लूका 10:17 - ह्योल्‍मो

¹⁷ ओहले येशूगी ताङ चाहङ नाङग्‍यो ओ़ह स्‍याहप्‍च्‍यी तिहन-ङ्यी़ लो़ह ओहङदी क़ेहनाङ पेहती येशूला स्‍युहसीन, “चो़वो ला़ह, राहङगी छेनला ङ्येहम्‍बा नाम्‍स्‍यीया़ ङ्यिहगी ओङ चो़ला ओहङसीन।”

लूका 10:17 Referans Kwoze

रोमी 16:20

स्‍य़िहदे नाङगेन किन्‍ज्‍योगी ग्‍यो़बाराङ ती़ह गो-छ्येवाला ख्‍याया़की काङबा चो़ला नेम च्‍य़ू नाङज्‍ये येह। ओहराङ चो़वो येशू मास्‍यीकाकी काटीन ख्‍या ङ्याम्‍बु ज़्‍य़ू नाङज्‍यु।

मर्कूस 16:17

ओहले यिह-छ्य़े पेहकेनया़ ङ्याम्‍बु दि ल़ेहमु ताक्‍छेन ओहङज्‍ये येह– खुङया़गी ङाहगी मिहनला ल्‍हेन्‍डीया़ तेन्‍ज्‍ये येह ओहले ताम साम्‍बा साम्‍बाया़ माज्‍ये येह।

लूका 9:1

येशूगी ल़ेह-पेन च्‍यिङ्यी़ला क़े क्‍याहप्‍नाङसीन। ओहले खुङया़ला ल्‍हेन्‍डीया़ तेन्‍गे दाङ नेहपाया़ला टा़ह च्‍य़ूगेन्‍गी स्‍युक दाङ ओङ नाङसीन।

लूका 10:1

ओहले येशूगी लो़हलो स्‍याहप्‍च्‍यी तिहन-ङ्यी़ला दाम नाङसीन, ओहले खुङया़ला ङ्यी़ ङ्यी़ जेती राहङ फेप्‍च्‍ये जेक्‍योगी क्‍याहसा दाङ युहलया़ला राहङ म़ेदी तोहङले ताङ नाङसीन।

लूका 10:9

ओ़ह क्‍याहसाला येहकेन्‍गी नेहपाया़ला टा़ह च्‍य़ूदोङ ओहले किन्‍ज्‍योगी क्‍याहल्‍सी लेप्‍च्‍ये पेह सिहन्‍दी येह म़ेदी स्‍येतोङ।

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

लूका 10:20

यिहॱनाङ, ङ्येहम्‍बा नाम्‍स्‍यीया़ ख्‍यागी ओङ चो़ला छ्यिसीन म़ेदी क़ेहनाङ माहबे, यिहॱनाङ ख्‍यागी मिहन स्‍यिहङगामला प्री़हदी येह म़ेदी काहसो पेहतोङ” म़ेदी येशूगी सुङ नाङसीन।

एफिसी 5:24

ओ़ह सोङबे छेन्‍छोक मास्‍यीकाकी ओङ चो़ला तेहक्‍यो ल़ेहमु पी़हमीॱया़ङ थाम्‍ज्‍यीराङ से़हया़ला राहङ-राहङगी ख्‍योवागी ओङ चो़ला तेहच्‍यु।