यूहन्‍ना 8:51 - ह्योल्‍मो

⁵¹ तेहम्‍बाराङ ङाह ख्‍याया़ला माएँ, ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।”

यूहन्‍ना 8:51 Referans Kwoze

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

यूहन्‍ना 15:20

ङाहगी ख्‍याला माक्‍यो ताम टेहम्‍बा साल्‍दी ज़्‍यो़, ‘योक्‍पु खाङबा ताहक्‍पु म़ेदी छ्यिम्‍बु ओहङ मी़हखुएँ।’ खुङगी ङाहला तुहक्‍पु तेर्सीमाना ख्‍याॱलाङ तुहक्‍पु तेर्च्‍ये येह। खुङगी ङाहती ताम ङ्यिहन्‍सीन माना ख्‍याती तामॱआङ ङ्यिहन्‍ज्‍ये येह।

यूहन्‍ना 6:50

यिहॱनाङ का़हन्‍दीगी स्‍यिहङगामले ओहङग्‍योगी खुरा साहएँ खो नाहमॱआङ स्‍यिज्‍ये म़ेह।

लूका 2:26

ओहले “चो़वो छ्येवागी ताङ नाङगे थार्पा थोप च्‍य़ू नाङगेन मास्‍यीकाला माहथोङ थु ख्‍ये स्‍यिज्‍ये म़ेह” म़ेदी नाम्‍पार-ताहक्‍पा थुगी तोहङलेराङ खोला क्‍यी़ह ज्‍योर च्‍यु नाङग्‍यो येहकें।

हिब्रू 11:5

हनोकगी तेहपा पेहक्‍यो सोङबेॱराङ किन्‍ज्‍योगी खोला माहस्‍यीबालाॱराङ स्‍यिहङगामला नोम फेप्‍सीन ओहले सुज्‍यीगीॱआङ खोला च्‍य़ेह माहसीहन। हनोकला किन्‍ज्‍योगी क्‍या़दी नोम फेप नाङगे म़ेदी तोहङले खोगी किन्‍ज्‍योकी थु काहसो ज़ोक्‍यो येहकें म़ेदी छ्य़ेला प्री़हदी येहबा।

यूहन्‍ना 8:55

ख्‍याया़गी याहपला ङोह स्‍य़ेदी म़ेह, यिहॱनाङ ङाहगी याहपला ङोह स्‍य़ेएँ। का़हलेॱआङ ङाहगी याहपला ङोह मे़हस्‍येएँ म़ेदी माक्‍यो येहनानी ङाहॱआङ ख्‍या ल़ेहमुराङ स्‍योप्‍केर थेन्‍ज्‍ये येहकें। यिहॱनाङ ङाह याहपला ङोह स्‍य़ेएँ ओहले याहपगी सुङ नाङग्‍यो स्‍याहलया़ ङ्यिहन्‍गे।

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

मत्ती 16:28

तेहम्‍बाराङ ङाह ख्‍याया़ला माएँ, मिहगी स़ेबु राहङगी क्‍याहल्‍सीला फेप्‍क्‍यो माहथोङ थु देला ङ्यिहन्‍गेया़ नाहङला काहजेनी स्‍यिज्‍येॱआङ म़ेह।”

यूहन्‍ना 8:52

ओहले यहूदीया़गी मासीन, “ता़हनी ङ्यिहगी तेहम्‍बाराङ ङोह स्‍य़ेसीन, ख्‍येलानी ल्‍हेन्‍डीराङ स्‍य़ूहक्‍यो दुबा! अब्राहाम स्‍यिसीन, लुहङतेम्‍बाया़ॱआङ स्‍यिसीन, यिहॱनाङ ख्‍येगी माएँ, ‘ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।’

यूहन्‍ना 14:23

ओहले येशूगी खोला सुङ नाङसीन, “सुगी ङाहला चेवा पेहकें, खोगी ङाहती तामया़ ङ्यिहन्‍ज्‍ये येह, ओहले ङाहती याहपगी खोला चेवा जे नाङज्‍ये येह, ओहले ङ्यिह खोसाला ओहङज्‍ये येह, ओहले खो ङ्याम्‍बु तेहच्‍ये येह।

यूहन्‍ना 17:6

जाम्‍बुलीङलेगी राहङगी ङाहला नाङग्‍यो मिहया़ला ङाहगी राहङला ङोह स्‍य़े च्‍य़ूदी येह। खुङया़ राहङदी यिहन्‍गे, ओहले राहङगी खुङया़ ङाहला नाङसीन, ओहले खुङया़गी राहङगी सुङदेन ङ्यिहन्‍दी येह।

हिब्रू 2:9

यिहॱनाङ ओहराङगी येशूला थोङ ख़ूएँ। किन्‍ज्‍योगी येशूला याहम्‍बीज्‍यीगी तेहन्‍दाला च्‍यी़राङ स्‍यिहङगामकी स्‍याहप्‍च्‍यीया़ म़ेदी फेमा ज़ो नाङसीन। किन्‍ज्‍योगी काटीन लाहमले मिह थाम्‍ज्‍यीगी तेहन्‍दाला येशू टोहङ नाङसीन। दि तुहक्‍पु येशूगी खुर नाङग्‍यो सोङबे किन्‍ज्‍योगी मिहरोला ज़िज्‍यिद दाङ ची़नाङ जेती पेस्‍यो केन नाङसीन।