लूका 19:5 - ह्योल्‍मो

⁵ ओहले येशू ओ़ह तोहङबो चो़ला लेप्‍ती याहर ज़ी़दी सुङ नाङसीन, “ए जखायस, ग्‍यो़बा माहर फाप्‍ती स्‍यो ले! तिहरीङ ङाह ख्‍येगी खाङबाला तेह कोहसीन।”

लूका 19:5 Referans Kwoze

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।

यूहन्‍ना 14:23

ओहले येशूगी खोला सुङ नाङसीन, “सुगी ङाहला चेवा पेहकें, खोगी ङाहती तामया़ ङ्यिहन्‍ज्‍ये येह, ओहले ङाहती याहपगी खोला चेवा जे नाङज्‍ये येह, ओहले ङ्यिह खोसाला ओहङज्‍ये येह, ओहले खो ङ्याम्‍बु तेहच्‍ये येह।

हिब्रू 13:2

राहङ खाङबाला ओहङग्‍यो टोहम्‍बोया़ला या़हबु पेहती फेप स्‍यी़हदोङ, च्‍यिबेमाना दि ल़ेहमु पेहती लाहलागी ङोह मा़हस्‍येबा पेहती स्‍यिहङगामकी स्‍याहप्‍च्‍यीया़ॱलाङ फेप स्‍युहक्‍यो येहकें।

यूहन्‍ना 1:48

ओहले नथानेलगी टी़हसीन “ङाहला राहङगी काह-ठि पेहती ङोह ख्‍येन्‍बा ले?” ओहले येशूगी खोला ल़ेहन क्‍याहप्‍ते सुङ नाङसीन, “फिलिपगी ख्‍येला क़े क्‍याहप्‍केन म़ेदी तोहङले ङाहगी ख्‍येला को़स्‍यीङ तोहङबो चो़ला थोङग्‍यो येहकें।”

एफिसी 3:17

ओहले यिह-छ्य़े लाहमले मास्‍यीका ख्‍याया़की यिहला ज़्‍य़ू नाङज्‍यु, ओहले चेवाला चार्ङ्यी सू़हदी ओहले सान्‍दी काहल्‍दी,

लूका 19:10

ङाह मिहगी स़ेबु तोरक्‍यो मिहया़लाॱराङ छोल्‍ज्‍ये दाङ थार्पा तेर्च्‍ये म़ेदी ओहङग्‍यो यिहम्‍बा” म़ेदी येशूगी सुङ नाङसीन।

२ कोरिन्‍थी 6:1

ङ्यिह किन्‍ज्‍यो ङ्याम्‍बुराङ ल़ेह पेहकें सोङबे ङ्यिह ख्‍याया़ला ओहर-छ्य़े स्‍युहउ येह, किन्‍ज्‍योगी ख्‍याया़ला काटीन जे नाङग्‍योदी ता़ह ओ़ह स्‍यिती काम्‍बुलाराङ थोरो डो मा़हच्‍यु।

लूका 19:2

ओ़ह क्‍याहसाला जखायस मिहन थो़क्‍योगी मिह छ्युक्‍पु च्‍यी़ येहकें। खो ठाल तुहएँया़गी मिह छ्यिम्‍बु यिहन्‍गे।

लूका 19:4

ओहले खो तोहङले छ्योङदी काहल्‍दी को़स्‍यीङ तोहङबोला जा़सीन च्‍यिबेमाना येशू ओ़ह लाहमले फेप नाङगेराङ येहकें।

लूका 19:6

ओहले जखायस क़ेहनाङगी ग्‍यो़बा-ग्‍यो़बा फाप्‍ती ओहङदी येशूला फेप स्‍य़ूहसीन।