लूका 1:46 - ह्योल्‍मो

⁴⁶ ओहले मरियमगी मासीन, “ङाहगी सेम तिहङलेगीराङ ङाह चो़वो छ्येवा किन्‍ज्‍योला तेपा फुल्‍गे,

लूका 1:46 Referans Kwoze

१ कोरिन्‍थी 1:31

ओ़ह सोङबे छ्य़ेला दि ल़ेहमु प्री़हदी येहबा, “छ्य़ेन्‍दो तेन्‍ज्‍ये सेम्‍बा पेहकेनया़गी चो़वोगी तेहन्‍दाला च्‍यी़राङ छ्य़ेन्‍दो तेन्‍ज्‍यु।”

फिलिप्‍पी 4:4

चो़वोकी छेनला नाहम-माना काहसो पेहतोङ। ङाह येहपाराङॱआङ माएँ, काहसो पेहतोङ।

रोमी 5:11

ओहजेच्‍यीराङ मिहम्‍बा, यिहॱनाङ ओहराङ चो़वो येशू मास्‍यीकागी पेहती ओहराङ किन्‍ज्‍योला त़ेरा तेच्‍या फुल्‍गेराङ काहसो पेहकें च्‍यिबेमाना मास्‍यीकागी ओहराङला किन्‍ज्‍यो ङ्याम्‍बु डी़ च्‍यु नाङदी राहङदी रो़ह ज़ो नाङदी येह।

१ पत्रुस 1:8

ख्‍यागी येशू मास्‍यीकाला थोङग्‍यो मे़हॱनाङ मिहरोला चेवा पेहकें। मिहरोला ख्‍यागी ताहन्‍दा थोङ मी़हखुएँ, यिहॱनाङ ख्‍यागी मिहरोला यिह-छ्य़े पेहकें। ओहले स्‍येॱराङ मी़हखुएँगी ज़िज्‍यिद छ्यिम्‍बु काहसोगी ख्‍याया़गी सेम काहङदी येह।

फिलिप्‍पी 3:3

तेहन्‍दामकी स्‍या-ताक पेहकेनया़नी ओहराङया़ गा यिहम्‍बा च्‍यिबेमाना ओहराङ किन्‍ज्‍योला नाम्‍स्‍यी लाहमले छ्येपा फुल्‍गे ओहले मास्‍यीका येशूकी छेनला छ्य़ेन्‍दो तेन्‍गे। ओहले ज़ुबुला स्‍या-ताक पेहकें तामला ङ्यिह यिह मे़हछ्येएँ।

२ कोरिन्‍थी 2:14

यिहॱनाङ ङाह किन्‍ज्‍योला थुज्‍यी-छ्ये़ फुल्‍गे, मिहरोगी ङ्यिहया़ला मास्‍यीका ङ्याम्‍बुराङ क्‍याहल्‍गेन्‍गी लाहमला ॱठि नाङगे, ओहले टिहमा स्‍यिहम्‍बु खाएँगी मास्‍यीकागी येहन्‍देन छ्यो़ ज़्‍यिलाराङ फेल्‍ज्‍येला मिहरोगी ङ्यिहया़ला कुल नाङगे।

१ थेसलोनिकी 5:23

स्‍य़िहदेकी किन्‍ज्‍यो राहङगीराङ ख्‍या फ़ेबे-म़ेहमेया़ला सेम तिहङ यिहन्‍ज्‍युराङ चाङमा ज़ो नाङज्‍यु, ओहले ख्‍या फे़बे मे़हमेया़की थाम्‍ज्‍यी सेम, सो दाङ ली़ह ओहराङकी चो़वो येशू मास्‍यीका फेप नाङगे ङ्यिहमा थु च्‍यिॱआङ क्‍येन म़ेहबा पेहती ज़्‍या़ नाङज्‍यु।