लूका 13:15 - ह्योल्‍मो

¹⁵ ओहजेला येशूगी सुङ नाङसीन, “ए पेहचीन तेन्‍गे मिहया़, थाङ सोएँ ङ्यिहमाला कोहरेला ता़ ज़्‍या़क्‍योगी पाहलाङ, लाङगो क्‍यिनी पुहङगुला ताङदे छ्यु तेर्च्‍येला मेहख्‍येर्कें ले?

लूका 13:15 Referans Kwoze

लूका 14:5

ओ़ह तिङला येशूगी खुङया़ला सुङ नाङसीन, “थाङ सोएँ ङ्यिहमाला ख्‍याया़ सुज्‍यीदीॱआङ पुह-पोहमो, लाङगो दाङ पाहलाङया़ तिहङ रिहङबु छ्यु-कोल्‍मुला छ्यिसीमाना ख्‍यागी ग्‍यो़बाराङ मेहतेन्‍गे ले?”

मत्ती 23:28

ओ़ह ल़ेहमुराङ पेहती फिले ताएँमु ख्‍याया़ मिहया़गी दिनला टाहङबु ल़ेहमुराङ थोङगे, यिहॱनाङ नाहङलादी यिहन्‍दो तेन्‍गे दाङ तिहक्‍पागी काहङग्‍यो ओहङगे।”

लूका 12:1

मिहया़ तोङरा च्‍यी़ म़ेदीॱआङ माहङबु जोम्‍ग्‍यो सोङबे च्‍यी़गी च्‍यी़ला च्‍येप्‍ती-च्‍येप्‍ती ओहङसीन। ओ़ह ती़हजीला येशूगी तोहङले राहङगी स्‍याहप्‍च्‍यीया़ला सुङ नाङसीन, “ख्‍याया़ फरिसीया़गी खमिर ङो़ले जेम्‍दी तेहतोङ! दि माएँगी तेहन्‍दादी, पेहचीन तेन्‍गे फरिसीया़ ङ्याम्‍बु ख्‍या जेम्‍दी तेहतोङ म़ेदी माज्‍ये छोल्‍ग्‍यो यिहम्‍बा।

लूका 6:42

राहङगी मी़ला गाल्‍बा स्‍य़ूहक्‍यो माहथोङ फान्‍ज्‍योनी ख्‍येगी नो़हला, ‘केरे, केरे, ख्‍येगी मी़ला स्‍य़ूहक्‍योगी जेम तेन्‍ज्‍ये!’ म़ेदी काहन्‍डुमु पेहती मा ख़ूएँ? ए ज्‍याप्‍ला तेन्‍गेनया़! तोहङले राहङगी मी़ला स्‍य़ूहक्‍योगी गाल्‍बा तेन्‍दोङ, ओहले ख्‍येगी नो़हगी मी़ला स्‍य़ूहक्‍योगी जेम तेन तेर्च्‍येला साल्‍बु थोङगे!” सुङदी येशूगी सुङ ख्‍येप्‍टा नाङसीन।

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

मत्ती 15:14

खुङया़ला च्‍योल्‍दो माहतेन, खुङया़नी मी़ मेहथोङगेन गोबाया़ यिहम्‍बा। मी़ मेहथोङगेन मिहगी राहङसा मी़ मेहथोङगेन मिहला ठिसीमानानी, ङ्यिकाराङ ओमला छ्यिकें।”

मत्ती 15:7

ए यिहन्‍दो तेन्‍गेनया़! यशैया लुहङतेम्‍बागी सुङ नाङग्‍योकी दि स्‍याहल ख्‍याया़ ङ्याम्‍बु ठाबे डी़गे–

मत्ती 7:5

ए यिहन्‍दो तेन्‍गेया़! तोहङले राहङगी मी़ला स्‍य़ूहक्‍योगी स्‍यिङ गोन्‍दोङ तेन्‍दोङ ओहले गा नो़हगी मी़ला स्‍य़ूहक्‍योगी ङ्योहक्‍तोङ तेन तेर्च्‍येला साल्‍बु थोङगे।”

लूका 7:13

ओहले ओ़ह ह्‍युग्‍मोगी क्‍यिदु ज़ी़दी चो़वो छ्येवा येशूगी थु ङ्युङदी ओहङसीन, ओहले येशूगी, “ख्‍ये माहङुह” म़ेदी सुङ नाङसीन।

लूका 7:19

चो़वो येशूसाला दि ताम टी़हज्‍येला ताङसीन, “ङ्यिहगी कू़हदे तेहक्‍यो थार्पा नाङगेन्‍दी राहङराङ यिहम्‍बा नि लेहमेनला कू़हदे तेह कोहएँ?”