Biblia Todo Logo
Bib sou entènèt

- Piblisite -




लूका 16:15 - ह्योल्‍मो

15 ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

Gade chapit la Kopi




लूका 16:15
40 Referans Kwoze  

ओ़ह सोङबे किन्‍ज्‍योकी ठाबे जे नाङग्‍योकी ती़हजी म़ेदी तोहङले ठिम माहताङ, चो़वो फेप नाङगे ती़हजी थु कू़हदोङ। मिहरोगी ना़-जुबेला यिहप्‍ती तेहक्‍योकी से़हया़ क्‍या-साङेला नोम फेन नाङज्‍ये येह, ओहले मिहकी सेम नाहङकी तामया़ छ्यिसाल-नाहङसाल पेहती तेन नाङज्‍ये येह। ओ़ह ती़हजीला मिह थाम्‍ज्‍यीगी राहङगी ज्‍योर कोहएँकी स्‍याबास किन्‍ज्‍यो लाहमले ज्‍योर्च्‍ये येह।


सेमगी स्‍याहल ङोह ख्‍येन्‍गे किन्‍ज्‍योगी ओहराङला नाम्‍पार-ताहक्‍पा थ़ू नाङग्‍यो ल़ेहमुराङ लेहमेन क्‍यिहपागी मिहया़ॱलाङ नाङसीन। दि ल़ेहमु पेहती किन्‍ज्‍योगी लेहमेन क्‍यिहपागी मिहया़लाॱआङ राहङदी ज़ो नाङसीन।


यिहॱनाङ ख्‍यागी नाहङ सेमदी या़हबु ओहङ कोहकें, ओ़ह नाहमॱआङ याहल्‍दी मेहन्‍डोएँ ङ्येम्‍ज्‍युङ दाङ स्‍य़िहदेकी केहन्‍ज्‍याया़गी राहङगी सेम ज़ाप कोहएँ यिहम्‍बा ओ़ह किन्‍ज्‍योगी ज़ी़लुला ज्‍यिबुराङ रिहन केहपु येहबा।


ओहले येशूगी ओ़ह फरिसीला सुङ नाङसीन, “ख्‍यागी फार्को दाङ तेहर्मागी फिनी ताहर्ती चाङमा ज़ोएँ, नाहङलादी ख्‍या माहराप दाङ ङ्येहम्‍बागी काहङग्‍यो ओहङगे।


ओहले छ्य़े-ठिमकी लोबेनगी ङाह मिह टाहङबु यिहन म़ेदी तेन्‍ज्‍येला, “आहन्‍डा यिहन्‍सीमाना ङाहगी ख्‍यिम्‍जीदी सु यिहम्‍बा ले लाह?” म़ेदी येशूला स्‍युहसीन।


मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।


ओ़ह ल़ेहमुराङ पेहती स्‍यारा स्‍यार्माया़, राहङ म़ेदी छ्यिम्‍बु मिहया़गी ओङ चो़ला तेहतोङ। ख्‍या मिह थाम्‍ज्‍यी ङ्याम्‍बु स्‍यिहवा पेहती च्‍यी़गी च्‍यी़ला रो़हराम पेहतोङ। च्‍यिबेमाना छ्य़ेला दि ल़ेहमु सुङ नाङदी येह, “किन्‍ज्‍योगी छ्य़ेन्‍दो तेन्‍गे मिहया़ला टाह जे नाङगे, यिहॱनाङ स्‍यिहवा पेहकें मिहया़ला काटीन नाङगे।”


ओ़ह सोङबे छ्य़े-ठिमला ची़दी सुज्‍यीॱआङ किन्‍ज्‍योगी दिनला टाहङबु सी़ह मी़हखुएँ, च्‍यिबेमाना छ्य़े-ठिमगीनी मिहगी पेहक्‍योगी तिहक्‍पाला ङोह स्‍य़े च्‍यी़राङ च्‍य़ूगे।


मिहरोला मिहगी खोक्‍पा नाहङगी केच्‍याया़ या़हबु पेहती थुयी़ येहकें सोङबे सुज्‍यीगीॱआङ येशूला का़हन्‍दीॱआङ मिहगी तेहन्‍दाला मा कोहबा म़ेहबा येहकें।


खुङगी दि थाम्‍ज्‍यीराङ मिहया़ला तेन्‍ज्‍येला च्‍यी़राङ पेहकें। खुङ राहङगी प्राला दाङ लाहक्‍पा पुङबागी छ्य़े लू़क्‍योगी खुमाया़ छ्यिम्‍बु-छ्यिम्‍बु ज़ोएँ ओहले टाहङबु यिहन म़ेदी तेन्‍ज्‍येला राहङगी योल्‍सेनया़ला रिहङबु-रिहङबु फेन्‍जार ज़ोएँ।


ओहले खोगी मासीन, “दि काया़नी ङाहगी फेमा यिहन्‍ज्‍युराङ ची़दी ओहङदी येहबा ला़ह!”


“ओहले फरिसीगी लाहङदी सेम सेमलाॱराङ दि ल़ेहमु म़ेदी सोल्‍वाङ ताप्‍सीन, ‘ओ़ किन्‍ज्‍यो, ङाह राहङला थुज्‍यी-छ्ये़ फुल्‍गे! च्‍यिबेमाना ङाह राहङसा मिहया़गी ल़ेहमु च्‍याहक्‍पा पेहती म़ेह। यिह-छ्य़े मी़हखुएँगी ल़ेह पेहती म़ेह। ङाहगी छ्येउ-छ्येंमु पेहती म़ेह। ओहले ङाह दि ठाल तुहएँ मिह ल़ेहमु मिहन।


ओहले खोगी माहताहक्‍पा ल़ेह पेहती लेहन्‍ग्‍यो टाङगालेगी स्‍यिहङ च्‍यी़ ङ्योहसीन। ओहले खो गो़ थुर्चु पेहती ताहप्‍सीन, ओहले खोगी फोवा फोङसीम्‍बाराङ क्‍युहमाया़ थेन्‍सीन।


खुङया़नी ह्‍युग्‍मोया़गी क्‍युहगी थो़ला ओङ पेहती साहएँ, ओहले मिहया़ला तेन्‍ज्‍येला रिहङबु-रिहङबु सोल्‍वाङ ताप्‍के। ओ़ह ल़ेहमु मिहया़लानी किन्‍ज्‍योगी ङ्य़ेहबा छ्यिम्‍बुच्‍यी कल नाङज्‍ये येह!” म़ेदी येशूगी सुङ नाङसीन।


ओहले खुङगी येशूला काहन्‍डुमु पेहती ज़ुङज्‍ये म़ेदी लाहम छोल्‍सीन। ओहले खुङगी टाहङबु तेन्‍ज्‍येनज्‍यी ज़ोएँ मिहया़ला टाङगा तेर्ती ओहम्‍दी येशूगी सुङदेन नाङगेमु च्‍यिॱआङ ताम क़ू ज्‍योर्कें नि म़ेदी ओ़ह मिहया़ला येशूगी तिङदा तिङ ताङसीन। “च्‍यिॱआङ ताम क़ू ज्‍योर्सीमाना येशूला ज़ुङदी रोमी पोम्‍बोगी लाहक्‍पाला छ्यि च्‍य़ूज्‍ये” म़ेदी खुङगी सेमला क्‍ये़दी येहकें।


“ख्‍याया़ ङ्युङने तेहकेमु यिहन्‍दो तेन्‍गेन मिहया़गी ल़ेहमु छेन्‍दा नोङदी माहतेह। च्‍यिबेमाना मिहया़ला ङ्युङने तेहती येह म़ेदी तेन्‍ज्‍येला खुङ राहङगी छेन्‍दा नोङदी तेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।


“ख्‍याया़ सोल्‍वाङ ताप्‍केमु यिहन्‍दो तेन्‍गे मिहया़गी ल़ेहमु पेहती सोल्‍वाङ माहताप। खुङया़नी लेहमेन मिहया़गी थोङज्‍यु म़ेदी छो़खाङ दाङ लाहमगी सहर-सुहरया़ला लाहङदी सोल्‍वाङ ताप्‍च्‍ये सेम पेहकें। तेहम्‍बाराङ, ङाह ख्‍याया़ला माएँ, खुङया़गी ज्‍योर कोहएँगी राहङगी च्‍याहगा ज्‍योर सिहन्‍दी येह।


“ओ़ह सोङबे ख्‍याया़गी मिहया़ला च्‍यिॱआङ तेर्केमु रोहवा-लीङ माहफु, दि ल़ेहमुनी यिहन्‍दो तेन्‍गे मिहया़गी गा छो़खाङ दाङ लाहमया़ला मिहया़गी या़हबु माज्‍यु म़ेदी पेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।


ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।


राहङगी राहङलाराङ टाहङबु ने़गेन, ओहले लेहमेन मिहला क्‍येन ताएँगी मिहया़ला येशूगी दि पे ज़्‍या़दी सुङ ख्‍येप्‍टा नाङसीन–


ङाहगी ख्‍याला माएँ, ओ़ह फरिसी म़ेदी ठाल तुहएँ मिहती किन्‍ज्‍योगी ज़ी़लुला या़हबु थेन्‍सीन ओहले खो खाङबाला लो़ह काहल्‍सीन। च्‍यिबेमाना सुगी राहङगी राहङला छ्यिम्‍बु ज़ोज्‍ये छोल्‍गे खो फेमा ओहङज्‍ये येह ओहले सुगी राहङला फेमा ज़ोएँ खो छ्यिम्‍बु ओहङज्‍ये येह।”


ओहले खुङया़गी दि ल़ेहमु म़ेदी सोल्‍वाङ ताप्‍सीन, “मिह थाम्‍ज्‍यीगी सेमला येहकेन्‍गी ताम ङोह ख्‍येन नाङगे चो़वो छ्येवा, दि मेहन्‍दा ङ्यी़ नाहङला राहङगी का़हन्‍दीला दाम नाङग्‍यो येहबा ओ़ह ङ्यिहला तेन नाङदोङ,


मिहया़ती यिह ङोह ख्‍येन नाङगे किन्‍ज्‍योगी नाम्‍पार-ताहक्‍पा थुगी थु-सेम च्‍यि येहबा ओ़ह ङोह ख्‍येन नाङगे च्‍यिबेमाना किन्‍ज्‍योकी थुला ठुङग्‍यो ल़ेहमु नाम्‍पार-ताहक्‍पा थुगी किन्‍ज्‍योला यिह-छ्य़े पेहक्‍यो मिहया़की तेहन्‍दाला ओहर-छ्य़े स्‍युह नाङगे।


Swiv nou:

Piblisite


Piblisite