लूका 15:15 - ह्योल्‍मो

¹⁵ ओहले खो ओ़ह क्‍याहल-खापगी मिह च्‍यी़साला ल़ेह छोल काहल्‍सीन। ओ़ह मिहगी खोला पाङगाया़ला फा़या़ छोएँगी ल़ेह तेर्सीन।

लूका 15:15 Referans Kwoze

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

रोमी 6:22

यिहॱनाङ ता़ह ख्‍याया़ तिहक्‍पालेगी टोहल्‍दी किन्‍ज्‍योकी योक्‍पु काहल्‍दी येह, ओहले ख्‍याया़गी ज्‍योर्केन ख्‍येप्‍साङती नाम्‍पार-ताहक्‍पा यिहम्‍बा। ओहले दिगी ख्‍याया़ला नाहमॱआङ स्‍यिज्‍ये म़ेहबागी मिहली ज़ाङबुला क्‍याल्‍गे।

लूका 15:13

“ङ्यिहमा तोबा तिङले पुह च्‍युङागी राहङ ङ्याम्‍बु येहकेन्‍गी थाम्‍ज्‍यीराङ फास्‍यी ख्‍येर्ती लेहमेन लुहङबाला काहल्‍सीन। ओहले ओ़हला खोगी सेमला ने़जेबा काहने थेते पेहती राहङ ङ्याम्‍बु येहकेन्‍गी क्‍युह रेबेॱराङ क्‍युर्सीन।

मत्ती 7:6

“नाम्‍पार-ताहक्‍पा से़हया़ क्‍यिबुया़ला माहतेर। राहङगी मोतीया़ फा़या़गी दिनला माहक्‍युर, मिहन्‍सीमानानी खो राहङगी काङबागी ओ़ह से़हया़ला नेम्‍ज्‍ये येह ओहले फिर्च्‍या ल्‍होक लो़हदी ख्‍याया़ थो़ला च्‍योम ओहङज्‍ये येह।”

लूका 15:14

ओहले खोगी क्‍युह चो़ह फान्‍ज्‍यो ओ़ह लुहङबाला मुहयी क्‍याहप्‍सीन ओहले खो ज्‍यिबुराङ तुहक्‍पु ङ्युहङसीन।

लूका 15:16

ओहले खो फा़गी साहएँ से़हया़ से़हदी राहङगी टेहपा सोएँ सेम्‍बा पेहको येहकें। यिहॱनाङ सुगीॱआङ खोला साएँ स़ेह माहतेर।”