लूका 17:3 - ह्योल्‍मो

³ ओ़ह सोङबे ख्‍यागी दिगी तेहन्‍दाला जेम्‍बु पेहतोङ!” “ओहले येहपाराङ, ख्‍येगी आदा नो़हगी तिहक्‍पा पेहसीमाना खोला लोप्‍ताम क्‍याहप्‍तोङ, ओहले खोगी सेमगी स्‍या़बा पेहती तिहक्‍पा पाङसीमाना खोला कोहङदा तेर्तोङ।

लूका 17:3 Referans Kwoze

मत्ती 18:21

ओहले पत्रुसगी ओहङदी येशूला टी़हसीन, “चो़वो, ङाहगी नो़हगी ङाहला टाह पेहती तिहक्‍पा पेहतीराङ तेहसीमाना ङाहगी खोला लेहमा काहजे थु ल़े ताङ कोहएँ यिहम्‍बा? लेहमा तिहन थु?”

याकूब 5:19

ङाहगी आदा-नो़ह दाङ आज्‍यी-नुहमुया़, ख्‍याया़ नाहङला सुज्‍यी तेहन्‍दामगी लाहमले क्‍यो़दी काहल्‍सीन माना खोला लो़दी ख्‍येर्स्‍यो।

२ यूहन्‍ना 1:8

ओ़ह सोङबे ख्‍या जेम्‍बु पेहती तेहतोङ। ख्‍यागी कादुप च्‍येती पेहक्‍यो ल़ेहगी च्‍याहगा तोर मा़हच्‍यु यिहॱनाङ ख्‍या थाम्‍ज्‍यी च्‍याहगा ज्‍योर्केन्‍की मिहया़ ओहङ कोहएँ।

हिब्रू 12:15

जेम्‍बु पेह, सु मिहज्‍यीॱआङ किन्‍ज्‍योकी काटीन ज्‍योर्च्‍येला ल़े टोहल (छूट) माहती़ज्‍यु, ओहले ख्‍या यिहला खाक्‍ती ज़ोएँगी तू़हगी तोहङबो ल़ेहमु बी़दी ओहङदी मिहया़ला तुहक्‍पु तेर्केन्‍की मिहया़ माहन्‍डोज्‍यु, मिहन्‍सीमाना ख्‍यागी मिह माहङबुलाराङ मेहचाङा ज़ोज्‍ये येह।

एफिसी 5:15

ओ़ह सोङबे काहन्‍डुमु डोलु-तेहलु पेह कोहएँ यिहम्‍बा, ओ़ह जेम्‍बु पेहतोङ, उल्‍दुम्‍बाकी मिह ल़ेहमु पेहती मिहम्‍बा, ख्‍येम्‍बा-ताहक्‍पु मिह ल़ेहमु पेहती डोलु-तेहलु पेहतोङ।

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।