लूका 1:13 - ह्योल्‍मो

¹³ ओहले स्‍यिहङगामकी स्‍याहप्‍च्‍यीगी सुङ नाङसीन, “ए जकरिया, ख्‍ये मा़हन्‍ज्‍यी, च्‍यिबेमाना ख्‍येगी ताप्‍क्‍यो सोल्‍वाङ किन्‍ज्‍योगी सेन नाङदी येह। ता़ह ख्‍येगी पी़हमी एलीशिबागी ख्‍येगी तेहन्‍दाला पुह च्‍यी़ क्‍येज्‍ये येह, ओहले ख्‍येगी खोगी मिहन यूहन्‍ना ज़्‍या़दोङ।

लूका 1:13 Referans Kwoze

ल़ेह-पेन 10:31

सुङ नाङसीन, ‘ए कर्नेलियस, किन्‍ज्‍योगी ख्‍येगी सोल्‍वाङ सेन नाङदी येह ओहले ख्‍येगी प्राङबुया़ला पेहक्‍योगी रो़हराम ज़ी़ नाङदी येह।

लूका 2:21

ओहले मोशागी छ्य़े-ठिमला ल़ेहमुराङ ओ़ह स़ेबु ठुङदी ङ्यिहमा क्‍ये़ह डोएँ ङ्यिहमु स्‍या-ताक पेहसीन, ओहले ओ़ह स़ेबुला येशू माएँ छेन ता़सीन। ओहले ओ़ह छेनदी मरियम ज़ुबु ङ्यिहपा डोएँ म़ेदी तोहङलेराङ स्‍यिहङगामकी स्‍याहप्‍च्‍यीगी नाङग्‍यो येहकें।

मत्ती 14:27

ओहले लाहम्‍साङराङ येशूगी सुङ नाङसीन, “मा़हन्‍ज्‍यी, ङाहराङ यिहन, लो तेहमु पेह।”

मत्ती 28:5

यिहॱनाङ स्‍यिहङगामगी स्‍याहप्‍च्‍यीगी ओ़ह पी़हमी-पेहजाया़ला सुङ नाङसीन, “ख्‍याया़ मा़हन्‍ज्‍यी, क्‍याहङस्‍यीङला सेक्‍योगी येशूला ख्‍याया़ छोल ओहङग्‍यो यिहन म़ेदी ङाहला क्‍यी़ह येहबा।

लूका 1:30

ओहले येहपाराङ स्‍यिहङगामकी स्‍याहप्‍च्‍यीगी सुङ नाङसीन, “मरियम ख्‍ये मा़हन्‍ज्‍यी, चो़वो छ्येवागी ख्‍येला थुज्‍यी ज़ी़ नाङदी येहबा।

मर्कूस 16:6

यिहॱनाङ ओ़ह स्‍यारा मिहगी खुङया़ला, “ख्‍या मा़हन्‍ज्‍यी, ख्‍या क्‍याहङस्‍यीङला सेक्‍योगी नासरतकी येशूला छोल्‍ग्‍यो मिहन ले? यिहॱनाङ त़ेदोङ, येशू देला म़ेह, मिहरो नि सोम्‍बो ज़्‍याङदी फेप सिहन्‍सीन! खुङया़गी येशूला ज़्‍या़क्‍योगी ग्‍या़ दिराङ यिहम्‍बा, त़ेदोङ! म़ेदी मासीन!

मत्ती 1:21

मोहगी स़ेबु च्‍यी़ ठुङज्‍ये येह, ओहले ख्‍येगी ओ़ह स़ेबुगी छेन येशू ज़्‍या़दोङ च्‍यिबेमाना येशूगी राहङगी मिहया़ला तिहक्‍पालेगी थार च्‍य़ू नाङज्‍ये येह” म़ेदी सुङ नाङसीन।

लूका 1:14

ओहजेला ख्‍येला क़ेहनाङ दाङ काहसो ओहङज्‍ये येह, ओहले थाम्‍ज्‍यीराङ मिहया़ खोगी क्‍येगारला क़ेहनाङ पेहच्‍ये येह।