यूहन्‍ना 7:13 - ह्योल्‍मो

¹³ यिहॱनाङ यहूदी गोबाया़की ज्‍यी़सुगी पेहती सुज्‍यीगीॱआङ येशूगी तेहन्‍दाला ख्‍याक-क्‍या़दी ताम मा मी़हखु येहकें।

यूहन्‍ना 7:13 Referans Kwoze

यूहन्‍ना 9:22

यहूदीया़की ज्‍यी़सुगी पेहती खोती आबा-आमागी दि ल़ेहमु माक्‍यो येहकें। च्‍यिबेमाना सुगी येशूला थार्पा नाङगेन्‍गी क्‍याहल्‍बु मास्‍यीका म़ेदी लोक पेहकें, खोला छो़खाङले फिला तेन तेर कोहएँ म़ेदी यहूदीया़की तोहङलेराङ टे़ह क्‍याहप सिहन्‍दी येहकें।

यूहन्‍ना 19:38

अरिमाथिया क्‍याहसाला योसेफ मिहन थो़क्‍यो मिह च्‍यी़ येहकें। खो यहूदी गोबाया़गी ज्‍यी़सुगी पेहती सुगीॱआङ माहछोर्पा पेहती येशूगी स्‍याहप्‍च्‍यी काहल्‍दी येहकें। ओहले खो पिलातससाला काहल्‍दी, “येशूगी कुबुर ङाहला ख्‍येर च्‍य़ू नाङदोङ” म़ेदी ओहर-छ्य़े स्‍युहसीन। ओहले पिलातसगीॱआङ “ओहङगे ख्‍येर्ती सोङ,” म़ेदी मासीन। ओहले योसेफ काहल्‍दी येशूगी कुबुर क्‍याहङस्‍यीङले पाप्‍ते ख्‍येर्सीन।

यूहन्‍ना 20:19

साताकी तोहङस्‍यो ङ्यिहमा जा ङ्यिहमाकी कुहङॱसे, स्‍याहप्‍च्‍यीया़ यहूदी गोबाया़गी ज्‍यी़सुगी पेहती कोह क्‍याहप्‍ती तेहक्‍यो येहकें। ओ़ह ती़हजीलाराङ येशू याहङमे-याहङ फेप्‍ती खुङया़गी पाहरक्‍यीला ज़्‍याङदी ज़्‍य़ू नाङसीन ओहले येशूगी खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु!”

ज्‍याल्‍गा 2:13

ख्‍याया़ ती़हगी ॱठि येहकें ग्‍या़ला बा़सा तेहकें म़ेदी ङाहला क्‍यी़ह येह। यिहॱनाङ ख्‍या ङाहती मिहनला थिक-चि पेहती तेहकें। ङाहती यिह-छ्य़ेबु पाङबु एन्‍टिपासकी ती़हजीलाॱआङ ङाह थो़ला ज़्‍या़क्‍योकी तेहपा ख्‍याया़गी माहक्‍युर। ती़ह गो-छ्येवा तेहकें ग्‍या़ला ख्‍याया़गी पाहरक्‍यीलाराङ खोला सेसीन।

यूहन्‍ना 9:34

खुङया़गी खोला ल़ेहन क्‍याहप्‍ती मासीन, “ख्‍येनी तेहम्‍बाराङ तिहक्‍पाला क्‍येक्‍यो यिहम्‍बा, ओहले च्‍यि ताहन्‍दा ख्‍ये ङ्यिहला लोप्‍च्‍ये छोल्‍गे?” म़ेदी खुङया़गी खोला फिला तेन चाहङसीन।

यूहन्‍ना 3:2

ओहले कुहङमु च्‍यी़ खो येशूसाला ओहङदी मासीन, “लोबेन ला़ह, ङ्यिहला क्‍यी़ह येह राहङ किन्‍ज्‍यो लाहमले ङ्यिहला लोप्‍च्‍येला फेप नाङग्‍यो यिहम्‍बा, च्‍यिबेमाना किन्‍ज्‍यो राहङ ङ्याम्‍बु ज़्‍य़ू माहनाङबा यिहनानी राहङगी जे नाङग्‍यो ल़ेहमु दि याहम्‍जेम्‍बागी ताक्‍छेनया़ सुज्‍यीगीॱआङ पेह मी़हखुएँ।”

यूहन्‍ना 7:1

ओ़ह तिङले येशू गालील साने़लाराङ कोरा क्‍याहप नाङसीन, येशू यहूदीयाला फेप्‍च्‍ये थु जे माहनाङ, च्‍यिबेमाना यहूदीया़गी येशूला सेच्‍ये छोल्‍गो येहकें।

यूहन्‍ना 7:11

छ्येपाला यहूदी गोबाया़गी येशूला छोल्‍गेराङ येहकें। “येशू का़हला येहबा?” म़ेदी खुङया़गी टी़हगेनॱराङ येहकें।

यूहन्‍ना 7:15

ओहले यहूदी गोबाया़गी ज्‍यिबुराङ ह्‍अ ल़ेहदी मासीन, “दि मिहगी टा़हॱआङ मा़हटाहबा पेहती दि रोहवा काह-ठि पेहती स्‍य़ेगे काहल्‍ग्‍यो यिहम्‍बा?”