लूका 1:33 - ह्योल्‍मो

³³ खोगी नाहम-माना याकूबकी क्‍यिह थो़ला ओङ छ्य़ेज्‍ये येह ओहले खोगी ओङ जेकेन्‍गी ती़हजी नाहमॱआङ चो़हज्‍ये म़ेह” म़ेदी स्‍यिहङगामकी स्‍याहप्‍च्‍यीगी मरियमला सुङ नाङसीन।

लूका 1:33 Referans Kwoze

हिब्रू 1:8

यिहॱनाङ ता़ह स़ेबुकी तेहन्‍दाला मिहरोगी दि ल़ेहमु सुङ नाङसीन, “ओ़ किन्‍ज्‍यो, राहङगी ज़्‍य़ू-ठि नाहम्‍स्‍यी किन्‍दुॱराङ लिहच्‍ये येह, ओहले राहङगी तेहन्‍दाम लाहमले ठिम ताङ नाङज्‍ये येह।

ज्‍याल्‍गा 11:15

ओहले तिहम्‍बा स्‍यिहङगामकी स्‍याहप्‍च्‍यीगी राहङ ङ्याम्‍बु येहकेन्‍की रोहवा-लीङ फुसीन, ओहले स्‍यिहङगामला छ्यिम्‍बु-छ्यिम्‍बु सुङ-क़ेगी दि रोहवा सुङ नाङसीन, “जाम्‍बुलीङगी क्‍याहल्‍सी ओहराङ चो़वो दाङ किन्‍ज्‍योकी मास्‍यीकागी क्‍याहल्‍सी काहल्‍दे येह ओहले मास्‍यीकागी नाहम्‍स्‍यी किन्‍दु ओङ छ्य़े नाङज्‍ये येह।”

मत्ती 28:18

ओहजेला येशू खुङया़ पोहला फेप्‍ती सुङ नाङसीन, “त़ेदोङ, स्‍यिहङगाम दाङ जाम्‍बुलीङगी थाम्‍ज्‍यीराङ ओङ ङाहला नाङदी येह।

गलाती 3:29

का़हलेॱआङ ख्‍या मास्‍यीकाती यिहम्‍बा मासीमानानी ख्‍या अब्राहामकी छार्क्‍यीन यिहम्‍बा, ओहले ख्‍या किन्‍ज्‍योगी तोहदाम ज़्‍या़ नाङग्‍योकी फास्‍यी ज्‍योर्के मिहया़ॱआङ यिहम्‍बा।

रोमी 9:6

यिहॱनाङ किन्‍ज्‍योकी सुङ तेहन्‍दा माहन्‍डुपानी मिहम्‍बा। च्‍यिबेमाना इस्राएल क्‍यिहपाला क्‍येक्‍योगी मिह थाम्‍ज्‍यी किन्‍ज्‍योगी छार्क्‍यीन मिहम्‍बा,

गलाती 6:16

ता़ह दि तामया़ला ङ्यिहन्‍दी राहङगी डोलु-तेहलु या़हबु पेहकेनया़ दाङ किन्‍ज्‍योकी इस्राएल क्‍यिहपाया़ थो़ला स्‍य़िहदे दाङ थुज्‍यी ज़ी़-नाङज्‍यु।

फिलिप्‍पी 3:3

तेहन्‍दामकी स्‍या-ताक पेहकेनया़नी ओहराङया़ गा यिहम्‍बा च्‍यिबेमाना ओहराङ किन्‍ज्‍योला नाम्‍स्‍यी लाहमले छ्येपा फुल्‍गे ओहले मास्‍यीका येशूकी छेनला छ्य़ेन्‍दो तेन्‍गे। ओहले ज़ुबुला स्‍या-ताक पेहकें तामला ङ्यिह यिह मे़हछ्येएँ।

मत्ती 1:1

अब्राहाम दाङ दाऊदकी छार्क्‍यीन येशू मास्‍यीकाकी क्‍यिहया़–

लूका 1:34

ओहले दि थे़दी मरियमगी स्‍यिहङगामकी स्‍याहप्‍च्‍यीला मासीन, “दि काहन्‍डुमु पेहती ओहङ ख़ूएँ ले? च्‍यिबेमाना ङाहनी पा़हमाॱराङ पेहती म़ेह!”