लूका 1:47 - ह्योल्‍मो

⁴⁷ ओहले ङाहगी सेम, ङाहला थार्पा थोप च्‍य़ू नाङगेन किन्‍ज्‍यो ङ्याम्‍बु काहसो पेहकें।

लूका 1:47 Referans Kwoze

१ तिमोथी 2:3

ओहराङला थार्पा नाङगेन किन्‍ज्‍योगी ज़ी़दाङला दि या़हबु यिहम्‍बा ओहले मिहरोगी दि ल़ेहमुराङ थु-सेम जे नाङगे।

तीतस 2:10

खुङया़गी राहङकी ताहक्‍पुकी पेलाया़ कुमेन माह-क्‍याहप्‍च्‍यु यिहॱनाङ नाहम माॱनाङ या़हबु-या़हबु ल़ेहया़ पेहती ताहक्‍पुकी ज़ी़लुला खुङ यिह-छ्य़ेबु ओहङ ख़ूज्‍यु। दि ल़ेहमु पेहती खुङया़गी च्‍यि ल़ेहलामाॱनाङ ओहराङला थार्पा नाङगेन्‍गी किन्‍ज्‍योगी लुहङला चा़ छ्यिम्‍बु ज़ो ख़ूज्‍यु।

यहूदा 1:25

ओ़ह च्‍यिमे च्‍यी़राङ किन्‍ज्‍यो, ओहराङला थार्पा नाङगेन येशू मास्‍यीका ओहराङ चो़वो लाहमले ज़िज्‍यिद, ची़नाङ, स्‍युक, ओङ काल्‍बा-काल्‍बा तोहङ यिहन्‍ज्‍यु ताहन्‍दा दाङ छे दाङ छे ओहङज्‍यु। आमेन।

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

१ तिमोथी 1:1

ओहराङला थार्पा नाङगेन किन्‍ज्‍यो दाङ रेहवा नाङगेन मास्‍यीका येशूकी का लाहमले मास्‍यीका येशूकी ल़ेह-पेन काहल्‍ग्‍यो ङाह पावलगी दि यिहगी

लूका 2:11

तिहरीङ दाऊदगी क्‍येसा फायु बेथलेहेमला ख्‍याया़ला थार्पा थोप च्‍य़ू नाङगेन मास्‍यीका ठुङदी येह। ओ़ह स़ेबुराङ किन्‍ज्‍योगी ताङ नाङग्‍योकी चो़वो छ्येवा मास्‍यीका यिहन।

तीतस 1:3

ओहले ठाबे ती़हजीलाराङ मिहरोगी दि राहङगी लेहङगु या़हबुया़ तेन नाङसीन। ओहले दि लेहङगु या़हबुया़ स्‍येच्‍येला ओहराङला थार्पा नाङगेन किन्‍ज्‍योगी का नाङदी ङाहला चि क्‍याहप नाङसीन।