लूका 15:12 - ह्योल्‍मो

¹² ओहले पुह च्‍युङागी आबाला मासीन, ‘आबा, ङाहगी ज्‍योर कोहएँगी फास्‍यी ङाहला के़ह लाङ।’ ओहले आबागी राहङगी क्‍युह पुह पिन ङ्यी़लाराङ के़ह तेर्सीन।”

लूका 15:12 Referans Kwoze

मर्कूस 12:44

च्‍यिबेमाना लेहमेन मिहया़गी नि राहङला बोल्‍बु येहकेन टाङगालेगी सिपाज्‍यी च्‍यी़राङ फुल्‍सीन, यिहॱनाङ दि पी़हमीगी नि राहङ प्राङबु येहतीॱआङ राहङगी टेहपा सोज्‍येला ङ्ये़हदी साह कोहएँगी टाङगा थाम्‍ज्‍यीराङ फुल्‍सीन” म़ेदी येशूगी सुङ नाङसीन।

लूका 15:30

“‘ओहले राहङगी क्‍युह थाम्‍ज्‍यीराङ बान्‍डानीया़ ङ्याम्‍बु सिहन्‍दा च्‍येती ओहङग्‍यो पुह ओहङगेमुदी राहङगी दि से़दी ज़्‍या़क्‍योगी छोम्‍बु पिहउ पी़हरु खोगी तेहन्‍दाला सेत्‍ती डेन क्‍याहप्‍नाङसीन।’

लूका 15:11

ओहले येहपाराङ येशूगी दि पे सुङ नाङसीन, “मिह च्‍यी़दी पुह पिन ङ्यी़ येह।

लूका 15:13

“ङ्यिहमा तोबा तिङले पुह च्‍युङागी राहङ ङ्याम्‍बु येहकेन्‍गी थाम्‍ज्‍यीराङ फास्‍यी ख्‍येर्ती लेहमेन लुहङबाला काहल्‍सीन। ओहले ओ़हला खोगी सेमला ने़जेबा काहने थेते पेहती राहङ ङ्याम्‍बु येहकेन्‍गी क्‍युह रेबेॱराङ क्‍युर्सीन।