लूका 12:47 - ह्योल्‍मो

⁴⁷ “ताहक्‍पुगी सेम ङोह स्‍य़ेदीॱआङ पेह कोहएँगी ल़ेह मेहबेगे योक्‍पुया़ला ताहक्‍पुगी ङ्य़ेहबा छ्यिम्‍बु काल्‍ज्‍ये येह।”

लूका 12:47 Referans Kwoze

याकूब 4:17

ओ़ह सोङबे या़हबु ल़ेह पेह कोहएँ म़ेदी ङोह स्‍य़ेदी स्‍य़ेदीॱआङ का़हन्‍दीगी मेहबेकें खोला तिहक्‍पा फो़गे।

यूहन्‍ना 9:41

ओहले येशूगी खुङया़ला सुङ नाङसीन, “ख्‍या तेहम्‍बाराङ स्‍याहर्ना काहल्‍ग्‍यो यिहम्‍बा यिहनानी ख्‍याला तिहक्‍पागी ङ्य़ेहबा फो़ज्‍ये म़ेहबा येहकें यिहॱनाङ ख्‍याया़गी ‘ङ्यिहगीनी थोङगे’ म़ेदी माएँ, ओ़ह सोङबे ख्‍याला तिहक्‍पा येहॱराङ येहबा।”

यूहन्‍ना 12:48

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।

ल़ेह-पेन 17:30

काहल्‍ग्‍योगी ती़हजीला मिहया़गी क्‍यी़ह म़ेहबा पेहती पेहक्‍योगी ल़ेहया़ला किन्‍ज्‍योगी च्‍योल्‍दो जे माहनाङ। यिहॱनाङ ता़ह किन्‍ज्‍योगी थाम्‍ज्‍यीराङ मिहया़ला राहङ-राहङगी तिहक्‍पाया़ पाङज्‍यु म़ेदी का नाङदी येह।

यूहन्‍ना 19:11

ओहले येशूगी सुङ नाङसीन, “किन्‍ज्‍योगी याहर यिहन्‍ज्‍यु माहनाङबा यिहनानी राहङदी ङाह थो़ला च्‍यिॱआङ ओङ मेहयोङज्‍ये येहकें। ओ़ह सोङबे ङाहला राहङगी छ्या़ला चि क्‍याहप्‍केन्‍दीला तोहरोङ माहङबु तिहक्‍पाकी फातुर फो़ज्‍ये येह।”

लूका 12:41

ओहजेला पत्रुसगी येशूला दि ल़ेहमु म़ेदी स्‍युहसीन, “चो़वो, राहङगी दि स्‍याहलया़ ङ्यिह च्‍यी़लाॱराङ सुङ नाङग्‍यो यिहम्‍बानी मिह थाम्‍ज्‍यीलाराङ सुङ नाङग्‍यो यिहम्‍बा?”

लूका 12:46

ओ़ह डु गोबागी ताहक्‍पु मेहयोहङगे म़ेदी ने़क्‍यो ङ्यिहमा दाङ ती़हजीलाराङ खोगी ताहक्‍पु फोक थेन ओहङज्‍ये येह, ओहले खोला ङ्य़ेहबा काल्‍ज्‍ये येह, ओ़ह ल़ेहमुराङ पेहती यिह-छ्य़े मेहबेगे मिहया़गी च्‍याहवा ओ़ह ल़ेहमुराङ ओहङज्‍ये येह।”