लूका 12:15 - ह्योल्‍मो

¹⁵ ओहले येशूगी ओ़हला जोम्‍ग्‍यो मिहया़ला सुङ नाङसीन, “जेम्‍बु पेहतोङ! ना थाम्‍ज्‍यीगी ह्‍अम्‍बाया़ ङो़ले जेम्‍दे तेहतोङ, च्‍यिबेमाना काहजेराङ क्‍युह येहॱनाङ ओ़हदीगी मिहला तेहन्‍दामकी मिहली मेहतेर्कें।”

लूका 12:15 Referans Kwoze

हिब्रू 13:5

क्‍युह-नोहरकी थो़ला सेम च्‍याङदी माहतेह। राहङ ङ्याम्‍बु च्‍यि येहबा ओ़हदीलाॱराङ सेम काहसो पेहती तेहतोङ। च्‍यिबेमाना किन्‍ज्‍योगी दि ल़ेहमु सुङ नाङदी येह, “ङाह ख्‍याला नाहमॱआङ क्‍युर ज़्‍या़दी डोज्‍ये म़ेह, ङाह ख्‍याला नाहमॱआङ क्‍युर्च्‍ये म़ेह।”

२ तिमोथी 3:2

च्‍यिबेमाना मिहया़ राहङला च्‍यी़राङ निङज्‍यी पेहकें, क्‍युह-नोहरला ह्‍अम्‍बा पेहकें, छ्य़ेन्‍दो तेन्‍गे, राहङ च्‍यी़राङ छ्यिम्‍बु यिहम्‍बा म़ेदी माएँ, किन्‍ज्‍योला स्‍याहम्‍डेन तेन्‍गे, आबा-आमाला ची़नाङ मेहबेकें, गिन म़ेहबा दाङ नाम्‍पार-ताहक्‍पा म़ेहबा

लूका 16:14

दि थाम्‍ज्‍यी ताम थे़दी फरिसीया़गी येशूगी स्‍याहला स्‍ये़हन्‍डील पेहसीन। च्‍यिबे मासीमाना खुङया़ला क्‍युहराङ चा़ छ्यिम्‍बु येहकें।

कलस्‍सी 3:5

ख्‍यागी दि तिहक्‍पा पेहकेन्‍गी सेम्‍बाया़ला सेतोङ पे यिहॱना़: छ्येउ-छ्येंमु, मेहचाङा, छारा ल़ेह पेहकेन्‍गी सेम्‍बा, चोक्‍पा नोम्‍साङ ताङगेन्‍गी तामया़ ओहले ह्‍अम्‍बा पेहकेन्‍दी कुला छ्येपा फुल्‍ग्‍यो यिहम्‍बा।

लूका 8:14

ओहले छेर्मा तोहङबो नाहङला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍ज्‍येनी ङ्यिहन्‍गे, यिहॱनाङ जाम्‍बुलीङगी तुहङाल दाङ क्‍युह-नोहर ओहले ङ्याहम्‍साङ-खाम्‍साङगी पेहती यिह-छ्य़ेला छारॱराङ मी़हच्‍युएँ ओहले खुङ लाहमले च्‍यिॱआङ सेदो मे़हयाहगेन।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

मर्कूस 7:22

ह्‍अम्‍बा पेहकें, ल़ेह ङ्येहम्‍बा पेहकें, ठाक तीएँ, छा़रा डोएँ, ठादो पेहकें, स्‍ये़हन्‍डील पेहकें, छ्य़ेन्‍दो तेन्‍गे ओहले उल्‍दुम्‍बा ल़ेह पेहकें।

१ कोरिन्‍थी 6:10

कुमेन क्‍याहप्‍केनया़, ह्‍अम्‍बा पेहकेनया़, छ्याङसीवाया़, ङ्याप्‍च्‍यु पेहकेनया़ ओहले च्‍याहक्‍पा पेहकेनया़ किन्‍ज्‍योगी क्‍याहल्‍सी नाहङला स्‍य़ूह ङ्युहङज्‍ये म़ेह।

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।

२ पत्रुस 2:14

खुङया़गी मी़ छ्येउ-छ्येंमुकी काहङग्‍यो ओहङगे, ओहले काहजे लाहयो-तिहक्‍पाया़ पेहॱनाङ खुङया़ला मेहन्‍दाङगे। सेम थिला म़ेहबाकी मिहया़ला खुङया़गी छ्यि च्‍य़ूगें। खुङया़की सेमगी ह्‍अम्‍बा पेहच्‍येलाॱराङ बा़नी काहल्‍सीहन्‍ग्‍यो ओहङगे। खुङया़ॱराङ किन्‍ज्‍योकी मे़मु सू़हक्‍यो मिहया़ यिहम्‍बा।

लूका 12:16

ओहले येशूगी दि पे स्‍ये नाङसीन, “मिह छ्युक्‍पु च्‍यी़गी स्‍यिहङला माहङबुराङ तेन्‍दोया़ या़हसीन दु