लूका 11:47 - ह्योल्‍मो

⁴⁷ “ख्‍याया़ काहजे छा़ तुहवा! ख्‍या राहङगी आख्‍ये मे़हमेया़गी सेक्‍योगी लुहङतेम्‍बाया़गी तेहन्‍दाला ख्‍यागी या़हबु-या़हबु तुहर्साया़ ज़ोएँ!

लूका 11:47 Referans Kwoze

१ थेसलोनिकी 2:15

ओ़ह यहूदीया़गीॱराङ चो़वो येशूला सेसीन ओहले लुहङतेम्‍बाया़लाॱआङ सेसीन, ओहले ङ्यिहया़ला ङेती ताङसीन। खुङया़गी किन्‍ज्‍योला थु माहङ्य़ेहबागी ल़ेहया़ पेहसीन ओहले मिह थाम्‍ज्‍यीला टाह पेहसीन।

ल़ेह-पेन 7:51

राहङ फे़बेया़गी सेम राहङसा क्‍यिहपाया़दी ल़ेहमुराङ सेम सान्‍दी काहल्‍सीन दु, राहङ फ़ेबेॱया किन्‍ज्‍योगी सुङदेन ङ्यिहन्‍ज्‍येला सेम जे मेहनाङ दु। राहङगी आख्‍ये मे़हमेया़गी ल़ेहमुराङ राहङ फे़बेया़गीॱआङ नाम्‍पार-ताहक्‍पा थुगी तेन नाङग्‍योकी स्‍याहलला नाहमॱआङ ची़ मेहनाङ दु।

मत्ती 23:27

“ए छ्य़े-ठिमकी लोबेनया़ दाङ फरिसीया़! ख्‍याया़ काहजे छा़ तुहवा! ख्‍याया़ काहजे यिहन्‍दो तेन्‍गे मिहया़ दुबा। ख्‍याया़नी सासा कार्पुकी थेल्‍ग्‍योगी तुहर्सा ल़ेहमुराङ यिहम्‍बा। ओ़ह तुहर्साया़ फि ङो़ले ताएँमुनी या़हबु थोङगे, यिहॱनाङ नाहङ ङो़लेदी स्‍यिक्‍यो मिहया़गी साहम्‍ग्‍योगी रेहको दाङ चाङमा म़ेहबा से़हया़गी काहङग्‍यो ओहङगे।

लूका 11:48

ओ़ह ल़ेहमुराङ पेहती ख्‍याया़ राहङगी आख्‍ये मे़हमेया़गी ल़ेहला पाङबु येह ओहले खुङया़ ङ्याम्‍बु छ्यो़ रुहप्‍ती येह। च्‍यिबेमाना खुङया़गी लुहङतेम्‍बाया़ला सेसीन ओहले ख्‍याया़गीदी लुहङतेम्‍बाया़गी तुहर्साया़ ज़ोएँ।