यूहन्‍ना 7:16 - ह्योल्‍मो

¹⁶ ओहले येशूगी खुङया़ला ल़ेहन क्‍याहप्‍ती सुङ नाङसीन, “ङाहगी सुङदेन ङाहती मिहन, यिहॱनाङ दि सुङदेन ङाहला ताङ नाङगेन किन्‍ज्‍योदी यिहम्‍बा।

यूहन्‍ना 7:16 Referans Kwoze

यूहन्‍ना 14:24

ङाहला चेवा मेहबेगेन्‍दीगी ङाहगी माक्‍योकी ताम मिहङ्यीहन्‍गे। ख्‍याया़गी थे़क्‍यो दि तामया़ ङाहती मिहन, यिहॱनाङ ङाहला ताङ नाङगे याहपती यिहम्‍बा।

यूहन्‍ना 14:10

ङाह याहप ङ्याम्‍बु येह, ओहले याहप ङाह ङ्याम्‍बु ज़्‍य़ू नाङदी येह म़ेदी च्‍यि ख्‍ये यिह मे़हछ्येगे? ख्‍याया़ला माक्‍यो ताम ङाहगी राहङगीराङ जे़दी माक्‍यो मिहन। ङाह ङ्याम्‍बु ज़्‍य़ू नाङगे याहपगी राहङगी छ्या़लेया़ ङाह लाहमले जे नाङगेराङ येह।

यूहन्‍ना 17:8

च्‍यिबेमाना राहङगी ङाहला नाङग्‍योकी सुङदेन ङाहगी खुङया़ला तेर्ती येह, ओहले खुङया़गी ओ़ह सुङदेन ची़दे येह। ङाह तेहम्‍बाराङ याहप-साले ओहङग्‍यो यिहन म़ेदी खुङया़गी या़हबु पेहती ङोह स्‍ये़दे येह। ओहले याहपगीॱराङ ङाहला ताङ नाङग्‍यो यिहन म़ेदी खुङया़गी यिह छ्य़ेदी येह।

यूहन्‍ना 5:30

“ङाह राहङगीनी च्‍यिॱआङ पेह मी़हखु, काह-ठि ङाहगी थे़गे, ओ़हठीॱराङ ङाह ठिम ताङगे, ओहले ङाहगी ताङग्‍यो ठिम ठाबे सी़हजे येह, च्‍यिबेमाना ङाह राहङगी सेमला ने़क्‍यो ल़ेहमु मिहम्‍बा, यिहॱनाङ ङाहला ताङ नाङगेन याहपकी थुला ठुङग्‍यो ल़ेहमुराङ ल़ेह पेहकें।”

यूहन्‍ना 17:14

ङाहगी खुङया़ला राहङती सुङदेन तेर्सीन, यिहॱनाङ जाम्‍बुलीङगी खुङया़ला ङ्येन्‍ज्‍येन पेहसीन, च्‍यिबेमाना ङाह ल़ेहमुराङ खुङॱआङ दि जाम्‍बुलीङदी मिहन।

यूहन्‍ना 8:28

ओ़ह सोङबे येशूगी सुङ नाङसीन, “ख्‍याया़गी मिहगी स़ेबुला क्‍या़दी क्‍याहङस्‍यीङला च्‍याङ फान्‍ज्‍यो, ङाह ओ़हदीॱराङ यिहन म़ेदी ख्‍याया़गी ह्‍अ कोहज्‍ये येह, ओहले ङाह राहङ ओङगी नि च्‍यिॱआङ पेह मी़हखु, यिहॱनाङ याहपगी लोप नाङग्‍योकी स्‍याहलया़ च्‍यी़राङ माएँ म़ेदी ख्‍याया़गी ङोह स्‍ये़ज्‍ये येह।

यूहन्‍ना 3:11

तेहम्‍बाराङ ङाह ख्‍येला माएँ, ङ्यिहगी च्‍यि ङोह स्‍य़ेगे ओ़हदीॱराङ माएँ, ओहले ङ्यिहगी च्‍यि थोङग्‍यो येहबा ओ़हगी तेहन्‍दाला पाङबु तेर्के, यिहॱनाङ ख्‍याया़गी ङ्यिहगी तेरक्‍यो पाङबुला ची़नाङ मेहबेएँ दु।

यूहन्‍ना 6:44

ङाहला ताङ नाङगेन याहपगी ङाहसाला ओहङज्‍ये सेम मेहनाङसीनमाना सुॱआङ ङाहसाला ओहङ मी़हखुएँ, ङाहसाला ओहङगेया़ला ङाह जाम्‍बुलीङकी तिङस्‍यो ती़हजीला सोम्‍बो ज़ोज्‍ये येह।

यूहन्‍ना 3:31

याहरले फेप नाङगेन्‍दी थाम्‍ज्‍यी म़ेदी चा़ छ्यिम्‍बु येह। जाम्‍बुलीङला क्‍येक्‍योगी मिहया़ जाम्‍बुलीङदीराङ ओहङगे ओहले जाम्‍बुलीङगी तामया़ॱराङ माएँ। यिहॱनाङ स्‍यिहङगामले फेप्‍केन्‍दी थाम्‍ज्‍यी म़ेदी चा़ छ्यिम्‍बु ज़्‍य़ू नाङदी येह।

ज्‍याल्‍गा 1:1

दि छ्य़ेकी केच्‍या येशू मास्‍यीकागी तेन नाङग्‍यो यिहम्‍बा। राहङ स्‍याहप्‍च्‍यीया़गी ग्‍यो़बाराङ बाप ओहङज्‍ये पेहक्‍यो केच्‍याया़गी तेहन्‍दाला ङोह स्‍य़े ख़ूज्‍यु म़ेदी किन्‍ज्‍योगी येशूला दि ज्‍याल्‍गा नाङग्‍यो येहकें। येशूगी दि केच्‍या प्रा साल नाङज्‍येला स्‍यिहङगामकी स्‍याहप्‍च्‍यी च्‍यी़ला राहङला स्‍याहप्‍तो स्‍युएँगी यूहन्‍नासाला ताङ नाङसीन।

२ यूहन्‍ना 1:9

मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।