लूका 17:2 - ह्योल्‍मो

² सुगी दि फेमा म़ेदी फेमाया़ला तिहक्‍पाला छ्यि च्‍य़ूगे, ओ़हदीलानी ज्‍यिङबाला ला़हवोर च्‍याङदी छो-क्‍याहम्‍जोला क्‍युर चाहङना या़हबु ओहङज्‍ये येहकें।

लूका 17:2 Referans Kwoze

मर्कूस 9:42

येशूगी येहपाराङ सुङ नाङसीन, “का़हन्‍दीगी ङाह थो़ला यिह-छ्य़े पेहकेन दि ल़ेहमु पेहजाया़गी यिह-छ्य़ेला नोङगे ओ़हदीलानी ज्‍यिङबाला ला़हवोर च्‍याङदी छो-क्‍याहम्‍जोला क्‍युर चाहङना या़हबु ओहङज्‍ये येहकें।

मत्ती 18:14

ओ़ह ल़ेहमुराङ पेहती स्‍यिहङगामला ज़्‍य़ू नाङगेन ख्‍याया़गी किन्‍ज्‍यो याहपगी दि फेमाया़ नाहङला सुज्‍यीॱआङ माहतोर्च्‍यु म़ेदी थु-सेम जे नाङगे।”

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

१ कोरिन्‍थी 9:22

मा-फाम्‍बु मिहया़ला मास्‍यीकाला ख्‍योङ ख़ूज्‍यु म़ेदी ङाह राहङॱआङ मा-फाम्‍बु पेहती तेहसीन। काह-ठि पेहती यिहॱनाङ मिहया़ला मास्‍यीकाला थार च्‍य़ू ख़ूज्‍यु म़ेदी नामे नाजो छ्याप्‍स्‍यीया़ पेहती ङाहॱआङ खुङ ल़ेहमुराङ काहल्‍सीन।

मत्ती 26:24

सुङरापला प्रुहक्‍यो ल़ेहमुराङ मिहगी स़ेबुनी डोॱराङ कोहएँ। यिहॱनाङ काहजे छा़ तुहवा ओ़ह मिहला, का़हन्‍दीगी मिहगी स़ेबुला ज़ुङ च्‍य़ूगे। खोनी तोहरोङ क्‍येॱराङ मा़हक्‍येबा येहना या़हबु ओहङज्‍ये येहकें!”

१ कोरिन्‍थी 9:15

यिहॱनाङ दि ओङया़ नाहङला ङाहगी का़हन्‍दीॱआङ ओङ लाङ म़ेदी म़ेह, ओहले ङाहगी तेहन्‍दाला दि थाम्‍ज्‍यी च्‍याहम्‍दाया़ डी़ज्‍यु म़ेदी ङाहगी दि ताम प्रुहक्‍योॱआङ मिहन। दि ल़ेहमु पेहकें म़ेदीनी तोहरोङ ङाह स्‍यिएँॱराङ सोनाम-साक्‍पु। दि ङाहती छ्य़ेन्‍दो तेन्‍गेन्‍गी तामला सुज्‍यीगीॱआङ “दिनी स्‍यिती काम्‍बु यिहन” म़ेदी मा ख़ूज्‍ये म़ेह।

यूहन्‍ना 21:15

खुङया़गी साह सिहन फान्‍ज्‍यो येशूगी सिमोन-पत्रुसला सुङ नाङसीन, “ए यूहन्‍नाकी पुह सिमोन, च्‍यि ख्‍येगी ङाहला लेहमेनया़गी म़ेदी माहङबु चेवा पेहकें ले?” ओहले पत्रुसगी मासीन, “लाहसो ला़ह चो़वो, ङाह राहङला चेवा पेहकें म़ेदीनी राहङला थुयी़राङ येह।” येशूगी खोला सुङ नाङसीन, “ङाहती ल़ूह पी़हरुया़ला साहज्‍ये तेर।”

मत्ती 17:27

यिहॱनाङ ओहराङ लाहमले मिहया़ला क्‍येन माहयोहङज्‍यु। ख्‍ये छो-क्‍याहम्‍जोला काहल्‍दी ङ्याहटा क्‍याहप्‍तोङ। थाम्‍ज्‍यी म़ेदी तोहङले ङ्याहटाला च्‍य़ेह सिहन्‍ग्‍योगी ङ्याह तेन्‍दी ओ़ह ङ्याहगी खा खा-फे़दोङ। ओ़ह ङ्याहगी खाला ख्‍येगी ङुल-टाङ डापाल च्‍यी़ च्‍य़ेह सिहन्‍ज्‍ये येह। ओ़हदी छ्योखाङगी ठाल तुहएँया़ साला ख्‍येर्ती ओहराङ ङ्यी़गी ठाल च्‍याल्‍दोङ।”