लूका 16:6 - ह्योल्‍मो

⁶ ओहले खोगी मासीन, ‘कुर्वा तोङरा सुम जैतूनगी नुम।’ ओहले गोबागी मासीन, ‘लो आहना, ख्‍येती पेहलेन सेहक्‍योगी यिहगीला ता़ह कुर्वा क्‍याह च्‍ये़ङा च्‍यी़राङ प्री़हदोङ।’

लूका 16:6 Referans Kwoze

तीतस 2:10

खुङया़गी राहङकी ताहक्‍पुकी पेलाया़ कुमेन माह-क्‍याहप्‍च्‍यु यिहॱनाङ नाहम माॱनाङ या़हबु-या़हबु ल़ेहया़ पेहती ताहक्‍पुकी ज़ी़लुला खुङ यिह-छ्य़ेबु ओहङ ख़ूज्‍यु। दि ल़ेहमु पेहती खुङया़गी च्‍यि ल़ेहलामाॱनाङ ओहराङला थार्पा नाङगेन्‍गी किन्‍ज्‍योगी लुहङला चा़ छ्यिम्‍बु ज़ो ख़ूज्‍यु।

लूका 16:12

ख्‍याया़ लेहमेन मिहगी क्‍युहला यिह-छ्य़ेबु ओहङ मी़हख़ूना ख्‍यागी ज्‍योर कोहएँगी क्‍युह ख्‍याला सुगी तेर्टो ले?

लूका 16:9

“ङाहगी ख्‍याला माएँ, जाम्‍बुलीङगी क्‍युहगी ङ्येहवाया़ जे़दोङ ओहले ओ़ह क्‍युह चो़हगे ती़हजीला ख्‍याला नाहमॱआङ था-मे़हछ्येएँगी ग्‍या़ला फेप स्‍युहज्‍ये येह।”

मत्ती 20:8

“नाहम स़े फान्‍ज्‍यो कुहन्‍डुमगी स्‍यिहङ ताहक्‍पुगी राहङगी ल़ेह पेहकेनया़गी गोबाला मासीन, ‘ल़ेहमीया़ला क़े क्‍याहप्‍ती खुङया़गी ल़ेह पेहक्‍योगी ले़गा तेर। ले़गा तेर्केमु थाम्‍ज्‍यी म़ेदी तिङले ओहङगेनया़ यिहन्‍ज्‍यु गो़ छ़ूदी तिङले च्‍यी़राङ थाम्‍ज्‍यी म़ेदी तोहङले ओहङगेया़ला तेर।’

लूका 16:5

ओ़ह तिङले खोगी ताहक्‍पुगी पेहलेन सेहक्‍योगी मिहया़ला रे़ह-रे़ह पेहती क़े क्‍याहप्‍सीन। खोगी तोहङस्‍यो मिहला टी़हसीन, ‘ङाहती ताहक्‍पुगी पेहलेन ख्‍येला काहजे येहबा?’

लूका 16:7

ओहले राहङसा मिहला टी़हसीन, ‘ख्‍येगी काहजे च्‍याल कोहएँ?’ खोगी ल़ेहन क्‍याहप्‍सीन, ‘ने़ह फाजी तोङरा च्‍यी़।’ ओहले गोबागी मासीन ‘लो खोगी पेहलेन सेहक्‍योगी यिहगीला ता़ह फाजी खाल ज़्‍यि च्‍यी़राङ प्री़हदोङ’।”

यूहन्‍ना 2:6

यहूदीया़की राहङला चाङमा ज़ोएँ ठिमकी तेहन्‍दाला ओ़हला लिटर क्‍याह च्‍यिचे स्‍योङगेन्‍गी तोहगी ज़ोक्‍यो फुम्‍बा ट़ूह थाल ज़्‍या़क्‍यो येहकें।