लूका 11:13 - ह्योल्‍मो

¹³ ख्‍या मिह ङ्येहम्‍बा यिहॱनाङ राहङगी पुह पोहमोया़ला या़हबु से़हया़ तेर स्‍य़े फान्‍ज्‍यो तोहरोङ स्‍यिहङगामला ज़्‍यू़गेन ख्‍यागी याहपगी मिहरो ङ्याम्‍बु लाङगेया़ला काहजे माहङबु जेती नाम्‍पार-ताहक्‍पा थु नाङडो?”

लूका 11:13 Referans Kwoze

मत्ती 7:11

ओ़ह सोङबे ख्‍याया़ मिह ङ्येहम्‍बा यिहन्‍देॱआङ राहङगी पुह पोहमोला या़हबु से़हया़ तेर स्‍य़े फान्‍ज्‍योनी तोहरोङ स्‍यिहङगामला ज़्‍य़ू नाङगेन ख्‍याया़गी याहप किन्‍ज्‍यो ङ्याम्‍बु लाङगेन्‍दीला काहजे माहङबु जेती या़हबु से़हया़ नाङज्‍ये येह” म़ेदी येशूगी सुङ नाङसीन।

यूहन्‍ना 4:10

येशूगी मोहला सुङ नाङसीन, “ख्‍येगी किन्‍ज्‍योगी काबाप दाङ ख्‍ये ङ्याम्‍बु छ्यु लाङगे मिहला ङोह स्‍य़ेक्‍यो येहनानी ख्‍येगी गा खो ङ्याम्‍बु लाङज्‍ये येहकें, ओहले खोगी ख्‍येला मिहली तेर्केन्‍गी छ्यु तेर्च्‍ये येहकें।”

रोमी 8:32

मिहरोगी राहङगी च्‍यिमे च्‍यी़राङ स़ेबुलानी सी़दी ज़्‍या़ माहनाङ, यिहॱनाङ ओहराङ थाम्‍ज्‍यीगी तेहन्‍दाला नाङसीन। ओहराङगी तेहन्‍दाला राहङगी स़ेबु नाङगे किन्‍ज्‍योगी तोहरोङ मास्‍यीका ङ्याम्‍बुराङ लेहमेन थाम्‍ज्‍यीराङ से़हया़ ओहराङला मेहनाङडो ले?

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

मत्ती 6:14

“च्‍यिबेमाना ख्‍येला टाह पेहती तिहक्‍पा पेहकेनया़ला ख्‍येगी स्‍या़बा तेर्सीमाना स्‍यिहङगामला ज़्‍य़ू नाङगेन्‍गी ख्‍येगी किन्‍ज्‍यो याहपगीॱआङ ख्‍येला स्‍या़बा नाङज्‍ये येह।

मत्ती 6:32

किन्‍ज्‍योला ङोह मे़हस्‍येएँगी लेहमेन क्‍यिहपागी मिहया़गी गा दि रोहवा तुहङाल पेहती तेहकें। दि थाम्‍ज्‍यीराङ ख्‍याया़ला कोहकें म़ेदी स्‍यिहङगामला ज़्‍य़ू नाङगेन ख्‍याया़गी याहपला थुयी़ येहबा।

लूका 11:2

ओहले येशूगी दि ल़ेहमु पेहती सोल्‍वाङ ताप्‍तोङ म़ेदी सुङ नाङसीन, “ओ़ याहप, राहङगी छेन नाम्‍पार-ताहक्‍पा डोज्‍यु, राहङगी क्‍याहल्‍सी ग्‍यो़बाराङ ओहङज्‍यु।

मत्ती 6:30

तिहरीङ स्‍यार्ती नाहङबार येहदी मेहला क्‍युर्केन्‍गी चाया़लानी किन्‍ज्‍योगी दि ल़ेहमु जेती ज़ाप नाङगेन मानानी च्‍यि किन्‍ज्‍योगी ख्‍याया़ला केहन्‍गेन्‍गी काप्‍च्‍या मेहनाङगे ले? के, ख्‍याया़गी यिह-छ्य़े?”

मत्ती 5:45

आहन्‍डा पेहसीमाना ख्‍याया़ स्‍यिहङगामला ज़्‍य़ू नाङगेन्‍गी याहप्‍च्‍येन आबागी पुह-पोहमो ओहङज्‍ये येह च्‍यिबेमाना किन्‍ज्‍योगी मिह चोक्‍पा दाङ मिह या़हबु ङ्यिकालाराङ ङ्यिहमागी टे़ह नाङगेन ओहले तिहक्‍च्‍येम्‍बा दाङ टाहङबु ङ्यिकाराङगी तेहन्‍दाला नाम क्‍याहप च्‍य़ू नाङगेन।

मत्ती 5:16

ओ़ह ल़ेहमु पेहतीराङ ख्‍याया़गी येहसेर मिहया़गी पाहरक्‍यीला स्‍यारच्‍यु, मिहया़गी ख्‍याया़गी ल़ेह या़हबुया़ थोङदी स्‍यिहङगामला ज़्‍यू़गेन ख्‍याया़गी याहप्‍च्‍येन आबाला थुज्‍यी-छ्ये़ फुल्‍ज्‍यु” म़ेदी येशूगी सुङ नाङसीन।

रोमी 7:18

च्‍यिबेमाना ङाहती दि तिहक्‍पाकी पेहताङगी काहङग्‍योगी ज़ुबुला च्‍यिॱआङ या़हबु से़हया़ मेहतेहकें म़ेदीनी ङाहला क्‍यी़ह येह। या़हबु ल़ेहया़ पेहकेन्‍की सेम्‍बा ङाह ङ्याम्‍बु येहतीॱआङ ङाहगी ओ़ह पेह मी़हखुएँ।

रोमी 5:17

मेहन्‍दा च्‍यी़गी तिहक्‍पागी पेहती स्‍यिवागी मिह थाम्‍ज्‍यी थो़ला ओङ छ्य़ेसीन। ओ़हठीॱराङ पेहती किन्‍ज्‍योगी बोल्‍बु जेती आहन्‍डाराङ नाङग्‍यो काटीन दाङ टाहङदेन ज्‍योर्केया़गी च्‍यिमे च्‍यी़राङ मिह, येशू मास्‍यीका लाहमले तिहक्‍पा दाङ स्‍यिवाला दुल्‍दी था़ म़ेहबा मिहली थो़ला ओङ छ्य़ेज्‍ये येह।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

लूका 11:12

कि-माना कोहङा लाङगेमु तिहक्‍पा-राचा तेर्के?

लूका 18:7

ओ़ह ल़ेहमुराङ पेहते ङ्यिहन-नुहप किन्‍ज्‍योला क्‍याप्‍केन राहङगी मिहया़ला किन्‍ज्‍योगी रो़हराम जे मेहनाङगे ले? च्‍यि किन्‍ज्‍योगी राहङगी मिहया़ला रो़हराम जे नाङज्‍येला फिमु जे नाङगेन ले?