लूका 12:11 - ह्योल्‍मो

¹¹ “मिहया़गी ख्‍याला ज़ुङदी छो़खाङया़ला, पोम्‍बोया़गी दिनला, ओहले स्‍युहङ-पेन दाङ ठिम-पेनया़गी दिनला ख्‍येर्केमु ओहजेला ख्‍यागी च्‍यि मा कोहएँ म़ेदी तुहङाल माहबे।

लूका 12:11 Referans Kwoze

लूका 12:22

ओहले येशूगी राहङगी स्‍याहप्‍च्‍यीया़ला सुङ नाङसीन, “ओ़ह सोङबे ङाहगी ख्‍याला माएँ, च्‍यि साहज्‍ये, च्‍यि थुङज्‍ये ओहले च्‍यि केहन्‍ज्‍ये म़ेदी तुहङाल माहबे।

मत्ती 23:34

ता़ह या़हबु पेहती ङ्यिहन्‍दोङ, ङाह ख्‍याया़साला लुहङतेम्‍बा, खेम्‍बा ताहक्‍पु मिहया़ दाङ तेहन्‍दामकी छ्य़े-ठिमकी लोबेनया़ ताङ चाहङज्‍ये येह। खुङया़ नाहङला ख्‍याया़गी लाहलाला सेच्‍ये येह, लाहलाला क्‍याहङस्‍यीङला च्‍याङज्‍ये येह ओहले लाहलालादी छो़खाङया़ला ताक्‍स्‍यु क्‍याहप्‍च्‍ये येह ओहले लाहलाला क्‍याहसा च्‍यी़ले लेहमेन क्‍याहसा थु ङेच्‍ये येह।

मत्ती 6:25

“ओ़ह सोङबे ङाह ख्‍याया़ला माएँ, च्‍यि साहज्‍ये, च्‍यि थुङज्‍ये, च्‍यि केहन्‍ज्‍ये म़ेदी तुहङाल माहबे। च्‍यि साहज्‍ये स़ेह म़ेदी मिहली छ्यिम्‍बु, केहन्‍ज्‍ये स़ेह म़ेदी ज़ुबु छ्यिम्‍बु मिहम्‍बा ले?

मत्ती 6:27

ख्‍याया़ नाहङला सुज्‍यीगीॱआङ तुहङाल पेहती राहङगी छे याहम्‍बीज्‍यीॱआङ रिहङबु ज़ो ख़ूएँ ले?”

मत्ती 6:28

“ओहले च्‍यि केहन्‍ज्‍ये म़ेदी च्‍यिबे तुहङाल पेहकें? रिहगी लिली मेहन्‍दोया़ काह-ठि पेहती छार्कें दु त़ेदोङ, खुङया़नी ल़ेहॱआङ मेहबेएँ, केहन्‍ज्‍येला काप्‍च्‍याया़ॱआङ मे़हथाएँ।

मत्ती 6:31

“ओ़ह सोङबे च्‍यि साहज्‍ये, च्‍यि थुङज्‍ये, च्‍यि केहन्‍ज्‍ये म़ेदी तुहङाल माहबे।

मत्ती 6:34

ओ़ह सोङबे नाहङबारकी तेहन्‍दाला तुहङाल माहबे, च्‍यिबेमाना नाहङबारकी ङ्यिहमागी राहङगी तुहङाल राहङराङ पेहकें। तिहरीङगी तुहक्‍पु तिहरीङलाॱराङ दाङस्‍यी येह” म़ेदी येशूगी सुङ नाङसीन।