यूहन्‍ना 7:7 - ह्योल्‍मो

⁷ जाम्‍बुलीङगी मिहया़गी ख्‍याला ङेन्‍ज्‍येन पेह मी़हखुएँ, यिहॱनाङ ङाहलादी ङेन्‍ज्‍येन पेहकें, च्‍यिबेमाना ङाहगी जाम्‍बुलीङगी मिहया़ती डोलु-तेहलुया़ चोक्‍पा येह म़ेदी पाङबु तेर्के।

यूहन्‍ना 7:7 Referans Kwoze

यूहन्‍ना 3:19

किन्‍ज्‍योगी आप्‍ता च्‍ये नाङग्‍योदी दिराङ यिहम्‍बा: क्‍या-साङे जाम्‍बुलीङला फेप सिहन्‍दी येह, ओहले मिहया़गी क्‍या-साङेला म़ेदीॱआङ माहङबु ना़-जुबेला चा़ पेहसीन, च्‍यिबेमाना खुङया़दी ल़ेह ङ्येहम्‍बा येहकें।

गलाती 4:16

ताहन्‍दा ङाहगी ख्‍याया़ला तेहन्‍दामकी ताम स्‍येकेमु च्‍यि ङाह ख्‍याया़ती टाह काहल्‍बा ले?

१ यूहन्‍ना 4:5

खुङया़ जाम्‍बुलीङदी यिहन्‍गे सोङबे जाम्‍बुलीङदी ताम माएँ ओहले जाम्‍बुलीङगी खुङया़गी माक्‍यो ताम ङ्यिहन्‍गे।

याकूब 4:4

ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।

यूहन्‍ना 17:14

ङाहगी खुङया़ला राहङती सुङदेन तेर्सीन, यिहॱनाङ जाम्‍बुलीङगी खुङया़ला ङ्येन्‍ज्‍येन पेहसीन, च्‍यिबेमाना ङाह ल़ेहमुराङ खुङॱआङ दि जाम्‍बुलीङदी मिहन।

रोमी 8:7

च्‍यिबेमाना ज़ुबु लाहमले पेहकेन तिहक्‍पाकी पेहताङया़ थो़ला सेम ताङगे मिह किन्‍ज्‍योगी टाह यिहम्‍बा। खो किन्‍ज्‍योकी छ्य़े-ठिमगी ओङ चो़ला तेह मी़हखुएँ ओहले खोगी छ्य़े-ठिमॱआङ ची़ मी़हखुएँ।

लूका 6:26

“मिह थाम्‍ज्‍यीगी ख्‍याला ख्‍या ज्‍यिबुराङ या़हबु यिहन म़ेदी क्‍या़ज्‍ये येह यिहॱनाङ ख्‍या काहजे छा़ तुहवा! च्‍यिबेमाना ओ़ह ल़ेहमुराङ पेहती खुङया़गी आख्‍ये मे़हमेया़गी ची़हमा लुहङतेम्‍बाया़लाॱआङ ख्‍या ज्‍यिबुराङ या़हबु यिहन म़ेदी क्‍या़क्‍यो येहकें।”