यूहन्‍ना 7:12 - ह्योल्‍मो

¹² मिह मिह-माहङया़गी पाहरक्‍यीला येशूगी तेहन्‍दाला माहङबुराङ लोहङडी काहल्‍सीन। लाहलागी, “खोनी मिह या़हबु यिहम्‍बा” म़ेदी माउ येहकें ओहले लाहलागीनी, “मिहम्‍बा, खोनी मिहया़ला गो़ च्‍यी़राङ कोर च्‍य़ूएँ” म़ेदी माउ येहकें।

यूहन्‍ना 7:12 Referans Kwoze

यूहन्‍ना 9:16

लाहला फरिसीया़गी मासीन, “ओ़ह मिह किन्‍ज्‍यो लाहमले ओहङग्‍यो मिहन, च्‍यिबेमाना खोगी थाङ सोएँ ङ्यिहमागी ठिम मी़हचीएँ दु।” यिहॱनाङ लेहमेनया़गी मासीन, “तिहक्‍च्‍येम्‍बा मिहगी काह-ठि पेहती दि ल़ेहमु याहम्‍जेन छ्येवागी ल़ेहया़ पेह ख़ूएँ ले?” दि ल़ेहमु पेहती खुङ नाहङदोङराङ ठ़ूस्‍यी काहल्‍सीन।

यूहन्‍ना 7:47

ओहले फरिसीया़गी मासीन, “ख्‍याया़लाॱआङ ओ़ह मिहगी गो़ ली़दे ताङबा नि च्‍यि यिहम्‍बा?

यूहन्‍ना 7:32

ओ़ह मिह मिह-माहङगी येशूगी तेहन्‍दाला ताम लोहङटी पेह तेहक्‍यो फरिसीया़गी थ़ेसीन। ओहले पूजाहारी छ्यिम्‍बुया़ दाङ फरिसीया़गी येशूला जु़ङज्‍येला छ्योखाङ सुङगेन्‍गी मिहया़ला ताङसीन।

फिलिप्‍पी 2:14

च्‍यि ल़ेह पेहॱनाङ ङ्येहर्स्‍यी माहबेबा पेहती ओहले लोहङडी माहबेबा पेहती पेहतोङ,

रोमी 5:7

मिह टाहङबुगी तेहन्‍दाला स्‍यिज्‍येलाॱआङ ठाबे ओहङगे मिह ज्‍योर्च्‍येलानी का़हबुॱराङ ओहङडो, ओहले ज्‍यिबुराङ या़हबु मिह येहसीमाना खोगी तेहन्‍दाला सुज्‍यी स्‍यिज्‍येलाॱआङ स्‍युक पेह ओहङ।

ल़ेह-पेन 11:24

बारनाबासदी नाम्‍पार-ताहक्‍पा थु दाङ यिह-छ्य़ेगी काहङग्‍यो ज्‍यिबुराङ मिह या़हबु येहकें, खोगी पेहती मिह माहङबुगी चो़वोला सेमले खाल्‍सीन।

यूहन्‍ना 7:52

ओहले खुङया़गी खोला मासीन, “च्‍यि ख्‍येॱआङ गालील साने़दी यिहम्‍बा? छ्य़ेला छोल्‍दी त़ेदोङ ओहले ख्‍येगी ह्‍अ कोहज्‍ये येह, गालील साने़ले सुज्‍यीॱआङ लुहङतेम्‍बा ओहङदी म़ेह।”

यूहन्‍ना 6:14

येशूगी जे नाङग्‍योकी दि रोहवा याहम्‍जेन छ्येवागी छ्या़ले थोङदी मिहया़गी मासीन, “जाम्‍बुलीङला फेप्‍च्‍ये येह म़ेदी ओहराङगी रेहवा पेहक्‍योकी लुहङतेम्‍बानी तेहम्‍बा-तेहन्‍सुमॱराङ मिह-रो़हराङ गा यिहन्‍गे दुबा!”

लूका 23:50

छो़बागी मिहया़ नाहङला यहूदीया लुहङबागी अरिमाथिया माएँ क्‍याहसाले ओहङग्‍योगी योसेफ मिहन थो़क्‍योगी मिह च्‍यी़ येहकें। खो मिह या़हबु दाङ टाहङबु येहकें। ओहले खो किन्‍ज्‍योगी क्‍याहल्‍सीला कू़हदी तेहक्‍यो येहकें। छो़बागी मिहया़गी येशूला से कोहएँ म़ेदी माएँमु खोगी येशूला सेच्‍ये मेहयोहङगे म़ेदी माक्‍यो येहकें।

लूका 23:47

दि रोहवा काहल्‍ग्‍यो थोङदी रोमी माक्‍पेनगी दि ल़ेहमु म़ेदी किन्‍ज्‍योला ज़िज्‍यिद फुल्‍सीन, “तेहम्‍बाराङ, दि मिहनी टाहङबु यिहम्‍बा दुबा!”

लूका 18:19

ओहले येशूगी खोला सुङ नाङसीन, “ख्‍येगी ङाहला च्‍यिबे थाम्‍ज्‍यी म़ेदी या़हबु माएँ? किन्‍ज्‍यो च्‍यी़ मिहम्‍बा नि लेहमेन सुॱआङ या़हबु म़ेह।

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

लूका 6:45

मिह या़हबुगी राहङगी सेमला येहकेन्‍गी या़हबु से़हगी चाहङलेगी या़हबु से़हराङ तेन्‍गे। मिह चोक्‍पागी राहङगी सेमला येहकेन्‍गी चोक्‍पा से़हगी चाहङलेगी चोक्‍पा से़हराङ तेन्‍गे च्‍यिबेमाना मिहगी सेमला च्‍यि येहबा ओ़ह तामॱराङ मिहगी माएँ!” सुङदी येशूगी सुङ ख्‍येप्‍टा नाङसीन।

मत्ती 27:63

“लाहसो लाह, ङ्यिहगी टेहम्‍बा साल्‍देॱराङ येहबा, ओ़ह ह्‍आउस्‍या़गी सोम्‍बो येहकेंमुराङ ‘ङाह स्‍यी़दीले ङ्यिहमा सुमला येहपाराङ सोम्‍बो लो़हज्‍ये येह’ म़ेदी माक्‍यो येहकें।

मत्ती 21:46

ओ़ह सोङबे खुङया़गी येशूला ज़ुङज्‍ये छोल्‍सीन, यिहॱनाङ खुङया़ मिह मिह-माहङ ङ्याम्‍बु ज्‍यी़सीन च्‍यिबेमाना मिहया़गी येशूला लुहङतेम्‍बा यिहम्‍बा म़ेदी चा़ पेहको येहकें।

मत्ती 10:25

ओ़ह सोङबे स्‍याहप्‍च्‍यी राहङगी लोबेनचेबाॱराङ, ओहले योक्‍पु राहङगी ताहक्‍पुजेबाराङ काहल्‍ग्‍योगी तेहन्‍दाला सेम लो तेहमु पेहच्‍यु। का़हलेॱआङ खुङगी खाङबागी ताहक्‍पुलाॱराङ ती़ह गो-छ्येवा बालजिबुल म़ेदी मासीमानानी खोगी खाङबा मे़हमेया़लानी तोहरोङ च्‍यि मारो?” म़ेदी येशूगी सुङ नाङसीन।