लूका 11:18 - ह्योल्‍मो

¹⁸ का़हलेॱआङ ल्‍हेन्‍डीया़गी क्‍याहल्‍बु राहङ नाहङदोङराङ ठ़ूस्‍यी पेहसीमाना नि खोगी क्‍याहल्‍सी काहन्‍डुमु पेहती छ्या़ ख़ूएँ ले? ख्‍याया़गी ङाहला, ‘ल्‍हेन्‍डीया़गी क्‍याहल्‍बु बालजिबुलदी ओङ लाहमले ल्‍हेन्‍डीया़ला तेन्‍गे’ म़ेदी माएँ।

लूका 11:18 Referans Kwoze

मत्ती 12:26

का़हलेॱआङ ती़हगी ती़हलाॱराङ ङेती टाह छ़ूसीन माना खोगी क्‍याहल्‍सी काहन्‍डुमु पेहती छ्या़ ख़ूएँ ले?

लूका 11:15

यिहॱनाङ खुङया़ नाहङगी लाहला मिहया़गी, “दि मिहगीनी ल्‍हेन्‍डीया़गी क्‍याहल्‍बु बालजिबुलगी ओङगी पेहती का ल्‍हेन्‍डीया़ तेन्‍गु दु!” म़ेदी मासीन।

मत्ती 4:10

ओहजेला येशूगी सुङ नाङसीन, “ए ती़ह गो-छ्येवा, दिलेगी सोङ! च्‍यिबेमाना सुङरापला दि ल़ेहमु प्री़हदी येहबा– ‘ख्‍येगी चो़वो छ्येवा राहङगी किन्‍ज्‍यो च्‍यी़लाॱराङ ज्‍याल्‍दोङ, ओहले किन्‍ज्‍यो च्‍यी़मे च्‍यी़लाॱराङ स्‍याहप्‍तो डुप्‍तोङ’!”

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

मत्ती 10:25

ओ़ह सोङबे स्‍याहप्‍च्‍यी राहङगी लोबेनचेबाॱराङ, ओहले योक्‍पु राहङगी ताहक्‍पुजेबाराङ काहल्‍ग्‍योगी तेहन्‍दाला सेम लो तेहमु पेहच्‍यु। का़हलेॱआङ खुङगी खाङबागी ताहक्‍पुलाॱराङ ती़ह गो-छ्येवा बालजिबुल म़ेदी मासीमानानी खोगी खाङबा मे़हमेया़लानी तोहरोङ च्‍यि मारो?” म़ेदी येशूगी सुङ नाङसीन।