लूका 18:12 - ह्योल्‍मो

¹² ङाह साता च्‍यी़ला लेहमा ङ्यी़ ङ्युङने तेहको येह, ङाहगी ज़्‍योरक्‍योगी नोहरया़लेगी बो च्‍युला बो च्‍यी़ फुल्‍गो येह’!”

लूका 18:12 Referans Kwoze

लूका 11:42

“ख्‍या फरिसीया़ काहजे छा़ तुहवा! ख्‍यागी तुहम्राला या़हएँगी पादीना दाङ मेना-मेन्‍ज्‍युया़ ङो़ले बो च्‍युला बो च्‍यी़ किन्‍ज्‍योला फुल्‍ज्‍येनी फुल्‍गु दु, यिहॱनाङ ठिम दाङ किन्‍ज्‍योला चेवा पेहके केच्‍यालादी च्‍योल्‍दोराङ मेहतेन दु। ङाहगी माज्‍ये छोल्‍ग्‍यो तामदी तोहङमागी ल़ेहया़ माहबे म़ेदी माक्‍यो मिहम्‍बा, ओ़ह ल़ेहया़ ङ्याम्‍बु-ङ्याम्‍बुराङ दि ल़ेहॱया़ङ पेहतोङ म़ेदी माक्‍यो यिहम्‍बा।”

मत्ती 9:14

ओ़ह तिङले बप्‍तिस्‍मा तेर्केन यूहन्‍नागी स्‍याहप्‍च्‍यीया़ येशूसाला ओहङदी येशूला दि ल़ेहमु म़ेदी टी़हसीन, “ङ्यिह दाङ फरिसीया़ ङ्युङने तेहकें, यिहॱनाङ राहङगी स्‍याहप्‍च्‍यीया़दी च्‍यिबे ङ्युङने मेहतेहकें?”

लूका 17:10

ओ़ह ल़ेहमुराङ पेहती ख्‍यागीॱआङ किन्‍ज्‍योगी कुल नाङग्‍योकी ल़ेह थाम्‍ज्‍यीराङ पेह सिहन फान्‍ज्‍यो, ‘ङ्यिहनी योक्‍पुज्‍यीराङ यिहम्‍बा, ङ्यिहगी पेह कोहएँगी ल़ेह पेहती येह’ म़ेदी ख्‍यागी सेमला ने़दोङ!” म़ेदी येशूगी सुङ नाङसीन।

१ तिमोथी 4:8

च्‍यिबेमाना ज़ुबुगी तेहन्‍दाला च्‍याहङदार पेहक्‍योदीॱआङ या़हबु यिहम्‍बा यिहॱनाङ किन्‍ज्‍योला क्‍याहप्‍च्‍येला च्‍याहङदार पेहक्‍योदीनी च्‍यी़ला माना खेप्‍साङ ओहङगे यिहम्‍बा च्‍यिबेमाना दिगी ताहन्‍दा दाङ तिङमागी मिहली ङ्यिकाराङकी तेहन्‍दाला ताहम्‍ज्‍या ज़्‍या़क्‍यो ओहङगे।

मत्ती 6:1

“जेम्‍बु पेहती तेह, ख्‍याया़ मिहया़ला तेन्‍ज्‍येला छ्या़-छ्येपा पेहचेन माहतेन। मिहन्‍सीमाना स्‍यिहङगामला ज़्‍य़ू नाङगेन ख्‍याया़गी याहप्‍च्‍येन आबागी ख्‍याया़ला च्‍याहगा च्‍यिॱआङ नाङज्‍ये म़ेह।”

एफिसी 2:9

ल़ेह पेहती माॱराङ मिहया़गी थार्पा ज़्‍योरक्‍यो मिहन, मिहन्‍सीमानानी खुङया़गी छ्य़ेन्‍दो तेन्‍ज्‍ये येहकें।

गलाती 1:14

ङ्यिहगी क्‍यिहपाला, यहूदी छ्य़े ची़गेया़ नाहङला ङाहगी स्‍यार-च्‍युङकी रो़हया़ म़ेदी ङाह माहङबुराङ तोहङले येहकें। ङाहती आख्‍ये मे़हमेया़गी पे-ठिमला ङाह स्‍यिङ्याल कोङ्याल पेहती ची़उ येहकें।

१ कोरिन्‍थी 1:29

ओ़ह सोङबे सुज्‍यीगीॱआङ किन्‍ज्‍योकी दिनला छ्य़ेन्‍दो माहतेन्‍ज्‍यु।

रोमी 3:27

ओ़हठी यिहन्‍सीमाना ता़ह ओहराङ च्‍यिगी तेहन्‍दाला छ्य़ेन्‍दो तेन्‍गे? च्‍यि तामॱलाङ मिहन! च्‍यि ओहराङगी छ्य़े-ठिम ची़क्‍यो सोङबे? मिहम्‍बा, यिहॱनाङ यिह छ्य़ेक्‍यो सोङबे च्‍यी़राङ।

मत्ती 6:16

“ख्‍याया़ ङ्युङने तेहकेमु यिहन्‍दो तेन्‍गेन मिहया़गी ल़ेहमु छेन्‍दा नोङदी माहतेह। च्‍यिबेमाना मिहया़ला ङ्युङने तेहती येह म़ेदी तेन्‍ज्‍येला खुङ राहङगी छेन्‍दा नोङदी तेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।

मत्ती 6:5

“ख्‍याया़ सोल्‍वाङ ताप्‍केमु यिहन्‍दो तेन्‍गे मिहया़गी ल़ेहमु पेहती सोल्‍वाङ माहताप। खुङया़नी लेहमेन मिहया़गी थोङज्‍यु म़ेदी छो़खाङ दाङ लाहमगी सहर-सुहरया़ला लाहङदी सोल्‍वाङ ताप्‍च्‍ये सेम पेहकें। तेहम्‍बाराङ, ङाह ख्‍याया़ला माएँ, खुङया़गी ज्‍योर कोहएँगी राहङगी च्‍याहगा ज्‍योर सिहन्‍दी येह।

मत्ती 5:20

ओ़ह सोङबे ङाह ख्‍याया़ला माएँ, छ्य़े-ठिमगी काया़ला छ्य़े-ठिमकी लोबेनया़ दाङ फरिसीया़गी म़ेदी या़हबु पेहती मी़हचीसीमानानी ख्‍याया़ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह।”