लूका 1:65 - ह्योल्‍मो

⁶⁵ दि थोङदी ख्‍यिम्‍जी थाम्‍ज्‍यीराङ ह्‍अ ल़ेहदी किन्‍ज्‍योगी ज्‍यी़सु पेहसीन। ओ़ह तिङले दि थाम्‍ज्‍यीराङ केच्‍याया़ यहूदीया लुहङबागी लाह ङो़ले येहकेन्‍गी युहलया़ला टाहम्‍सीन।

लूका 1:65 Referans Kwoze

लूका 1:39

ङ्यिहमा तोबा तिङले मरियम छारा पेहती यहूदीया लुहङबाकी लाह ङो़ले येहकेन्‍गी युहल च्‍यी़ला काहल्‍सीन।

ल़ेह-पेन 5:11

दि ल़ेहमु काहल फान्‍ज्‍यो छेन्‍छोककी मिह दाङ दि ताम थे़गे मिह थाम्‍ज्‍यी ज्‍यी़दी का क्‍याहल्‍सीन।

ल़ेह-पेन 5:5

दि ताम थे़-लुहङ मे़हबाराङ हननिया साला दाङे रिहल्‍दे स्‍यिसीन। दि ताम थे़गेन मिह थाम्‍ज्‍यी ज्‍यिबुराङ ज्‍यी़सीन।

ल़ेह-पेन 2:43

ल़ेह-पेनया़गी याहम्‍जेन छ्येवागी ल़ेहया़ पेहती माहङबुराङ ताक्‍छेनया़ तेन्‍गो येहकें। ओ़ह सोङबे मिहया़गी किन्‍ज्‍योगी ज्‍यिक्‍पा पेहको येहकें।

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

ज्‍याल्‍गा 11:11

ङ्यिहमा फेदाङ ज़्‍यि योहल फान्‍ज्‍यो किन्‍ज्‍यो लाहमले मिहली नाङगेन्‍गी ऊ ओ़ह मिह ङ्यी़ नाहङला स्‍य़ूहसीन ओहले खुङ ङ्यी़ राहङगी काङबा पा़दे क्‍येरे लाहङदी तेहसीन। ओ़हदी थोङदी मिहया़ माहङबुराङ ज्‍यी़सीन।

ल़ेह-पेन 19:17

दि ताम थे़दी एफिसस क्‍याहसाला तेहकेन्‍गी यहूदी दाङ ग्रीक क्‍यिहपागी मिह थाम्‍ज्‍यी ज्‍यी़सीन, ओहले खुङया़गी चो़वो येशूगी छेनला ज्‍यिबुराङ चा़ पेहसीन।

मत्ती 2:1

हेरोद क्‍याहल्‍बुगी ती़हजीला यहूदीयाकी बेथलेहेम माएँ युहलला येशू ठुङ नाङसीन ओहजेला स्‍यारलेगी नामयी ताएँ मिहया़ येशूला छोल्‍दी यरूशलेमला ओहङसीन।

लूका 5:26

खुङ थाम्‍ज्‍यी माहङबुराङ ह्‍अ ल़ेहसीन ओहले किन्‍ज्‍योकी दि ल़ेहमु वाङज्‍या छ्यिम्‍बु थोङदी खुङया़ ज्‍यी़सीन। खुङया़गी किन्‍ज्‍योला तेपा फुल्‍गेराङ दि रोहवा मासीन, “तिहरीङनी ओहराङगी काहन्‍डुमु याहम्‍जेम्‍बागी स़ेह च्‍यी़ थोङसीन!”

लूका 2:18

ओहले कोहरोवाया़गी ताम थे़गेन मिह थाम्‍ज्‍यीराङ ह्‍अ ल़ेहसीन।