लूका 12:42 - ह्योल्‍मो

⁴² ओहले येशूगी सुङ नाङसीन, “यिह-छ्य़ेबु दाङ रिहक्‍स्‍यी छ्यिम्‍बु येहकेन्‍गी डु गोबा काहन्‍डुमु मिह यिहन्‍डो? खोला ताहक्‍पुगी राहङ खाङबा मे़हमेया़ला ठाबे ती़हजीला खुङया़गी बोला थोप्‍केन्‍गी साहप्‍च्‍या क्‍य़ेज्‍येला कुलज्‍ये येह।

लूका 12:42 Referans Kwoze

हिब्रू 13:17

ख्‍या गोबाया़गी माक्‍योगी ताम ङ्यिहन्‍दोङ। ओहले खुङगी ओङ चो़ला तेहतोङ। च्‍यिबेमाना चिदुङ तेर कोहएँ माएँ ताम ङोह स्‍य़ेदीॱराङ खुङया़गी ख्‍याती नाम्‍स्‍यीदी कुहर्ची पेहकें। दि ल़ेह खुङया़गी सेम काहसो पेहती पेहच्‍यु। तुहक्‍पु ने़दी मिहम्‍बा, मिहन्‍सीमाना ओहलेगी ख्‍याया़ला च्‍यिॱआङ खेप्‍साङ मेहयोहङगे।

हिब्रू 13:7

ख्‍याया़ला तोहङस्‍यो किन्‍ज्‍योकी लुहङ तेर्के लोबेनया़ला टेहम्‍बा साल्‍दोङ। खुङया़गी राहङगी मिहलीला पेहक्‍योगी या़हबु ल़ेहया़की तेहन्‍दाला ख्‍यागी नोम्‍साङ ताङदोङ ओहले खुङगी यिह-छ्य़े पेहक्‍यो ल़ेहमुराङ ख्‍याया़गीॱआङ पेहतोङ।

२ तिमोथी 4:2

ङाह ख्‍येला किन्‍ज्‍योगी या़हबु लेहङगु स्‍येच्‍येला का तेर्केॱराङ येहबा। ती़हजी या़हबु येहॱनाङ मे़हॱनाङ या़हबु लेहङगु स्‍येच्‍ये माहक्‍युर। खुङया़ला लोप्‍ताम क्‍याहप्‍तोङ, बार्ता लाङदोङ, आ़र क्‍ये च्‍य़ूदोङ ओहले ना़स्‍यीङ छ्यिम्‍बु दाङ लुहङ तेर्केन्‍गी तामया़ला ख्‍ये मा-फाम्‍बु माहबे।

१ तिमोथी 5:17

ज्‍यिबुराङ तुहक्‍पु पेहती छेन्‍छोकला ताएँ एल्‍डरया़ला ची़नाङ पेहती खुङगी ज्‍योर कोहकेन्‍गी ले़गा म़ेदीनी माहङबुराङ ज्‍योर कोहएँ, खास पेहतीती किन्‍ज्‍योगी लुहङदेन प्रा साल्‍गे दाङ लोप्‍च्‍येला कादुप च्‍येकें एल्‍डरया़गीनी दि ज्‍योरॱटाङ कोहकें।

१ पत्रुस 4:10

किन्‍ज्‍योगी काटीनला ख्‍या रे़ह-रे़हगी नामे नाजोकी काबापया़ ज़्‍योरक्‍यो येहबा ओ़ह काबाप ख्‍या थाम्‍ज्‍यीगी मिहया़ला रो़हराम पेहच्‍येगी तेहन्‍दाला या़हबु पेहती चाल तिदोङ।

तीतस 1:7

छेन्‍छोककी गोबागी किन्‍ज्‍योकी छ्या़लेया़ ची़ लेहन्‍ग्‍यो ओहङगे। ओ़ह सोङबे खो च्‍यिॱआङ क्‍येन म़ेहबाकी मिह ओहङ कोहकें। ओहले खोगी छ्य़ेन्‍दो तेन्‍ज्‍ये मेहयोहङगे, ग्‍यो़बाराङ स्‍यिहताङ पेहच्‍ये मेहयोहङगे, छ्याङसीवा ओहङज्‍ये मेहयोहङगे, मिहया़ ङ्याम्‍बु ठ़ूस्‍यी सिहङदा पेहच्‍ये मेहयोहङगे ओहले क्‍युहला ह्‍अम्‍बा पेहच्‍ये मेहयोहङगे।

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

मत्ती 20:8

“नाहम स़े फान्‍ज्‍यो कुहन्‍डुमगी स्‍यिहङ ताहक्‍पुगी राहङगी ल़ेह पेहकेनया़गी गोबाला मासीन, ‘ल़ेहमीया़ला क़े क्‍याहप्‍ती खुङया़गी ल़ेह पेहक्‍योगी ले़गा तेर। ले़गा तेर्केमु थाम्‍ज्‍यी म़ेदी तिङले ओहङगेनया़ यिहन्‍ज्‍यु गो़ छ़ूदी तिङले च्‍यी़राङ थाम्‍ज्‍यी म़ेदी तोहङले ओहङगेया़ला तेर।’

हिब्रू 3:5

ता़ह तिङला ओहङगेन्‍गी केच्‍याया़ प्रा साल्‍ज्‍येगी तेहन्‍दाला मोशा किन्‍ज्‍योगी ज़िम्‍गाङला यिह-छ्य़ेबु स्‍याहप्‍तो स्‍युहएँगी मिह येहकें।

१ तिमोथी 3:15

का़हलेॱआङ ङाह ओहङज्‍येला यिहन थो़सीमाना किन्‍ज्‍योगी क्‍याहल्‍सीला ओहराङगी डोलु-तेहलु काह-ठि ओहङ कोहकें माएँ ताम दि यिहगी लाहमले ङोह स्‍ये़दोङ। किन्‍ज्‍योगी क्‍याहल्‍सीदी सोम्‍बो ज़्‍य़ू नाङगेन किन्‍ज्‍योकी छेन्‍छोक यिहम्‍बा। दि किन्‍ज्‍योकी क्‍याहल-खाङ, तेहन्‍दामकी काप्‍स्‍यी दाङ ब्राम यिहम्‍बा।

लूका 7:13

ओहले ओ़ह ह्‍युग्‍मोगी क्‍यिदु ज़ी़दी चो़वो छ्येवा येशूगी थु ङ्युङदी ओहङसीन, ओहले येशूगी, “ख्‍ये माहङुह” म़ेदी सुङ नाङसीन।

मत्ती 13:52

ओहले येशूगी येहपाराङ सुङ नाङसीन, “ता़ह यिहन्‍ज्‍यु किन्‍ज्‍योगी क्‍याहल्‍सीकी तेहन्‍दाला सुङदेन ज़्‍योरक्‍योगी थाम्‍ज्‍यी छ्य़ेकी खेम्‍बुदी खाङबागी ताहक्‍पु च्‍यी़ ल़ेहमुराङ यिहम्‍बा। खाङबा ताहक्‍पुगी राहङगी चाहङलेगी साम्‍बा से़हया़ॱआङ तेन्‍गे, ओहले निङबा से़हया़ॱआङ तेन्‍गे।”

लूका 7:19

चो़वो येशूसाला दि ताम टी़हज्‍येला ताङसीन, “ङ्यिहगी कू़हदे तेहक्‍यो थार्पा नाङगेन्‍दी राहङराङ यिहम्‍बा नि लेहमेनला कू़हदे तेह कोहएँ?”

लूका 12:43

ओहले ताहक्‍पु कोरा क्‍याहप्‍ती लो़ह ओहङगेमु डु गोबाला दि ल़ेहमु ल़ेह पेह तेहक्‍यो च्‍य़ेह सिहन्‍गेमु खो काहजे सोनाम-साक्‍पु ओहङज्‍ये येह।