लूका 14:11 - ह्योल्‍मो

¹¹ च्‍यिबे मासीमाना, राहङगी राहङला छ्यिम्‍बु ज़ोएँदी फेमा ओहङज्‍ये येह, ओहले राहङगी राहङला फेमा ज़ोएँदी छ्यिम्‍बु डोज्‍ये येह।”

लूका 14:11 Referans Kwoze

लूका 18:14

ङाहगी ख्‍याला माएँ, ओ़ह फरिसी म़ेदी ठाल तुहएँ मिहती किन्‍ज्‍योगी ज़ी़लुला या़हबु थेन्‍सीन ओहले खो खाङबाला लो़ह काहल्‍सीन। च्‍यिबेमाना सुगी राहङगी राहङला छ्यिम्‍बु ज़ोज्‍ये छोल्‍गे खो फेमा ओहङज्‍ये येह ओहले सुगी राहङला फेमा ज़ोएँ खो छ्यिम्‍बु ओहङज्‍ये येह।”

मत्ती 23:12

का़हन्‍दीगी राहङला छ्यिम्‍बु ज़ोएँ, ओ़हदीला किन्‍ज्‍योगी फेमा ज़ो नाङज्‍ये येह ओहले का़हन्‍दीगी राहङला फेमा ज़ोएँ ओ़हदीला किन्‍ज्‍योगी छ्यिम्‍बु ज़ो नाङज्‍ये येह।”

याकूब 4:6

यिहॱनाङ मिहरोगी जे नाङग्‍योकी काटीन जेन छ्यिम्‍बु येहबा। ओ़ह सोङबे नाम्‍पार-ताहक्‍पा सुङरापला दि ल़ेहमु प्री़हदी येहबा, “छ्य़ेन्‍दो तेन्‍गे मिहया़ला किन्‍ज्‍योगी टाह जे नाङगे, यिहॱनाङ ङ्येम्‍ज्‍युङ पेहकेनया़ला थुज्‍यी ज़ी़ नाङगे।”

१ पत्रुस 5:5

ओ़ह ल़ेहमुराङ पेहती स्‍यारा स्‍यार्माया़, राहङ म़ेदी छ्यिम्‍बु मिहया़गी ओङ चो़ला तेहतोङ। ख्‍या मिह थाम्‍ज्‍यी ङ्याम्‍बु स्‍यिहवा पेहती च्‍यी़गी च्‍यी़ला रो़हराम पेहतोङ। च्‍यिबेमाना छ्य़ेला दि ल़ेहमु सुङ नाङदी येह, “किन्‍ज्‍योगी छ्य़ेन्‍दो तेन्‍गे मिहया़ला टाह जे नाङगे, यिहॱनाङ स्‍यिहवा पेहकें मिहया़ला काटीन नाङगे।”

याकूब 4:10

चो़वोगी दिनला ख्‍या राहङगी राहङला ङ्येम्‍ज्‍युङ जे़दोङ ओहले मिहरोगी ख्‍याला याहर क्‍या़ नाङज्‍ये येह।

लूका 1:51

ता़ह किन्‍ज्‍योगी राहङगी वाङज्‍या छ्यिम्‍बु छ्या़गी, सेमला छ्य़ेन्‍दो तेन्‍गे मिहया़ला फेतोर कोहतोर जे-नाङदी येह।

लूका 1:52

किन्‍ज्‍योगी छ्य़ेन्‍दो तेन्‍गे क्‍याहल्‍बुया़ला खुङया़गी ॱठिलेगी पाप नाङदी येह, ओहले ङ्येम्‍ज्‍युङ पेहकेनया़लादी याहर याहर क्‍या़ नाङदी येह।

लूका 14:12

ओहले येशूगी राहङला फेप स्‍युहएँगी च्‍यिहन्‍दाला सुङ नाङसीन, “डेन साहज्‍येला डोम्‍बो क़े क्‍याहप्‍सीमाना राहङगी रो़हया़, आदा-नो़ह, ङ्येन्‍जेन-ङ्येहवा दाङ टोहङरो छ्युक्‍पुया़ला क़े माहक्‍याहप, खुङगी क्‍यिम्‍बा च्‍याल्‍ज्‍येला ख्‍येॱलाङ क़े क्‍याहप्‍च्‍ये येह।

याकूब 1:9

प्राङबु यिह छ्य़ेबा आदा-नो़ह दाङ आज्‍यी-नुहमुया़, किन्‍ज्‍योगी ख्‍याला याहर क्‍या़ नाङगेमु ख्‍या सेम काहसो पेहतोङ।

१ पत्रुस 5:6

ओ़ह सोङबे किन्‍ज्‍योगी ओङज्‍या छ्यिम्‍बु छ्या़ चो़ला राहङला स्‍यिहवा पेहसीनमाना किन्‍ज्‍योगी राहङगी ती़हजीला ख्‍याया़ला याहर याहर क्‍या़ नाङज्‍ये येह।