यूहन्‍ना 9:4 - ह्योल्‍मो

⁴ ङ्यिहमा येहकेमुराङ ङाहला ताङ नाङगेन याहपकी छ्या़लेया़ ओहराङगी पेह कोहकें। ता़ह ना़-जुबे डोज्‍ये पेहती येह ओहले ना़-जुबे काहल फान्‍ज्‍योनी सुगीॱआङ ल़ेह पेह मी़हखुएँ।

यूहन्‍ना 9:4 Referans Kwoze

यूहन्‍ना 12:35

येशूगी खुङया़ला सुङ नाङसीन, “क्‍या-साङे तोहरोङॱआङ तोबा थु ख्‍याया़गी पाहरक्‍यीलाराङ तेहच्‍ये येह। क्‍या-साङे ख्‍या ङ्याम्‍बु लिहकें थु राहङगी लाहमला स्‍य़ूहदोङ मिहन्‍सीमाना ना़-जुबेगी ख्‍याया़ला उप्‍च्‍ये येह। ना़-जुबेला डोएँया़गी राहङ का़हला डोॱराङ येहबा म़ेदी क्‍यी़ह मेहन्‍ज्‍योर्कें।

एफिसी 5:16

दि ती़हजी चोक्‍पा येहकें सोङबे ख्‍येगी ज़्‍योरक्‍यो थाम्‍ज्‍यीराङ लोहङया़ या़हबु पेहती पेहतोङ।

यूहन्‍ना 4:34

ओहले येशूगी खुङया़ला सुङ नाङसीन, “ङाहला ताङ नाङगेन याहपकी का दाङ मिहरोगी छ्या़ले छाङबु पेहकेन्‍दीराङ ङाहती साहप्‍च्‍या यिहम्‍बा।

गलाती 6:10

ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।

यूहन्‍ना 17:4

राहङगी ङाहला चि क्‍याहप नाङग्‍योकी छ्या़लेन तेहन्‍दा डुप च्‍य़ूदी ङाहगी राहङगी छेन दि जाम्‍बुलीङला छ्यिम्‍बु जे़दी येह।

कलस्‍सी 4:5

यिह मे़हछ्येएँ मिहया़ ङ्याम्‍बु डोलु-तेहलु पेहकेमु रिहक्‍स्‍यी छ्यिम्‍बु तेन्‍दी पेहतोङ। ख्‍यागी ज़्‍योरक्‍योगी लोहङ च्‍यी़ॱआङ तोर मा़हच्‍यु।

यूहन्‍ना 5:36

“यिहॱनाङ यूहन्‍नागी तेरक्‍यो पाङबु म़ेदीॱआङ छ्यिम्‍बु पाङबु ङाह ङ्याम्‍बु येह। च्‍यिबेमाना का़हन्‍दी ल़ेहया़ छाङबु पेहच्‍येला याहपगी ङाहला ताङ नाङग्‍यो यिहम्‍बा, ओ़ह ल़ेहया़ ङाहगी पेहकेनॱराङ येह, ओ़ह सोङबे ङाहला याहपगी ताङ नाङग्‍यो यिहन म़ेदी ओ़ह ल़ेहया़गीॱराङ ङाहगी तेहन्‍दाला पाङबु तेर्के।

यूहन्‍ना 10:32

यिहॱनाङ येशूगी खुङया़ला सुङ नाङसीन, “याहपगी कुल नाङग्‍योकी या़हबु ल़ेहया़ माहङबुराङ ङाहगी ख्‍याया़गी दिनला पेहती तेन्‍सीन, ओहजे नाहङला का़हन्‍दी ल़ेहगी तेहन्‍दाला ख्‍यागी ङाहला तोहगी क्‍याहप्‍च्‍ये छोल्‍ग्‍यो?”

यूहन्‍ना 10:37

का़हलेॱआङ ङाहगी ङाहती याहपकी छ्या़लेया़ पेहक्‍यो मे़हसीमाना ख्‍यागी ङाहला यिह मा़हछ्ये।

ल़ेह-पेन 4:20

च्‍यिबेमाना ङ्यिहगी थोङग्‍यो दाङ थे़क्‍योगी तामया़ मा़हमेबा पेहतीनी तेहॱराङ मी़हखुएँ।”

यूहन्‍ना 5:19

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, स़ेबु राहङगीनी च्‍यिॱआङ पेह मी़हखुएँ, यिहॱनाङ याहपगी च्‍यि जे नाङग्‍यो थोङगे ओ़ह च्‍यी़राङ पेहकें, च्‍यिबेमाना याहपगी च्‍यि जे नाङगे, स़ेबुगीॱआङ ओहराङ पेहकें।

यूहन्‍ना 7:33

येशूगी सुङ नाङसीन, “तोहरोङॱआङ ङ्यिहमा तोबा थु ङाह ख्‍या ङ्याम्‍बुराङ तेहच्‍ये येह, ओ़ह तिङले ङाहला ताङ नाङगे याहप साला ङाह लो़हदी डोज्‍ये येह।

मत्ती 20:7

खुङया़गी खोला मासीन, ‘के ङ्यिहला सुज्‍यीगीॱआङ ल़ेहला मा़हच्‍यु।’ ओहले खोगी मासीन, ‘ओ़ह ल़ेहमु यिहन्‍सीमाना ख्‍याया़ॱआङ ङाहगी कुहन्‍डुम स्‍यिहङला ल़ेह पेहच्‍येला सोङ’।”

मर्कूस 3:3

ओहले येशूगी लाहक्‍पा काम्‍ग्‍योगी मिहला, “ख्‍ये लाहङदी देला स्‍यो!” म़ेदी सुङ नाङसीन।