लूका 10:29 - ह्योल्‍मो

²⁹ ओहले छ्य़े-ठिमकी लोबेनगी ङाह मिह टाहङबु यिहन म़ेदी तेन्‍ज्‍येला, “आहन्‍डा यिहन्‍सीमाना ङाहगी ख्‍यिम्‍जीदी सु यिहम्‍बा ले लाह?” म़ेदी येशूला स्‍युहसीन।

लूका 10:29 Referans Kwoze

लूका 16:15

ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

गलाती 3:11

किन्‍ज्‍योगी ज़ी़लुला छ्य़े-ठिम लाहमले सु मिहज्‍यीॱआङ च्‍यिॱआङ क्‍येन म़ेहबा पेहती तेह मी़हखुएँ माएँ तामनी छ्यिसाल-नाहङसालॱराङ येह। च्‍यिबेमाना “च्‍यिॱआङ क्‍येन म़ेहबा मिह तेहपा लाहमलेॱराङ थार्च्‍ये येह।”

रोमी 4:2

का़हलेॱआङ अब्राहाम ल़ेह लाहमले टाहङबु सी़हक्‍यो यिहनानी खोला छ्य़ेन्‍दो तेन्‍गेन्‍की ग्‍या़ ओहङज्‍ये येहकें, यिहॱनाङ किन्‍ज्‍योकी दिनलानी मिहम्‍बा।

रोमी 10:3

च्‍यिबेमाना किन्‍ज्‍यो लाहमले ओहङगेन टाहङदेनकी तेहन्‍दाला ङोह मा़हस्‍येबा पेहती खुङया़गी राहङदीराङ टाहङदेनकी छ्याप्‍स्‍यीया़ पेहच्‍ये छोल्‍गेमु खुङ किन्‍ज्‍योकी टाहङदेनकी ओङलेगी फिला काहल्‍सीन।

लूका 10:36

ओहले दि पे स्‍ये छार फान्‍ज्‍यो छ्य़े-ठिमकी लोबेनला येशूगी टी़ह नाङसीन, “ता़ह ख्‍येगी सेमला च्‍यि ने़उ दुबा, ओ़ह मेहन्‍दा सुम नाहङला ज्‍याक्‍पाया़गी लाहक्‍पाला छ्यिक्‍यो मिहला का़हन्‍दीगी राहङगी ख्‍यिम्‍जीला ल़ेहमुराङ रो़हराम पेहपा?”

याकूब 2:24

ता़ह ख्‍यागी ङोह स्‍य़ेसीन? तेहपा च्‍यी़राङ पेहती मिहम्‍बा खोगी पेहक्‍योगी ल़ेह लाहमले किन्‍ज्‍योगी दिनला मिह टाहङबु सी़ह ख़ूएँ।

मर्कूस 8:34

ओ़ह तिङले येशूगी राहङगी स्‍याहप्‍च्‍यीया़ दाङ ओ़हला येहकेन्‍गी मिहया़ला क़े क्‍याहप्‍ती सुङ नाङसीन, “त़ेदोङ, सु ङाहगी स्‍याहप्‍च्‍यी डोज्‍ये सेम पेहकें खोगी राहङला मा-लोक पेह कोहएँ ओहले राहङगी क्‍याहङस्‍यीङ खुर्ती ङाहला तिङ ङ्या़ कोहएँ