लूका 10:41 - ह्योल्‍मो

⁴¹ ओहले येशूगी ल़ेहन क्‍याहप्‍ती मार्थाला सुङ नाङसीन, “ए मार्था, मार्था, ख्‍ये ल़ेह माहङबुगी तेहन्‍दाला तुहङाल दाङ छाबा-छुबे पेहकु दु।

लूका 10:41 Referans Kwoze

फिलिप्‍पी 4:6

च्‍यि से़हगी तेहन्‍दालाॱआङ तुहङाल माहबे, यिहॱनाङ ख्‍याला च्‍यि कोहपु काहल्‍दी येहबा ओ़हगी तेहन्‍दाला किन्‍ज्‍यो ङ्याम्‍बु सोल्‍वाङ ताप्‍तोङ ओहले थुज्‍यी-छ्ये़ फुल्‍दी ओहर-छ्य़े स्‍यी़हदोङ।

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।

मर्कूस 4:19

यिहॱनाङ दि जाम्‍बुलीङगी तुहङाल, क्‍युह-नोहरगी चेवा ओहले ओ़ह ल़ेहमुराङ से़हया़ला सेम ग्‍युर्ती ओ़ह सुङदेन तोर्ती डोएँ ओहले बुदी च्‍यिॱआङ मे़हयाहएँ।

लूका 12:22

ओहले येशूगी राहङगी स्‍याहप्‍च्‍यीया़ला सुङ नाङसीन, “ओ़ह सोङबे ङाहगी ख्‍याला माएँ, च्‍यि साहज्‍ये, च्‍यि थुङज्‍ये ओहले च्‍यि केहन्‍ज्‍ये म़ेदी तुहङाल माहबे।

लूका 8:14

ओहले छेर्मा तोहङबो नाहङला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍ज्‍येनी ङ्यिहन्‍गे, यिहॱनाङ जाम्‍बुलीङगी तुहङाल दाङ क्‍युह-नोहर ओहले ङ्याहम्‍साङ-खाम्‍साङगी पेहती यिह-छ्य़ेला छारॱराङ मी़हच्‍युएँ ओहले खुङ लाहमले च्‍यिॱआङ सेदो मे़हयाहगेन।

लूका 10:38

ओहले येशू दाङ स्‍याहप्‍च्‍यीया़ फेप-फेप्‍पा काहङला युहल च्‍यी़ला लेप नाङसीन। ओहले ओ़हला मार्था माएँ पी़हमी च्‍यी़गी खुङ फे़बेया़ला राहङगी खाङबाला फेप स्‍युहसीन।

लूका 10:40

मार्थागी, “डोम्‍बोला छ्येच्‍ये से़हया़ ज़ो कोहएँ” म़ेदी ल़ेह माहङबुराङ पेहसीन। ओहले मोहगी येशू पोहला ओहङदी स्‍युहसीन, “ओ़ चो़वो ला़ह, ल़ेह थाम्‍ज्‍यीराङ ङाह च्‍यी़गीराङ पेह कोहएँ, नुहमुगी च्‍यिॱआङ पेह मेहतेर दु, च्‍यि राहङगी ज़ी़ माहनाङबा? आज्‍यीला रो़ह पेह सोङ म़ेदी सुङ नाङदोङ नाह ला़ह।”

यूहन्‍ना 11:1

बेथानिया युहलला लाजरस मिहन थो़क्‍योगी मिह च्‍यी़ नेहपा काहल्‍दी येहकें। ओ़ह युहलला खोगी आज्‍यी मरियम दाङ मार्थाॱआङ तेहको येहकें।

यूहन्‍ना 11:5

येशूगी मार्था, मोहती नोहमो मरियम दाङ लाजरसला माहङबुराङ च्‍याहम्‍बा जे नाङगो येहकें।

यूहन्‍ना 12:2

येशू फेप नाङग्‍यो क़ेहनाङगी खुङया़गी डेन ठाबे पेहसीन। मार्थागी सोल स्‍युहएँराङ येहकें, ओहले लाजरसती येशू दाङ लेहमेन डोम्‍बोया़ ङ्याम्‍बु साला ङ्ये़म्‍बुलला ङ्ये़दी डेन साहज्‍ये छ़ूसीन।