Biblia Todo Logo
Bib sou entènèt

- Piblisite -




लूका 16:1 - ह्योल्‍मो

1 ओहले येशूगी राहङगी स्‍याहप्‍च्‍यीया़ला दि पे स्‍ये नाङसीन, “मिह छ्युक्‍पु च्‍यी़दी ल़ेह ताएँ गोबा च्‍यि येहकें। ओहले मिहया़गी, ‘ओ़ह गोबागी राहङगी क्‍युहया़ सिहन्‍दा च्‍येकेराङ येह’ म़ेदी छ्युक्‍पु मिहला सा क्‍याहप्‍सीन।

Gade chapit la Kopi




लूका 16:1
19 Referans Kwoze  

किन्‍ज्‍योगी काटीनला ख्‍या रे़ह-रे़हगी नामे नाजोकी काबापया़ ज़्‍योरक्‍यो येहबा ओ़ह काबाप ख्‍या थाम्‍ज्‍यीगी मिहया़ला रो़हराम पेहच्‍येगी तेहन्‍दाला या़हबु पेहती चाल तिदोङ।


ओहले येशूगी सुङ नाङसीन, “यिह-छ्य़ेबु दाङ रिहक्‍स्‍यी छ्यिम्‍बु येहकेन्‍गी डु गोबा काहन्‍डुमु मिह यिहन्‍डो? खोला ताहक्‍पुगी राहङ खाङबा मे़हमेया़ला ठाबे ती़हजीला खुङया़गी बोला थोप्‍केन्‍गी साहप्‍च्‍या क्‍य़ेज्‍येला कुलज्‍ये येह।


लाङनाॱआङ ख्‍यागी खाम्‍साङ-ङ्याहम्‍साङ पेहकेन्‍गी चोक्‍पा सेम थो़दी लाङगे ओहले मेहन्‍ज्‍योर्कें।


छेन्‍छोककी गोबागी किन्‍ज्‍योकी छ्या़लेया़ ची़ लेहन्‍ग्‍यो ओहङगे। ओ़ह सोङबे खो च्‍यिॱआङ क्‍येन म़ेहबाकी मिह ओहङ कोहकें। ओहले खोगी छ्य़ेन्‍दो तेन्‍ज्‍ये मेहयोहङगे, ग्‍यो़बाराङ स्‍यिहताङ पेहच्‍ये मेहयोहङगे, छ्याङसीवा ओहङज्‍ये मेहयोहङगे, मिहया़ ङ्याम्‍बु ठ़ूस्‍यी सिहङदा पेहच्‍ये मेहयोहङगे ओहले क्‍युहला ह्‍अम्‍बा पेहच्‍ये मेहयोहङगे।


“‘ओहले राहङगी क्‍युह थाम्‍ज्‍यीराङ बान्‍डानीया़ ङ्याम्‍बु सिहन्‍दा च्‍येती ओहङग्‍यो पुह ओहङगेमुदी राहङगी दि से़दी ज़्‍या़क्‍योगी छोम्‍बु पिहउ पी़हरु खोगी तेहन्‍दाला सेत्‍ती डेन क्‍याहप्‍नाङसीन।’


“ङ्यिहमा तोबा तिङले पुह च्‍युङागी राहङ ङ्याम्‍बु येहकेन्‍गी थाम्‍ज्‍यीराङ फास्‍यी ख्‍येर्ती लेहमेन लुहङबाला काहल्‍सीन। ओहले ओ़हला खोगी सेमला ने़जेबा काहने थेते पेहती राहङ ङ्याम्‍बु येहकेन्‍गी क्‍युह रेबेॱराङ क्‍युर्सीन।


ओहले लेहमेन योक्‍पु च्‍यी़ ओहङदी मासीन, ‘ने़बु ला़ह, राहङगी नाङग्‍यो सेर-टाङ ङाहगी कप्‍च्‍या च्‍यी़ला तुम्‍दी ज़्‍या़क्‍यो येह, ओ़ह देलाराङ येह।


ओहले येहपाराङ येशूगी सुङ नाङसीन, “छ्युक्‍पु मिह च्‍यी़ येहकें, खो ङ्यिहमा-टाहङमाराङ रिहन माहङबु डोएँगी काप्‍च्‍या केहन्‍दी ङ्याहम छ्यिम्‍बु पेहती तेहको येहकें।


क्‍याहल्‍बु हेरोदसाला ल़ेह पेहकें खुजासकी पी़हमी योअन्‍ना दाङ सुसन्‍ना। दि पी़हमीया़ दाङ लेहमेनया़गीॱआङ राहङगी क्‍युह नोहरया़ तेर्ती येशूला स्‍याहप्‍तो स्‍युहउ येहकें।


“नाहम स़े फान्‍ज्‍यो कुहन्‍डुमगी स्‍यिहङ ताहक्‍पुगी राहङगी ल़ेह पेहकेनया़गी गोबाला मासीन, ‘ल़ेहमीया़ला क़े क्‍याहप्‍ती खुङया़गी ल़ेह पेहक्‍योगी ले़गा तेर। ले़गा तेर्केमु थाम्‍ज्‍यी म़ेदी तिङले ओहङगेनया़ यिहन्‍ज्‍यु गो़ छ़ूदी तिङले च्‍यी़राङ थाम्‍ज्‍यी म़ेदी तोहङले ओहङगेया़ला तेर।’


ओहले छ्युक्‍पु मिहगी ओ़ह गोबाला क़े क्‍याहप्‍ती टी़हसीन, ‘ङाहगी ख्‍येगी तेहन्‍दाला च्‍यि थे़गेनराङ येहबा? ख्‍येगी थाम्‍ज्‍यीराङ चिदुङ ङाहला चि क्‍याहप स्‍यो! ता़ह यिहन्‍ज्‍यो ख्‍ये गोबा ओहङ मी़हखुएँ।’


Swiv nou:

Piblisite


Piblisite