लूका 13:24 - ह्योल्‍मो

²⁴ ओहले येशूगी सुङ नाङसीन, “स्‍याहङ फेमागी कोह लाहमले नाहङला स्‍य़ूहज्‍येला निङरु पेहतोङ। ङाहगी ख्‍याला माएँ, मिह माहङबुराङ ओ़ह स्‍याहङ फेमागी कोह लाहमले नाहङला स्‍य़ूहज्‍ये छोल्‍ज्‍ये येह, यिहॱनाङ स्‍य़ूह ख़ूज्‍ये म़ेह।

लूका 13:24 Referans Kwoze

२ पत्रुस 1:10

ओ़ह सोङबे आदा-नो़ह दाङ आज्‍यी-नुहमुया़, किन्‍ज्‍योगी ख्‍याया़ला क़े क्‍याहप नाङग्‍यो दाङ दाम नाङग्‍यो केच्‍याला थिउ-निउ पेहच्‍ये छोल्‍दोङ। ख्‍याया़गी दि ल़ेहमु पेहसीनमाना ख्‍या नाहमॱआङ रिहल्‍ज्‍ये म़ेह।

हिब्रू 4:11

ओ़ह सोङबे ओ़ह थाङ सोएँ ग्‍या़ला स्‍य़ूहज्‍येला ला़ खाजेबा स्‍युक पेहतोङ। ओहराङ सुज्‍यीॱआङ किन्‍ज्‍योकी का मा़हचीबा सोङबे तोङदी माहन्‍डोज्‍यु।

लूका 21:36

ओ़ह सोङबे जेम्‍बु पेहती तेहतोङ, दि ज्‍यिक्‍पा थाम्‍ज्‍यी ङो़ले थार्ते ख्‍या मिहगी स़ेबुगी दिनला मा़हन्‍ज्‍यीबा पेहती लाहङ ख़ूज्‍यु म़ेदी नाहम-माना किन्‍ज्‍योला सोल्‍वाङ ताप्‍ती तेहतोङ!” म़ेदी येशूगी सुङ ख्‍येप्‍टा नाङसीन।

यूहन्‍ना 6:27

तोङदी डोएँगी खुराकी तेहन्‍दाला तुहक्‍पु माहबे, यिहॱनाङ था़ म़ेहबा मिहली ज़ाङबु तेर्केन खुराकी तेहन्‍दाला तुहक्‍पु पेहतोङ, ओ़ह ख्‍याया़ला मिहगी स़ेबुगी नाङज्‍ये येह। च्‍यिबेमाना किन्‍ज्‍यो याहपगी स़ेबु थो़ला राहङदी पार क्‍याहप नाङदी येह।”

रोमी 10:3

च्‍यिबेमाना किन्‍ज्‍यो लाहमले ओहङगेन टाहङदेनकी तेहन्‍दाला ङोह मा़हस्‍येबा पेहती खुङया़गी राहङदीराङ टाहङदेनकी छ्याप्‍स्‍यीया़ पेहच्‍ये छोल्‍गेमु खुङ किन्‍ज्‍योकी टाहङदेनकी ओङलेगी फिला काहल्‍सीन।

कलस्‍सी 1:29

मास्‍यीकागी नाङग्‍यो ङाह नाहङला छ्या़ले जे नाङगे वाङज्‍या छ्यिम्‍बुगीॱराङ ङाह सेम तिहङ यिहन्‍ज्‍युराङ कादुप च्‍येती दि ल़ेह पेहकें।

यूहन्‍ना 7:34

ओहजेला ख्‍याया़गी ङाहला छोल्‍ज्‍ये येह, यिहॱनाङ ख्‍याया़गी ङाहला च्‍य़ेह सिहन्‍ज्‍ये म़ेह ओहले ङाह डोएँगी ग्‍या़ला ख्‍याया़ ओहङ मी़हखु।”

यूहन्‍ना 8:21

येशूगी खुङया़ला येहपाराङ सुङ नाङसीन, “ङाह दि ग्‍या़ले डोज्‍ये येह, ओहले ख्‍याया़गी ङाहला छोल्‍ज्‍ये येह, यिहॱनाङ ख्‍याया़ राहङगी तिहक्‍पाला स्‍यिज्‍ये येह। ङाह डोएँगी ग्‍या़ला, ख्‍याया़ ओहङ मी़हखु।”

मत्ती 11:12

बप्‍तिस्‍मा तेर्केन यूहन्‍नागी ती़हजी यिहन्‍ज्‍यु नाहरे थु किन्‍ज्‍योगी क्‍याहल्‍सी स्‍युक छ्यिम्‍बु पेहती तोहङला डोॱराङ येहबा, ओहले टाह पेहकेनया़गीदी ओ़ह थो़ला उर्चु पेहती क्‍याहल्‍ज्‍ये छोल्‍गेराङ येहबा।

यूहन्‍ना 13:33

ए ङाहगी पेहजाया़, ता़हनी ङाह ख्‍या ङ्याम्‍बु ङ्यिहमा तोबा थु च्‍यी़राङ लिहच्‍ये येह। ख्‍याया़गी ङाहला छोल्‍ज्‍ये येह, ओहले ङाहगी यहूदी गोबाया़ला माक्‍यो ल़ेहमुराङ ख्‍याया़ॱलाङ माएँ ‘ङाह का़हला डोॱराङ येहबा, ओ़हला ख्‍याया़ ओहङ ख़ूज्‍ये म़ेह।’

लूका 13:23

ओहले मिह च्‍यी़ ओहङदी येशूला स्‍युहसीन, “चो़वो, मिह ङ्ये़हमु च्‍यी़गीराङ थार्पा थोप्‍कें यिहम्‍बा लाह?”

यूहन्‍ना 5:4

च्‍यिबे मासीमाना, नाहम-नाहम चो़वोगी स्‍याहप्‍च्‍यी च्‍यी़ माहर फेप्‍ती कोल्‍मुगी छ्यु युङ नाङगो येहकें। ओहले छ्यु युहङ फान्‍ज्‍यो तोहङस्‍यो छ्यु नाहङला स्‍य़ूहगेन नेहपादी काहन्‍डुमु नाहजा क्‍याहप्‍क्‍यो येहॱनाङ टा़हउ येहकें।]