लूका 19:42 - ह्योल्‍मो

⁴² “ख्‍येगी तिहरीङ स्‍य़िहदेगी तेहन्‍दाला च्‍यि कोहएँ म़ेदी ह्‍अ के़हबा यिहॱना़ ओहङज्‍ये येहकें। यिहॱनाङ ख्‍येगी दि थोङ मा़हखु!

लूका 19:42 Referans Kwoze

हिब्रू 3:15

छ्य़े-ठिमगी दि ल़ेहमु सुङ नाङगे, “तिहरीङ ख्‍यागी किन्‍ज्‍योकी सुङ-क़े थ़ेसीन माना ख्‍यागी आख्‍ये मे़हमेया़गी किन्‍ज्‍योला टाह पेहती सेम सान्‍दी पेहक्‍यो ल़ेहमु माहबे।”

ल़ेह-पेन 10:36

किन्‍ज्‍योगी इस्राएलीया़ला ताङ नाङग्‍योकी लेहङगु, येशू मास्‍यीका लाहमले प्रा साल नाङग्‍योकी स्‍य़िहदेगी या़हबु लेहङगु राहङ फे़बेया़ला थुयी़ येह। (मिह-रो़हराङ मिह थाम्‍ज्‍यीगी चो़वो छ्येवा यिहम्‍बा।)

हिब्रू 3:13

नाहम थु “तिहरीङगी ङ्यिहमा” माएँ ताम येहबा, ओ़ह थु च्‍यी़गी च्‍यी़ला लोप्‍ताम क्‍याहप्‍तोङ। मिहन्‍सीमाना तिहक्‍पाकी गो़-कोर च्‍य़ूदी ख्‍यागी सेमला सान्‍दी जे-तेर्वा।

लूका 19:44

खुङया़गी ख्‍येला ओहले ख्‍ये नाहङला तेहके ख्‍येगी छार्क्‍यीनया़ला साला च्‍यार-ताप क्‍याहप्‍च्‍ये येह, ओहले तोह च्‍यी़ थो़ला राहङसा तोह लिहच्‍ये म़ेह। च्‍यिबेमाना किन्‍ज्‍योगी ख्‍येला थार च्‍य़ूज्‍येला फेप नाङग्‍योकी ङ्यिहमाला ख्‍येगी ङोह मा़हस्‍ये।”

ल़ेह-पेन 13:46

यिहॱनाङ पावल दाङ बारनाबासकी आप छ्य़ेदी मासीन, “थाम्‍ज्‍यी म़ेदी तोहङले किन्‍ज्‍योगी या़हबु लेहङगु राहङ फे़बेया़ला स्‍येॱराङ कोहच्‍ये येहकें, यिहॱनाङ राहङ फे़बेया़गी सेन्‍ज्‍ये थुराङ जे मेहनाङ दु। नाहमॱआङ स्‍यिज्‍ये म़ेहबागी मिहली ज़ाङबु ज्‍योर्च्‍येला राहङ फे़बेया़गीराङ का़ नाङसीन। ओ़ह सोङबे ता़ह ङ्यिह लेहमेन क्‍यिहपागी मिहया़साला डोएँ।

हिब्रू 3:7

ओ़ह सोङबे नाम्‍पार-ताहक्‍पा थुगी सुङ नाङग्‍यो ल़ेहमुराङ, “तिहरीङ ख्‍यागी किन्‍ज्‍योगी सुङ-क़े थ़ेसीन माना,

लूका 19:41

ओहले येशू यरूशलेम पोहला लेप्‍च्‍ये जेकेमु क्‍याहसाला ज़ी़दी येशूगी स्‍योम्‍दी सुङ नाङसीन,

लूका 19:43

ओ़ह सोङबे तिहरीङ ख्‍ये थो़ला दि रोहवा ती़हजी च्‍यी़ ओहङज्‍ये येह, ख्‍यागी टाहया़गी ख्‍येगी छ्यो़ ज़्‍यिलेराङ मिह मिह-माहङ ओहङदी कोर्च्‍ये येह, ओहले छ्यो़ ज़्‍यिलेराङ ख्‍येला का़ज्‍ये येह।