ़ह सोङबे ताहम्‍ज्‍या काटीन लाहमले ओहङगे ओहले तेहपा लाहमले ज्‍योर्के। ओहले दि ताहम्‍ज्‍या अब्राहामकी थाम्‍ज्‍यी छार्क्‍यीनया़गी तेहन्‍दाला ठीक-ठीक ङ्या़ह-ङ्या़ह काहल सिहन्‍दी येह। दि ताहम्‍ज्‍या छ्य़े-ठिम ची़गे मिहया़गी तेहन्‍दाला च्‍यी़राङ मिहम्‍बा यिहॱनाङ अब्राहामगी ल़ेहमु तेहपा पेहकेन मिह थाम्‍ज्‍यीगी तेहन्‍दालाॱआङ यिहम्‍बा, च्‍यिबेमाना अब्राहाम ओहराङ थाम्‍ज्‍यीगी आबा यिहम्‍बा।

१ पत्रुस 2:10

तोहङलेनी ख्‍याया़ किन्‍ज्‍योकी मिहया़ मिहम्‍बा यिहन्‍गे, यिहॱनाङ ताहन्‍दानी ख्‍याया़ किन्‍ज्‍योगी मिहया़ काहल्‍दी येह। तोहङले ख्‍याया़गी किन्‍ज्‍योकी थुज्‍यी ज्‍योर्ती म़ेहबा येहकें, यिहॱनाङ ताहन्‍दा ख्‍याया़गी किन्‍ज्‍योकी थुज्‍यी ज्‍योर्ती येह।

गलाती 3:29

का़हलेॱआङ ख्‍या मास्‍यीकाती यिहम्‍बा मासीमानानी ख्‍या अब्राहामकी छार्क्‍यीन यिहम्‍बा, ओहले ख्‍या किन्‍ज्‍योगी तोहदाम ज़्‍या़ नाङग्‍योकी फास्‍यी ज्‍योर्के मिहया़ॱआङ यिहम्‍बा।

गलाती 3:14

अब्राहामला नाङग्‍योकी मेलाम मास्‍यीका येशू लाहमले लेहमेन क्‍यिहपाकी मिहया़गी ज्‍योर ख़ूज्‍यु ओहले ओहराङगी तेहपा लाहमले किन्‍ज्‍योगी ज़्‍या़ नाङग्‍योकी ताहम्‍ज्‍या नाम्‍पार-ताहक्‍पा थु ज्‍योर ख़ूज्‍यु म़ेदीराङ मास्‍यीकागी ओहराङला थार च्‍य़ू नाङसीन।

लूका 3:8

ख्‍याया़गी तेहम्‍बाराङ राहङ-राहङगी तिहक्‍पाया़ स्‍या़बा डुप्‍ती राहङगी सेम किन्‍ज्‍यो ङो़ले लो़हक्‍यो यिहन्‍सीमाना ओ़हला ते़बे डोलु-तेहलु या़हबु पेहतोङ। यिहॱनाङ ‘ङ्यिहनी अब्राहामगी छार्क्‍यीन यिहम्‍बा’ म़ेदी ख्‍याया़ थार ख़ूएँ म़ेदी नोम्‍साङ माहताङ। ङाह ख्‍याला माएँ, किन्‍ज्‍योगी अब्राहामकी छार्क्‍यीनला दि तोहया़लेगीॱआङ ठुङ च्‍य़ू थुप्‍कें।

लूका 2:30

च्‍यिबे मासीमाना, राहङगी ताङ नाङग्‍योकी थार्पा नाङगेन्‍दीला ङाह राहङगी मी़गीराङ थोङ ङ्युहङसीन।

लूका 13:30

यिहॱनाङ नाहरे तिङला येहकेनया़ तोहङला ओहङज्‍ये येह ओहले नाहरे तोहङला येहकेनया़ तिङला ओहङज्‍ये येह।”

लूका 16:24

ओहले खोगी क़े तेन्‍दी मासीन, ‘ओ़ याहप अब्राहाम, ङाहला निङज्‍यी जेती लाजरसला ङाहसाला ताङ नाङदोङ, ओहले खोगी लाहक्‍पा जुबी छ्युला लू़दे ङाहगी च्‍येलेला सिल्‍बु जे तेर्च्‍यु। ङाह दि म़ेह नाहङला बोल-तेहको येहबा।’

लूका 16:30

ओहले छ्युक्‍पु मिहगी मासीन, ‘मिहम्‍बा याहप अब्राहाम, ओहजेगी खुङया़ला मेहन्‍दाङगे। यिहॱनाङ सुज्‍यी स्‍यिक्‍यो मिह येहपाराङ सोम्‍बो लो़हदी खुङसाला डोसीमानानी खुङया़गी राहङ-राहङगी तिहक्‍पाया़ पाङज्‍ये येह।’