लूका 14:3 - ह्योल्‍मो

³ ओहले येशूगी छ्य़े-ठिमकी लोबेन दाङ फरिसीया़ला, “थाङ सोएँगी ङ्यिहमाला नेहपाला टा़ह च्‍य़ूज्‍ये ओहङगे म़ेदी छ्य़े-ठिमला प्रुहक्‍यो येहबानी म़ेहबा?” म़ेदी टी़ह नाङसीन।

लूका 14:3 Referans Kwoze

मत्ती 12:10

ओ़हला लाहक्‍पा काम्‍ग्‍यो मेहन्‍दा च्‍यी़ येहकें। ओहले फरिसीया़गी येशूला ङ्य़ेहबा काल्‍ज्‍ये म़ेदी साम्‍लु ताङसीन ओहले खुङगी येशूला, “थाङ सोएँ ङ्यिहमाला नेहपाला टा़ह च्‍य़ूज्‍ये ओहङगे नि मेहयोहङगे?” म़ेदी टी़हसीन।

लूका 6:9

ओहले येशूगी जोम्‍ग्‍यो मिहया़ला, “ङाहगी ख्‍याला टी़हएँ, छ्य़े-ठिमला थाङ सोएँ ङ्यिहमाला च्‍यि पेहतोङ म़ेदी प्री़हदी येहबा? ल़ेह या़हबु पेहतोङ नि चोक्‍पा पेहतोङ? मिहला थार च्‍य़ूदोङ नि स्‍यि च्‍य़ूदोङ?” म़ेदी टी़ह नाङसीन।

मर्कूस 3:4

ओहले येशूगी ओ़हला जोम्‍ग्‍यो मिहया़ला टी़ह नाङसीन, “थाङ सोएँ ङ्यिहमाला ल़ेह या़हबु पेह कोहएँनी चोक्‍पा पेह कोहएँ? थार च्‍य़ू कोहएँनी स्‍यि च्‍य़ू कोहएँ यिहम्‍बा?” ओहजेला सुगीॱआङ ल़ेहन माहक्‍याहप।

यूहन्‍ना 7:23

मोशाकी छ्य़े-ठिम माहगोम्‍ज्‍यु म़ेदी ख्‍यागी सुज्‍यी पेहजा च्‍यी़ला थाङ सोएँ ङ्यिहमाला स्‍या-ताक पेह तेर्के माना, ङाहगी मेहन्‍दा च्‍यी़ला थाङ सोएँ ङ्यिहमाला खोदी नाहजा थाम्‍ज्‍यीराङ टा़ह च्‍य़ूसीन म़ेदी च्‍यिबे ख्‍या ङाह ङ्याम्‍बु स्‍यिहताङ पेहकें?

मत्ती 22:35

खुङया़ नाहङगी छ्य़ेगी खेम्‍बु च्‍यी़गी येशूला खोक्‍पा कोर्ती स्‍युहसीन,

मत्ती 12:2

दि थोङदी फरिसीया़गी येशूला, “ज़ी़-नाङदोङ, राहङगी स्‍याहप्‍च्‍यीया़गी थाङ सोएँ ङ्यिहमाला छ्य़े-ठिमगी पेहच्‍ये मेहयोहङगे म़ेदी माक्‍योगी ल़ेहॱआङ पेह तेहकु दु” म़ेदी मासीन।

लूका 14:2

काङबा लाहक्‍पा टाङग्‍यो मेहन्‍दा च्‍यी़ येशूगी दिनला तेहती येहकें।

लूका 14:4

ओहजेला खुङगी च्‍यिॱआङ ल़ेहन माहक्‍याहप। ओहले येशूगी ओ़ह नेहपाला दे़दी टा़ह च्‍य़ू नाङसीन ओहले खाङबाला लो़ ताङसीन।