लूका 12:18 - ह्योल्‍मो

¹⁸ ता़हनी ङाह फेमा-फेमा ज़ेप दाङ चाहङया़ रोम्‍दी छ्यिम्‍बु-छ्यिम्‍बु ज़ोएँ ओहले थाम्‍ज्‍यीराङ डु दाङ पेलाया़ ओ़ह नाहङला ज़्‍या़गेन।

लूका 12:18 Referans Kwoze

याकूब 3:15

दि ल़ेहमु रिहक्‍स्‍यीनी याहर किन्‍ज्‍यो लाहमले ओहङग्‍यो मिहम्‍बा, दिनी जाम्‍बुलीङ दाङ मिह ज़ुबुले ओहले ती़ह गो-छ्येवा लाहमले थेन्‍ग्‍योगी रिहक्‍स्‍यी यिहम्‍बा।

याकूब 4:15

ओ़हगी छापला़नी ख्‍यागी दि ल़ेहमु गा मा कोहज्‍ये येहकें, “का़हलेॱआङ किन्‍ज्‍योगी थुला ठुङदी येहसीनमाना ओहराङ थार्ती तेहकें ओहले दि पेहकें ओ़ह पेहकें।”

लूका 18:6

ओहले चो़वोगी सुङ नाङसीन, “ओ़ह तिहक्‍च्‍येम्‍बा ठिम-पेनगी च्‍यी़ माउ दु या़हबु पेहते ङ्यिहन्‍दोङ।

लूका 12:21

ओहले येशूगी मिहया़ला, “राहङगी तेहन्‍दाला क्‍युह सी़दे ज़्‍या़एँ मिहगी च्‍याहवा ओ़ह रोहवाॱराङ ओहङज्‍ये येह, किन्‍ज्‍योगी ओ़ह रोहवा मिहला छ्युक्‍पु सुङ मेहनाङगे” म़ेदी दि पे था़ च्‍ये नाङसीन।

लूका 18:4

ङ्यिहमा तोबा थु ठिम ताङगेन मिहगी मोहगी तामला नाङदाराङ माहताङ। यिहॱनाङ तोबा तिङले खोगी राहङगी सेम नाहङला मासीन, ‘यिहन्‍ज्‍येनी ङाहला किन्‍ज्‍योगी ज्‍यिक्‍पाॱआङ म़ेह ओहले मिहया़गी च्‍योल्‍दोॱआङ म़ेह!

मत्ती 6:26

नामला हुर्केन च्‍यिहबीया़ला त़ेदोङ, खुङगी नाह सेन ताप्‍के, नाह डु तुहएँ, नाह चाहङला रूगे। यिहॱनाङ, स्‍यिहङगामला ज़्‍य़ू ना़गेन ख्‍याया़गी किन्‍ज्‍यो याहपगी खुङया़ला साहज्‍ये नाङदेराङ येह। च्‍यि ख्‍याया़ ओ़ह च्‍याह-च्‍यिहवाया़ म़ेदीनी ज्‍यिबुराङ चा़ छ्यिम्‍बु मिहम्‍बा ले?

लूका 12:17

ओहले खोगी साम्‍लु ताङदे, ‘दि डुया़ का़हला ज़्‍या़ज्‍ये, ग्‍या़ॱआङ म़ेह, ता़ह च्‍यि पेहच्‍ये?’ म़ेदी साम्‍लु ताङसीन दु।

लूका 12:19

ओहले ङाहगी राहङलाराङ माज्‍ये येह, ‘ए सो! ख्‍ये काहजे सोदी छ्यिम्‍बु दु! ख्‍ये ङ्याम्‍बु लोह दाङ लोह थुप्‍कें क्‍युह येह, क्‍यिपु पेहते सोह, थुङ ओहले ङ्याहम्‍साङ पेह’।”

लूका 12:24

च्‍याहरोया़ला त़ेदोङ, खुङगी नाह च़ूएँ, नाह तेन्‍दो तुहएँ, नाह खुङया़दी ज़ेप दाङ चाहङया़ येहबा। यिहॱनाङ, किन्‍ज्‍योगी खुङला साहज्‍ये नाङदेराङ येहबा। ख्‍याया़नी ओ़ह च्‍याह-च्‍यिहवाया़ म़ेदीॱआङ ज्‍यिबुराङ चा़ छ्यिम्‍बु यिहन!”

याकूब 4:13

“तिहरीङ क्‍यिनी नाहङबारॱराङ ओहराङ क्‍याहसा च्‍यी़ला काहल्‍दे ओ़हला लोह च्‍यिचे छोङ क्‍याहप्‍कें ओहले क्‍युह माहङबु ज़ोएँ” म़ेदी माएँया़गी ङाहगी ताम ङ्यिहन्‍दोङ।