लूका 13:29 - ह्योल्‍मो

²⁹ ओहजे काहङला स्‍यार, नुहप, च्‍याहङ, ल्‍हो छ्यो़ ज़्‍यिलेराङ मिहया़ ओहङदी किन्‍ज्‍योगी क्‍याहल्‍सीला खाम्‍साङबु पेहती डेन साहज्‍ये येह।

लूका 13:29 Referans Kwoze

ल़ेह-पेन 28:28

ओहले पावलगी ताम था़ च्‍येती मासीन, “ओ़ह सुङगोराङ ता़ह ङाह राहङ फे़बेया़ला माएँ, किन्‍ज्‍योगी थार्पागी या़हबु लेहङगु मिहरोगी लेहमेन क्‍यिहपाया़ साला ताङ नाङदी येह ओहले खुङया़गी ङ्यिहन्‍ज्‍ये येह।”

कलस्‍सी 1:23

तेहम्‍बाराङ ख्‍याया़ राहङगी तेहपाला सान्‍दी दाङ थिक-चि पेहती तेहतोङ। ख्‍याया़गी रेहवा पेहक्‍यो या़हबु लेहङगुला क्‍युरॱराङ माहक्‍युर। दि या़हबु लेहङगुॱराङ थाम्‍ज्‍यी लुहङबाकी मिहया़ला प्रा साल्‍दी येह। दि या़हबु लेहङगु स्‍येच्‍येलाॱराङ ङाह पावल योक्‍पु काहल्‍सीन।

मर्कूस 13:27

ओहले किन्‍ज्‍योगी स्‍यिहङगामकी स्‍याहप्‍च्‍यीया़ला जाम्‍बुलीङ दाङ नामदी छ्यो़ ज़्‍यिगालेराङ ताङ नाङज्‍ये येह ओहले खुङया़गी किन्‍ज्‍योगी दाम नाङग्‍यो मिहया़ला रूदी ख्‍योङज्‍ये येह।”

मत्ती 8:11

ङाह ख्‍येला माएँ, स्‍यार दाङ नुहपलेगी लेहमेन क्‍यिहपागी मिहया़ माहङबुराङ ओहङज्‍ये येह ओहले अब्राहाम, इसहाक, दाङ याकूब ङ्याम्‍बु स्‍यिहङगामकी क्‍याहल्‍सीकी डेन साहज्‍येला तेहच्‍ये येह।

कलस्‍सी 1:6

दि या़हबु लेहङगु ख्‍या सालाॱआङ ओहङदी येह, ओहले तेहम्‍बाराङ मिहया़ला मेलाम ख्‍योङगेराङ जाम्‍बुलीङ काहङ्येॱराङ टाहम्‍दी डोॱराङ येहबा। ख्‍यागी किन्‍ज्‍योकी काटीनकी तेहन्‍दाला तेहन्‍दामकी ताम थे़क्‍यो दाङ ङोह स्‍य़ेक्‍यो ङ्यिहमा यिहन्‍ज्‍यु ता़ह या़हबु लेहङगुगी ख्‍याया़गी पाहरक्‍यीलाॱआङ ओ़हठीॱराङ पेहती छ्या़ले जे नाङगेराङ येहबा,

लूका 13:30

यिहॱनाङ नाहरे तिङला येहकेनया़ तोहङला ओहङज्‍ये येह ओहले नाहरे तोहङला येहकेनया़ तिङला ओहङज्‍ये येह।”