लूका 13:25 - ह्योल्‍मो

²⁵ ओ़ह ती़हजीला खाङबा ताहक्‍पु लाहङदी कोह क्‍याहप्‍च्‍ये येह ओहले ख्‍याया़गी फिले कोह तुहङदी माज्‍ये येह, ‘कोह खा फे़ नाङदोङ।’ ओहजेला खाङबा ताहक्‍पुगी माज्‍ये येह, ‘ख्‍या सु यिहम्‍बा ओहले का़ह ग्‍या़ले ओहङग्‍यो? ङाहगी ङोह मे़हस्‍येएँ!’

लूका 13:25 Referans Kwoze

लूका 13:27

ओहजेला खाङबा ताहक्‍पुगी, ‘ए ल़ेह ङ्येहम्‍बा पेहकेनया़, ख्‍या सु यिहम्‍बा, ख्‍या का़हले ओहङबा ङाहगीनी ङोह मे़हस्‍येएँ। देलेगी थेन्‍दी सोङ!’ म़ेदी माज्‍ये येह।

लूका 6:46

“ङाहगी माक्‍यो ल़ेहमुराङ मेहबेसीमाना ख्‍यागी ङाहला च्‍यिबे ‘चो़वो छ्येवा, चो़वो छ्येवा’ म़े तेहकें?

मत्ती 25:41

“ओ़ह तिङले खोगी राहङगी योमा ङो़ले तेहक्‍यो मिहया़ला दि ल़ेहमु सुङ नाङज्‍ये येह, ‘ए किन्‍ज्‍योगी मे़मु सू़हक्‍यो मिहया़, देलेगी ग्‍यो़बाराङ थेन्‍दी सोङ! ती़ह गो-छ्येवा दाङ खोगी स्‍याहप्‍च्‍यीया़गी तेहन्‍दाला ठाबे पेह ज़्‍या़क्‍यो नाहमॱआङ मिहस्‍यीएँगी मेहला सोङ!

हिब्रू 12:17

ख्‍याया़ला क्‍यी़हराङ येह, तिङले खोगी राहङ आबा लाहमले मेलाम सेहच्‍ये छोल्‍सीन यिहॱनाङ खोगी माहन्‍ज्‍योर। खो राहङगी चोङग्‍योगी थोप-थाङ ङी़हदीमाॱराङ लो़दी लेहन्‍ज्‍ये छोल्‍गेमु ओ़ह खोगी माहन्‍ज्‍योर।

२ कोरिन्‍थी 6:2

च्‍यिबेमाना किन्‍ज्‍योगी सुङ नाङगे, “ठाबे ती़हजीला ङाहगी ख्‍येती क़ेला थ़ेसीन, ओहले थार्पाकी ङ्यिहमाला ङाहगी ख्‍येला रो़हराम पेहसीन।” त़ेदोङ, ठाबे ती़हजीनी नाहरे यिहम्‍बा, थार्पागी ङ्यिहमाॱआङ नाहरेराङ यिहम्‍बा।

लूका 3:8

ख्‍याया़गी तेहम्‍बाराङ राहङ-राहङगी तिहक्‍पाया़ स्‍या़बा डुप्‍ती राहङगी सेम किन्‍ज्‍यो ङो़ले लो़हक्‍यो यिहन्‍सीमाना ओ़हला ते़बे डोलु-तेहलु या़हबु पेहतोङ। यिहॱनाङ ‘ङ्यिहनी अब्राहामगी छार्क्‍यीन यिहम्‍बा’ म़ेदी ख्‍याया़ थार ख़ूएँ म़ेदी नोम्‍साङ माहताङ। ङाह ख्‍याला माएँ, किन्‍ज्‍योगी अब्राहामकी छार्क्‍यीनला दि तोहया़लेगीॱआङ ठुङ च्‍य़ू थुप्‍कें।