लूका 18:19 - ह्योल्‍मो

¹⁹ ओहले येशूगी खोला सुङ नाङसीन, “ख्‍येगी ङाहला च्‍यिबे थाम्‍ज्‍यी म़ेदी या़हबु माएँ? किन्‍ज्‍यो च्‍यी़ मिहम्‍बा नि लेहमेन सुॱआङ या़हबु म़ेह।

लूका 18:19 Referans Kwoze

याकूब 1:17

ना थाम्‍ज्‍यी या़हबु दाङ याहङ-ताहक्‍पा काबाप स्‍यिहङगामलेगी ओहङगे। नामला येहकेन्‍गी रेबेॱराङ येहसेरया़ छ्या़ च्‍य़ू नाङगे किन्‍ज्‍यो याहप लाहमलेॱराङ दि काबापया़ ओहङगे यिहम्‍बा। मिहरो नाहमॱआङ ग्‍युर मेहनाङगे ओहले मिहरोगी लो़हदे येहपाराङ ना़-जुबे ज़ो मेहनाङगे।

हिब्रू 7:26

ओहराङला कोहक्‍योगी गो-छ्येवा पूजाहारीती येशूॱराङ यिहन्‍गे। मिहरो नाम्‍पार-ताहक्‍पा, च्‍यिॱआङ क्‍येन म़ेहबा दाङ चाङमा येहबा ओहले किन्‍ज्‍योगी मिहरोला तिहक्‍च्‍येम्‍बा मिहया़गी पाहरक्‍यीले खा फे़ नाङदी थाम्‍ज्‍यी म़ेदी थो़स्‍यो स्‍यिहङगामला ज़्‍या़ नाङसीन।

१ तिमोथी 3:16

तेहम्‍बाराङ किन्‍ज्‍योला क्‍याप्‍केन्‍गी तेहन्‍दा ङोहॱराङ स्‍ये मी़हखुएँगी नाहङ-ताम काहजे छ्यिम्‍बु येहबा? मास्‍यीका मिहगी पी़नाङ नोम्‍दी फेप नाङसीन, नाम्‍पार-ताहक्‍पा थुगी मिहरोला टाहङबु यिहम्‍बा म़ेदी तेन नाङसीन ओहले मिहरोला स्‍यिहङगामकी स्‍याहप्‍च्‍यीया़गीॱआङ थोङसीन। ओहले मिहरोकी तेहन्‍दाला लुहङबा लुहङबागी मिहया़गी थ़ेसीन, जाम्‍बुलीङला मिहरोला मिहया़गी यिह-छ्य़े पेहसीन ओहले किन्‍ज्‍योगी मिहरोला येहपाराङ स्‍यिहङगामला ज्‍यिबुराङ चा़ जेती नोम फेप्‍सीन!

लूका 11:13

ख्‍या मिह ङ्येहम्‍बा यिहॱनाङ राहङगी पुह पोहमोया़ला या़हबु से़हया़ तेर स्‍य़े फान्‍ज्‍यो तोहरोङ स्‍यिहङगामला ज़्‍यू़गेन ख्‍यागी याहपगी मिहरो ङ्याम्‍बु लाङगेया़ला काहजे माहङबु जेती नाम्‍पार-ताहक्‍पा थु नाङडो?”

लूका 1:35

ओहले स्‍यिहङगामकी स्‍याहप्‍च्‍यीगी मोहला ल़ेहन क्‍याहप्‍ती सुङ नाङसीन, “नाम्‍पार-ताहक्‍पा थु ख्‍येसाला फेप नाङज्‍ये येह, ओहले चा़ छ्यिम्‍बु किन्‍ज्‍योगी ओङगी टिहप्‍सा ख्‍ये थो़ला ज़्‍य़ू नाङज्‍ये येह। ओ़ह सोङबे ठुङ नाङगे स़ेबु नाम्‍पार-ताहक्‍पा ओहङज्‍ये येह ओहले ओ़ह स़ेबुला किन्‍ज्‍योगी स़ेबु म़ेदी माज्‍ये येह।

लूका 18:18

इस्राएली पोम्‍बो च्‍यी़गी येशूला स्‍युहसीन, “ओ़ थाम्‍ज्‍यी म़ेदी या़हबु लोबेन लाह, था़ म़ेहबा मिहली ज़ाङबु ज्‍योर्च्‍येला ङाहगी च्‍यि पेह कोहएँ?”

लूका 18:20

ओहले किन्‍ज्‍योगी कानी ख्‍येला क्‍यी़ह येहॱराङ येह, ‘मिहगी ख्‍योवा दाङ पी़हमी थो़ला सेमङेन माहच्‍याङ, मिहला माहसे, कुमेन माहक्‍याहप, तेहन्‍दाम म़ेहबागी तामला पाङबु माहतेह, ओहले राहङगी आबा-आमाला ची़नाङ पेहतोङ’।”